ເພື່ອເປັນການຈັດຕັ້ງປະຕິບັດ ແຜນການຮ່ວມມືດ້ານວຽກງານ REDD+ ທີ່ຕິດພັນກັບການຈັດຕັ້ງປະຕິບັດມາດຕາ 6 ຂອງສົນທິສັນຍາປາຣີ ພາຍໃຕ້ກອບຂອງສົນທິສັນຍາສາກົນ ສປປ ລາວ ໄດ້ເຂົ້າເປັນພາຄີຂອງສົນທິສັນຍາສາກົນ ວ່າດ້ວຍການຄຸ້ມຄອງການປ່ຽນແປງຂອງດິນຟ້າອາກາດໃນປີ 1995 ແລະ ເຂົ້າຮ່ວມສົນທິສັນຍາ ວ່າດ້ວຍການຄຸ້ມຄອງມາດຕະການໃນການຫຼຸດຜ່ອນການປ່ອຍທາດອາຍເຮືອນແກ້ວຂຶ້ນສູ່ອາກາດ (Tokyo Protocol) ໃນປີ 2023 ແລະໄດ້ເລີ່ມຈັດຕັ້ງປະຕິບັດວຽກງານ(REDD+) ໃນປີ 2028 ເປັນຕົ້ນມາ ຊຶ່ງໄລຍະດັ່ງກ່າວແມ່ນເປັນການກະກຽມຄວາມພ້ອມສຳລັບການພັດທະນາໂຄງການສິນເຊື່ອກາກບອນ ຂອງ ສປປ ລາວ ທີ່ໄດ້ຮັບການສະໜັບສະໜູນຈາກຄູ່ຮ່ວມພັດທະນາກາກບອນປ່າໄມ້ ແລະ ວຽກງານດັ່ງກ່າວກໍໄດ້ມີການພັດທະນາ ແລະ ປັບປຸງເປັນແຕ່ລະໄລຍະ ມາຮອດປີ 2016 ໄດ້ລົງນາມສົນທິສັນຍາສາກົນປາຣີ ພາຍຫຼັງເຊັນສັນຍາແລ້ວ ສປປ ລາວ ກໍໄດ້ເອົາໃຈໃສ່ປະຕິບັດພັນທະຂອງຕົນຢ່າງເຂັ້ມງວດ ໂດຍສະເພາະໄດ້ຈັດຕັ້ງປະຕິບັດແຜນງານແຫ່ງຊາດໃນການປະກອບສ່ວນແກ້ໄຂບັນຫາການປ່ຽນແປງດິນຟ້າອາກາດ (NDC)ກາກໂບນິກທຽບເທົ່າ1.1 ລ້ານໂຕນ ຕໍ່ປີ ແລະ ໄດ້ເຂົ້າຮ່ວມກອງປະຊຸມລະຫວ່າງບັນດາປະເທດພາຄີ ແລະ ກອງປະຊຸມອື່ນໆໃນແຕ່ລະປີ ເພື່ອປຶກສາຫາລືກ່ຽວກັບວຽກງານ ໃຫ້ສາມາດປະຕິບັດໄດ້ຢ່າງເປັນເອກະພາບ ແລະ ມີຜົນສຳເລັດເປັນຢ່າງດີ.

ໃນວັນທີ 9 ຕຸລາ ນີ້, ກົມປ່າໄມ້ກະຊວງກະສິກຳ ແລະ ປ່າໄມ້ ໄດ້ຈັດພິທີເປີດນໍາໃຊ້ຫ້ອງການປະສານງານໂຄງການຮ່ວມມືລະຫວ່າງສປປລາວແລະສເກົາຫຼີ. ໂດຍການເຂົ້າຮ່ວມຂອງ ທ່ານ ລິນຄຳ ດວງສະຫວັນ ລັດຖະມົນຕີ ກະຊວງກະສິກຳ ແລະ ປ່າໄມ້ ສປປ ລາວ ແລະ ທ່ານ ລິມ ຊັງຊອບ ລັດຖະມົນຕິ ກະຊວງປ່າໄມ້ ສເກົາຫຼີ ພ້ອມດ້ວຍບັນດາ ທ່ານຮອງຫົວໜ້າຫ້ອງການ, ກົມ, ສະຖາບັນ ແລະ ແຂກທີ່ຖືກເຊີນທັງສອງຝ່າຍເຂົ້າຮ່ວມ.

ຫ້ອງການປະສານໂຄງການ REDD+ ລາວ-ເກົາຫຼີ ທີ່ຕັ້ງຢູ່ບ້ານດົງໝາກຄາຍ ເມືອງໄຊທານີ ນະຄອນຫຼວງວຽງຈັນ.

ຂ່າວ-ພາບ: ທ ພອນໄຊ ສີສົງຄາມ.