ຂ່າວຕ່າງປະເທດລາຍງານ ໃນວັນທີ 9 ຕຸລາ ຜ່ານມາ,ສຳນັກງານສະຖິຕິແຫ່ງສະຫາລາຊະອານາຈັກ ລາຍງານວ່າ: ຈໍານວນປະຊາກອນຂອງສະຫາລາຊະອານາຈັກມີ68.3 ລ້ານຄົນເມື່ອຮອດກາງປີ 2023 ຊຶ່ງເພີ່ມຂຶ້ນ 1%ເມື່ອທຽບກັບໄລຍະກາງປີ 2022 ແລະເປັນອັດຕາການຂະຫຍາຍຕົວສູງທີ່ສຸດນັບຕັ້ງແຕ່ທົດສະວັດ 1970.

ລາຍງານລະບຸວ່າ: ເຖິງແມ່ນວ່າຈໍານວນປະຊາກອນຂະຫາຍຕົວເພີ່ມຂຶ້ນ ແຕ່ສະຫາລາຊະອານາຈັກປະສົບກັບການປ່ຽນແປງທາງດ້ານປະຊາກອນຕາມທຳມະຊາດຕິດລົບ -16,300 ຄົນ ເນື່ອງຈາກມີປະຊາກອນເສຍຊີວິດຫຼາຍກວ່າເກີດໃໝ່ ຊຶ່ງສະທ້ອນໃຫ້ເຫັນວ່າອັດຕາການຈະເລີນພັນຂອງປະເທດຢູ່ໃນລະດັບຕໍ່າ.

ນອກຈາກນັ້ນ, ຈໍານວນປະຊາກອນທີ່ເພີ່ມຂຶ້ນຂອງສະຫາລາຊະອານາຈັກເປັນຜົນມາຈາກການອົບພະຍົບເຂົ້າເມືອງຂອງຄົນຕ່າງປະເທດ. ໂດຍການອົບພະຍົບດັ່ງກ່າວເພີ່ມຈໍານວນປະຊາກອນຂອງສະຫາລາຊະອານາຈັກ 677,300 ຄົນ ໃນຮອບສິ້ນສຸດກາງປີ 2023

ເກາະອັງກິດ ແລະ ເວລ ມີການຂະຫຍາຍຕົວຂອງປະຊາກອນທີ່ໂດດເດັ່ນ ປະມານ 1% ຕາມດ້ວຍສະກອດແລນ 0.8% ແລະນອດເທີນໄອແລນ0.5%.