ຂ່າວສານຫວຽດນາມລາຍງານວ່າ: ອີງຕາມບົດລາຍງານການຄາດຄະເນພະລັງງານໄລຍະສັ້ນຂອງອົງການບໍລິຫານຂໍ້ມູນຂ່າວສານດ້ານພະລັງງານຂອງອາເມຣິກາ (EIA) ໃຫ້ຮູ້ວ່າ:ໃນປີໜ້າ, ການເຕີບໂຕຂອງຄວາມຕ້ອງການນ້ໍາມັນໃນ ອາເມຣິກາ ເວົ້າສະເພາະແລະທົ່ວໂລກ ເວົ້າລວມ ຈະບໍ່ເປັນໄປຕາມການຄາດຄະເນທີ່ຜ່ານມາ, ຍ້ອນກິດຈະກໍາທາງເສດຖະກິດຊ້າລົງ ໃນຈີນແລະອາເມຣິກາເໜືອ.
EIA ກ່າວວ່າ: ຄວາມຕ້ອງການນ້ຳມັນໃນທົ່ວໂລກຄາດວ່າຈະເພີ່ມຂຶ້ນຕື່ມ1.2ລ້ານບາເຣນ/ມື້ ເປັນ 104.3 ລ້ານບາເຣນ/ມື້ ໃນປີ 2025 ຊຶ່ງຫຼຸດລົງ 300,000 ບາເຣນ/ມື້ ເມື່ອທຽບໃສ່ກັບການຄາດຄະເນກ່ອນໜ້ານີ້. ຄວາມຕ້ອງການໃນປີ 2024 ຄາດວ່າຈະບັນລຸປະມານ 103.1 ລ້ານບາເຣນ/ມື້, ຫຼຸດລົງ 20,000 ບາເຣນ/ມື້ ເມື່ອທຽບໃສ່ການຄາດຄະເນທີ່ຜ່ານມາ.
ການຕັດສິນໃຈດັດປັບການຄາດຄະເນຂອງ EIA ສະແດງໃຫ້ເຫັນເຖິງການຫຼຸດລົງຂອງກິດຈະກໍາການນໍາເຂົ້າແລະກັ່ນນໍ້າມັນໃນປະເທດຈີນ ຊຶ່ງເປັນປະເທດບໍລິໂພກນ້ໍາມັນດິບທີ່ໃຫຍ່ທີ່ສຸດຂອງໂລກ. ນອກຈາກນັ້ນ, EIA ຍັງມີຄວາມກັງວົນກ່ຽວກັບການຫຼຸດລົງຂອງການຜະລິດອຸດສາຫະກໍາແລະການເຕີບໂຕຂອງການຜະລິດໃນ ອາເມຣິກາ ແລະການາດາ.