ໃນວັນທີ 26 ກັນຍານີ້ທີ່ນະຄອນຫຼວງວຽງຈັນ. 4 ສະຖາບັນໄດ້ເປີດກອງປະຊຸມສຳມະນາວິທະຍາສາດສາກົນຂຶ້ນ, ພາຍໃຕ້ຫົວຂໍ້ “ການຮ່ວມມືພາກພື້ນເພື່ອໂຕ້ຕອບການປ່ຽນແປງຂອງສະພາບດິນຟ້າອາກາດຢູ່ ສປປ ລາວ, ສສ ຫວຽດນາມ, ຣາຊະອານາຈັກກຳປູເຈຍ ແລະ ສ ເກົາຫຼີ” ຊຶ່ງເປັນກຽດ ເຂົ້າຮ່ວມກອງປະຊຸມນຳໂດຍ ທ່ານ ກອງແກ້ວ ໄຊສົງຄາມ ກຳມະການສູນກາງພັກ ເລຂາຄະນະພັກ ປະທານສະຖາບັນວິທະຍາສາດເສດຖະກິດ-ສັງຄົມແຫ່ງຊາດລາວ, ສະຖາບັນສິ່ງແວດລ້ອມ ສ ເກົາຫຼີ ນຳໂດຍ ທ່ານ ຈາງ ຮຸນ ລີ ຮອງປະທານສະຖາບັນສິ່ງແວດລ້ອມ ສ ເກົາຫຼີ(KEI), ສະຖາບັນວິທະຍາສາດ ສັງຄົມຫວຽດນາມ ນຳໂດຍ ທ່ານ ຮສ ປອ ຕ້າ ມິ່ງ ຕວັນ ຮອງປະທານສະຖາບັນວິທະຍາສາດ ສັງຄົມຫວຽດນາມ(VASS), ຣາຊະບັນດິດສະພາແຫ່ງຣາຊະອານາຈັກກຳປູເຈຍ ນຳໂດຍ ທ່ານ ບັນດິດ ໂສກໂຕ້ຍ ປະທານຣາຊະບັນດິດສະພາແຫ່ງຣາຊະອານາຈັກກຳປູເຈຍ(RAC), ມີຜູ້ຕາງໜ້າຈາກບັນດາກະ ຊວງ-ອົງການ,ຂະແໜງການຕ່າງໆ ບັນດານັກວິທະຍາສາດຂອງ 4 ສະຖາບັນ, ຜູ້ຕາງໜ້າຈາກອົງການ ສະຫະປະຊາຊາດເພື່ອການພັດທະນາ(UNDP) ປະຈຳ ສປປ ລາວ ແລະ ອົງການຈັດຕັ້ງສາກົນທີ່ກ່ຽວ ຂ້ອງ ພ້ອມດ້ວຍແຂກຖືກເຊີນເຂົ້າຮ່ວມ.
ກອງປະຊຸມຄັ້ງນີ້ມີຈຸດປະສົງເພື່ອສ້າງເວທີສົນທະນາແລກປ່ຽນບົດຮຽນກ່ຽວກັບແຜນຍຸດທະສາດ ແຫ່ງຊາດ, ລົງເລິກສົນທະນາເພື່ອສ້າງຄວາມເຂົ້າໃຈ ກ່ຽວກັບຜົນກະທົບທາງດ້ານເສດຖະກິດ-ສັງຄົມ ແລະ ພ້ອມກັນຄົ້ນຄວ້າແນວທາງແກ້ໄຂ ໃນແຕ່ລະຂະແໜງການ ແລະ ການຮ່ວມມືສາກົນ ເພື່ອຮັບມືກັບ ການປ່ຽນແປງດິນຟ້າອາກາດແລະ ເພື່ອເປັນການຊຸກຍູ້ຄວາມຮັບຜິດຊອບໃນຄວາມພະຍາຍາມຮ່ວມມື ກັນຈາກທຸກປະເທດທີ່ເຂົ້າຮ່ວມ; ພ້ອມນັ້ນ, ຍັງໄດ້ເກັບກຳບັນດາຄຳຄິດຄຳເຫັນຈາກນັກຊ່ຽວຊານ ແລະ ປະສົບການຂອງ ສ ເກົາຫຼີ, ກຳປູເຈຍ, ຫວຽດນາມ ແລະ ລາວ ມາເປັນແນວທາງໃນການສ້າງແຜນຍຸດທະສາດທີ່ມີປະສິດທິພາບ ເພື່ອຫຼຸດຜ່ອນ ແລະ ສາມາດປັບຕົວເຂົ້າກັບສະພາບແວດລ້ອມຈາກຜົນກະທົບ ການປ່ຽນແປງຂອງດິນຟ້າອາກາດ ທີ່ສາມາດຮັບປະກັນຄວາມຍືນຍົງ ແລະ ຍືດດຍຸ່ນ ຂອງສັງຄົມໃນອະນາ ຄົດ.
ທ່ານ ກອງແກ້ວ ໄຊສົງຄາມ ປະທານກອງປະຊຸມ ໄດ້ສະເໜີວ່າ: ກອງປະຊຸມຄັ້ງນີ້ເປັນກອງປະ ຊຸມທີ່ 4 ສະຖາບັນພ້ອມກັນຈັດຕັ້ງຂຶ້ນເພື່ອເປັນເວທີສົນທະນາແລກປ່ຽນບົດຮຽນ ແລະ ຄຳຄິດຄຳເຫັນທາງ ດ້ານວິທະຍາສາດຮ່ວມກັນ; ໃນກອງປະຊຸມສຳມະນາວິທະຍາສາດສາກົນປະຈຳປີ 2023 ຜ່ານມາ ທີ່ໄດ້ ຈັດຂຶ້ນ ທີ່ນະຄອນໂຮ່ຈິມິນ ຂອງ ສສ ຫວຽດນາມ ຊຶ່ງທັງ 4 ສະຖາບັນ ກໍໄດ້ມີການສົນທະນາ ປຶກສາຫາລື ແລະ ຕົກລົງເປັນເອກະພາບກັນສືບຕໍ່ຈັດກອງປະຊຸມ 4 ສະຖາບັນປະຈຳປີ 2024 ໂດຍມອບໃຫ້ສະຖາບັນວິທະຍາສາດເສດຖະກິດ-ສັງຄົມແຫ່ງຊາດລາວ ເປັນເຈົ້າພາບ ພາຍໃຕ້ຫົວຂໍ້ຫຼັກ “ການຮ່ວມມືພາກ ພື້ນເພື່ອໂຕ້ຕອບການປ່ຽນແປງ ຂອງສະພາບດິນຟ້າອາກາດ” ແລະ ເຫັນວ່າຫົວຂໍ້ດັ່ງກ່າວ ເປັນຫົວຂໍ້ທີ່ມີຄວາມສຳຄັນຫຼາຍ, ເປັນບັນຫາທີ່ໂລກຂອງພວກເຮົາພວມປະເຊີນໜ້າໃນປັດຈຸບັນ.
ການປ່ຽນແປງ ຂອງສະພາບດິນຟ້າອາກາດ ເປັນບັນຫາທີ່ເຄັ່ງຮ້ອນ, ຮີບດ່ວນ ແລະ ຕ້ອງການ ມີສ່ວນຮ່ວມຂອງທຸປະເທດ ແລະ ທຸກພາກສ່ວນຂອງສັງຄົມເພື່ອຊ່ວຍກັນຫຼຸດຜ່ອນການປ່ຽນແປງສະພາບ ໂລກຮ້ອນ ແລະ ຮັບມືກັບໄພທຳມະຊາດທີ່ອາດຈະເກີດຂຶ້ນຈາກການປ່ຽນແປງ ຂອງສະພາບດິນຟ້າອາ ກາດ ຊຶ່ງ2-3 ອາທິດຜ່ານມາ, ຢູ່ຫຼາຍພື້ນທີ່ ຂອງ ສປປ ລາວ ແລະ ສສ ຫວຽດນາມ ກໍໄດ້ຮັບຜົນກະ ທົບຢ່າງໜັກໜ່ວງຈາກພາຍຸຢາກິ ຊຶ່ງເຮັດໃຫ້ຝົນຕົກໜັກຕໍ່ເນື່ອງ ພາໃຫ້ເກີດໄພນໍ້າຖ້ວມ, ດິນເຊາະເຈື່ອນ, ນໍ້າປ່າໄຫຼຊຸແຮງ ອັນໄດ້ສົ່ງຜົນໃຫ້ເກີດຄວາມເສຍຫາຍ ຕໍ່ຊີວິດ ແລະ ຊັບສິນ, ພື້ນຖານໂຄງລ່າງເສດຖະ ກິດ ແລະ ກະທົບຕໍ່ຊີວິດການເປັນຢູ່ຂອງປະຊາຊົນຢ່າງມະຫາສານ; ການປ່ຽນແປງ ຂອງສະພາບດິນຟ້າອາກາດ, ໂດຍສະເພາະແມ່ນການເພີ່ມຂຶ້ນ ຂອງອຸນຫະພູມ(ໂລກຮ້ອນ), ການປ່ຽນແປງປະລິມານນໍ້າຝົນ, ການປ່ຽນແປງລະດູການ, ການເພີ່ມຂຶ້ນຂອງຄວາມຜັນຜວນ ຂອງອາກາດໄດ້ສົ່ງຜົນກະທົບຕໍ່ເສດຖະກິດ, ພື້ນຖານໂຄງລ່າງ, ສຸຂະພາບ ແລະ ການດຳລົງຊີວິດ ຂອງປະຊາຊົນເປັນວົງກວ້າງໃນຂອບເຂດທົ່ວໂລກ.
ກອງປະຊຸມໄດ້ແບ່ງອອກເປັນສາມວາລະຄື: 1 ທ່າອ່ຽງສະພາບການປ່ຽນແປງ ຂອງດິນຟ້າອາກາດ ແລະ ຜົນກະທົບຕໍ່ການພັດທະນາເສດຖະກິດ-ສັງຄົມ; 2 ການຮັບມືຕໍ່ການປ່ຽນແປງດິນຟ້າອາກາດ-ຍຸດ ທະສາດແຫ່ງຊາດ, ແຜນການ, ນະໂຍບາຍ ແລະ ການຈັດຕັ້ງປະຕິບັດ; 3 ກໍລະນີສຶກສາກ່ຽວກັບວິທີການ ແກ້ໄຂຢູ່ຂະແໜງການຕໍ່ກັບການປ່ຽນແປງ ຂອງສະພາບດິນຟ້າອາກາດ ແລະ ການຮ່ວມມືສາກົນ; ລວມມີ 12 ບົດ ທີ່ຂຶ້ນນຳສະເໜີ, ກອງປະຊຸມດັ່ງກ່າວໄດ້ດຳເນີນເປັນເວລາ 1 ວັນເຕັມ.
(ຂ່າວ-ພາບ: ພວງເພັດ ຈັນທະລີວົງ)
ກອງປະຊຸມຄັ້ງນີ້ມີຈຸດປະສົງເພື່ອສ້າງເວທີສົນທະນາແລກປ່ຽນບົດຮຽນກ່ຽວກັບແຜນຍຸດທະສາດ ແຫ່ງຊາດ, ລົງເລິກສົນທະນາເພື່ອສ້າງຄວາມເຂົ້າໃຈ ກ່ຽວກັບຜົນກະທົບທາງດ້ານເສດຖະກິດ-ສັງຄົມ ແລະ ພ້ອມກັນຄົ້ນຄວ້າແນວທາງແກ້ໄຂ ໃນແຕ່ລະຂະແໜງການ ແລະ ການຮ່ວມມືສາກົນ ເພື່ອຮັບມືກັບ ການປ່ຽນແປງດິນຟ້າອາກາດແລະ ເພື່ອເປັນການຊຸກຍູ້ຄວາມຮັບຜິດຊອບໃນຄວາມພະຍາຍາມຮ່ວມມື ກັນຈາກທຸກປະເທດທີ່ເຂົ້າຮ່ວມ; ພ້ອມນັ້ນ, ຍັງໄດ້ເກັບກຳບັນດາຄຳຄິດຄຳເຫັນຈາກນັກຊ່ຽວຊານ ແລະ ປະສົບການຂອງ ສ ເກົາຫຼີ, ກຳປູເຈຍ, ຫວຽດນາມ ແລະ ລາວ ມາເປັນແນວທາງໃນການສ້າງແຜນຍຸດທະສາດທີ່ມີປະສິດທິພາບ ເພື່ອຫຼຸດຜ່ອນ ແລະ ສາມາດປັບຕົວເຂົ້າກັບສະພາບແວດລ້ອມຈາກຜົນກະທົບ ການປ່ຽນແປງຂອງດິນຟ້າອາກາດ ທີ່ສາມາດຮັບປະກັນຄວາມຍືນຍົງ ແລະ ຍືດດຍຸ່ນ ຂອງສັງຄົມໃນອະນາ ຄົດ.
ທ່ານ ກອງແກ້ວ ໄຊສົງຄາມ ປະທານກອງປະຊຸມ ໄດ້ສະເໜີວ່າ: ກອງປະຊຸມຄັ້ງນີ້ເປັນກອງປະ ຊຸມທີ່ 4 ສະຖາບັນພ້ອມກັນຈັດຕັ້ງຂຶ້ນເພື່ອເປັນເວທີສົນທະນາແລກປ່ຽນບົດຮຽນ ແລະ ຄຳຄິດຄຳເຫັນທາງ ດ້ານວິທະຍາສາດຮ່ວມກັນ; ໃນກອງປະຊຸມສຳມະນາວິທະຍາສາດສາກົນປະຈຳປີ 2023 ຜ່ານມາ ທີ່ໄດ້ ຈັດຂຶ້ນ ທີ່ນະຄອນໂຮ່ຈິມິນ ຂອງ ສສ ຫວຽດນາມ ຊຶ່ງທັງ 4 ສະຖາບັນ ກໍໄດ້ມີການສົນທະນາ ປຶກສາຫາລື ແລະ ຕົກລົງເປັນເອກະພາບກັນສືບຕໍ່ຈັດກອງປະຊຸມ 4 ສະຖາບັນປະຈຳປີ 2024 ໂດຍມອບໃຫ້ສະຖາບັນວິທະຍາສາດເສດຖະກິດ-ສັງຄົມແຫ່ງຊາດລາວ ເປັນເຈົ້າພາບ ພາຍໃຕ້ຫົວຂໍ້ຫຼັກ “ການຮ່ວມມືພາກ ພື້ນເພື່ອໂຕ້ຕອບການປ່ຽນແປງ ຂອງສະພາບດິນຟ້າອາກາດ” ແລະ ເຫັນວ່າຫົວຂໍ້ດັ່ງກ່າວ ເປັນຫົວຂໍ້ທີ່ມີຄວາມສຳຄັນຫຼາຍ, ເປັນບັນຫາທີ່ໂລກຂອງພວກເຮົາພວມປະເຊີນໜ້າໃນປັດຈຸບັນ.
ການປ່ຽນແປງ ຂອງສະພາບດິນຟ້າອາກາດ ເປັນບັນຫາທີ່ເຄັ່ງຮ້ອນ, ຮີບດ່ວນ ແລະ ຕ້ອງການ ມີສ່ວນຮ່ວມຂອງທຸປະເທດ ແລະ ທຸກພາກສ່ວນຂອງສັງຄົມເພື່ອຊ່ວຍກັນຫຼຸດຜ່ອນການປ່ຽນແປງສະພາບ ໂລກຮ້ອນ ແລະ ຮັບມືກັບໄພທຳມະຊາດທີ່ອາດຈະເກີດຂຶ້ນຈາກການປ່ຽນແປງ ຂອງສະພາບດິນຟ້າອາ ກາດ ຊຶ່ງ2-3 ອາທິດຜ່ານມາ, ຢູ່ຫຼາຍພື້ນທີ່ ຂອງ ສປປ ລາວ ແລະ ສສ ຫວຽດນາມ ກໍໄດ້ຮັບຜົນກະ ທົບຢ່າງໜັກໜ່ວງຈາກພາຍຸຢາກິ ຊຶ່ງເຮັດໃຫ້ຝົນຕົກໜັກຕໍ່ເນື່ອງ ພາໃຫ້ເກີດໄພນໍ້າຖ້ວມ, ດິນເຊາະເຈື່ອນ, ນໍ້າປ່າໄຫຼຊຸແຮງ ອັນໄດ້ສົ່ງຜົນໃຫ້ເກີດຄວາມເສຍຫາຍ ຕໍ່ຊີວິດ ແລະ ຊັບສິນ, ພື້ນຖານໂຄງລ່າງເສດຖະ ກິດ ແລະ ກະທົບຕໍ່ຊີວິດການເປັນຢູ່ຂອງປະຊາຊົນຢ່າງມະຫາສານ; ການປ່ຽນແປງ ຂອງສະພາບດິນຟ້າອາກາດ, ໂດຍສະເພາະແມ່ນການເພີ່ມຂຶ້ນ ຂອງອຸນຫະພູມ(ໂລກຮ້ອນ), ການປ່ຽນແປງປະລິມານນໍ້າຝົນ, ການປ່ຽນແປງລະດູການ, ການເພີ່ມຂຶ້ນຂອງຄວາມຜັນຜວນ ຂອງອາກາດໄດ້ສົ່ງຜົນກະທົບຕໍ່ເສດຖະກິດ, ພື້ນຖານໂຄງລ່າງ, ສຸຂະພາບ ແລະ ການດຳລົງຊີວິດ ຂອງປະຊາຊົນເປັນວົງກວ້າງໃນຂອບເຂດທົ່ວໂລກ.
ກອງປະຊຸມໄດ້ແບ່ງອອກເປັນສາມວາລະຄື: 1 ທ່າອ່ຽງສະພາບການປ່ຽນແປງ ຂອງດິນຟ້າອາກາດ ແລະ ຜົນກະທົບຕໍ່ການພັດທະນາເສດຖະກິດ-ສັງຄົມ; 2 ການຮັບມືຕໍ່ການປ່ຽນແປງດິນຟ້າອາກາດ-ຍຸດ ທະສາດແຫ່ງຊາດ, ແຜນການ, ນະໂຍບາຍ ແລະ ການຈັດຕັ້ງປະຕິບັດ; 3 ກໍລະນີສຶກສາກ່ຽວກັບວິທີການ ແກ້ໄຂຢູ່ຂະແໜງການຕໍ່ກັບການປ່ຽນແປງ ຂອງສະພາບດິນຟ້າອາກາດ ແລະ ການຮ່ວມມືສາກົນ; ລວມມີ 12 ບົດ ທີ່ຂຶ້ນນຳສະເໜີ, ກອງປະຊຸມດັ່ງກ່າວໄດ້ດຳເນີນເປັນເວລາ 1 ວັນເຕັມ.
(ຂ່າວ-ພາບ: ພວງເພັດ ຈັນທະລີວົງ)
