ຂ່າວສານຊີອາໄອລາຍງານ ໃນວັນທີ 1 ຕຸລາ ຜ່ານມາວ່າ: ໃນວັນທີ 30 ກັນຍາແລ້ວນີ້, ລັດຖະບານຣັດເຊຍໄດ້ຍື່ນແຜນການງົບປະມານຂອງຊາດປີ 2025 ແລະ ແຜນການງົບປະມານຂອງຊາດປີ 2026-2027 ໃຫ້ແກ່ສະພາຕ່ຳແຫ່ງຊາດຣັດເຊຍ.ສຳລັບແຜນການດັ່ງກ່າວ, ກະຊວງການເງິນຣັດເຊຍກ່າວວ່າ: ລວມຍອດຜະລິດຕະພັນພາຍໃນ ຫຼື GDP ຂອງຣັດເຊຍໃນປີ 2024ຈະເພີ່ມຂຶ້ນ 3.9%, ງົບປະມານການເງິນຂອງຊາດຣັດເຊຍຈະໃຊ້ເຂົ້າໃນການປະກັນສັງຄົມ, ຄວາມໝັ້ນຄົງແຫ່ງຊາດ ແລະ ອະທິປະໄຕດ້ານວິທະຍາສາດເຕັກໂນໂລຊີເປັນບຸລິມະສິດ.
 ໃນ 3 ປີຂ້າງໜ້າ, ການເງິນຂອງຊາດຣັດເຊຍຈະໃຫ້ການສະໜັບສະໜູນດ້ານການເງິນຈຳນວນ  3,300 ຕື້ຣູບໃຫ້ແກ່ບັນດາທ້ອງຖິ່ນໃນແຕ່ລະປີ, ຍັງມີງົບປະມານຫຼາຍກວ່າ 170 ຕື້ຣູບຈະສະໜັບສະໜູນການພັດທະນາຂອງອຸດສາຫະກຳໄມໂຄຣເອເລັກໂຕຣນິກ. ນອກຈາກນີ້ແລ້ວ, ງົບປະມານທີ່ສະໜັບສະໜູນການເຄື່ອນໄຫວພິເສດດ້ານການທະຫານ ແລະ ເພີ່ມທະວີຄວາມສາມາດປ້ອງກັນຊາດກໍມີຈຳນວນຫຼວງຫຼາຍ.