ວິທະຍຸກະຈາຍສຽງຫວຽດນາມລາຍງານ, ໃນວັນທີ10 ຕຸລາ ຜ່ານມາທ່ານ ຢຸນ ຊອກ ຢອນ ປະທານາທິບໍດີສເກົາຫຼີໄດ້ປະກາດວ່າ:ສ ເກົາຫຼີຈະເພີ່ມກອງທຶນຮ່ວມມືກັບອາຊຽນຂຶ້ນເປັນສອງເທົ່າເປັນ48 ຕື້ໂດລາໃນປີ2027 ເພື່ອໜູນຊ່ວຍບັນດາໂຄງການສຳຄັນໃນພາກພື້ນ.ຄຳໝັ້ນສັນຍາດັ່ງກ່າວໄດ້ຍົກອອກໃນກອງປະຊຸມສຸດຍອດອາຊຽນ - ສເກົາຫຼີຢູ່ ສປປລາວ, ພາຍຫຼັງສອງຝ່າຍຍົກການພົວພັນຂຶ້ນເປັນ“ການພົວພັນຄູ່ຮ່ວມມືຍຸດທະສາດຮອບດ້ານ”.

ຂ່າວລະບຸວ່າ: ໃນກອງປະຊຸມດຳເນີນຢູ່ນະຄອນຫຼວງວຽງຈັນ ສປປ ລາວ, ສອງຝ່າຍໄດ້ເຫັນດີສ້າງຕັ້ງກອງປະຊຸມຂັ້ນກະຊວງປ້ອງກັນປະເທດສເກົາຫຼີ - ອາຊຽນແລະເປີດກວ້າງການຮ່ວມມືໃນຄວາມໝັ້ນຄົງການເດີນທະເລແລະຂະແໜງອຸດສາຫະກຳດ້ານປ້ອງກັນຊາດ. ສອງຝ່າຍໃຫ້ຄຳໝັ້ນສັນຍາຊຸກຍູ້ການຮ່ວມມືໃນຂົງເຂດຕົ້ນຕໍ,ສເກົາຫຼີແລະອາຊຽນຈະເລີ່ມປະຕິບັດໂຄງການຫັນປ່ຽນເປັນດີຈີຕອນໃນທ້າຍປີນີ້ດ້ວຍບ້ວງເງິນລົງທຶນລວມມູນຄ່າ30 ລ້ານໂດລາຊຶ່ງໄດ້ຂຶ້ນແຜນຈົນຮອດປີ2028.