ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ9 ຕຸລາຜ່ານມາ ຢູ່ນະຄອນຫຼວງຮ່າໂນ້ຍ, ໃນການຕ້ອນຮັບທ່ານ ອິໂຕະ ນາໂອກິ ເອກອັກຄະຣາຊະທູດຍີ່ປຸ່ນປະຈຳຫວຽດນາມ, ທ່ານເຈິ່ນແທັງເໝິນປະທານສະພາແຫ່ງຊາດຫວຽດນາມເນັ້ນໜັກວ່າ:ແຜນນະໂຍບາຍສະເໝີຕົ້ນສະເໝີປາຍໃນນະໂຍບາຍການຕ່າງປະເທດຂອງຫວຽດນາມແມ່ນຖືຍີ່ປຸ່ນເປັນຄູ່ຮ່ວມມືສຳຄັນແຖວໜ້າແລະຍາວນານ; ທ່ານປາຖະໜາວ່າຢາກພ້ອມກັບຍີ່ປຸ່ນຜັນຂະຫຍາຍຂອບເຂດຄູ່ຮ່ວມມືຍຸດທະສາດຮອບດ້ານທີ່ຫາກໍໄດ້ຮັບການຍົກລະດັບໃຫ້ແທດຈິງ, ມີປະສິດທິຜົນ. ທ່ານຖືວ່າ, ຫວຽດນາມແລະຍີ່ປຸ່ນຍັງມີກຳລັງບົ່ມຊ້ອນຫຼາຍຢ່າງຕ້ອງຜັນຂະຫຍາຍໃນໄລຍະຈະມາເຖິງ, ພິເສດແມ່ນສຳລັບບັນດາຂົງເຂດຊຶ່ງຍີ່ປຸ່ນມີທ່າແຮງຄື: ການຫັນເປັນດີຈີຕອນ, ຫັນເປັນສີຂຽວ, ປັນຍາປະດິດ…; ສືບຕໍ່ເອົາໃຈໃສ່ຊຸກຍູ້ການຮ່ວມມືແລະຜັນຂະຫຍາຍບັນດາຂໍ້ຕົກລົງລະຫວ່າງທ້ອງຖິ່ນຕ່າງໆຂອງ2 ປະເທດ.

ສ່ວນທ່ານ ອິໂຕະ ນາໂອກິ ໃຫ້ຮູ້ວ່າ: ຍີ່ປຸ່ນຈະສືບຕໍ່ພະຍາຍາມສ້າງສະພາບແວດລ້ອມເປັນຢ່າງດີກວ່າເກົ່າໃຫ້ແກ່ຊາວຫວຽດນາມທີ່ພວມດຳລົງຊີວິດ, ເຮັດວຽກຢູ່ຍີ່ປຸ່ນກໍຄືມີນະໂຍບາຍດຶງດູດຜູ້ອອກແຮງງານໜຸ່ມໄປເຮັດວຽກຢູ່ຍີ່ປຸ່ນ.