ຂ່າວຕ່າງປະເທດລາຍງານ ໃນວັນທີ 14 ຕຸລາ ຜ່ານມາວ່າ: ອົງການອະນາໄມໂລກ (WHO)ໄດ້ຮັບຮອງການນໍາໃຊ້ວັກຊິນ “ຈີນນີໂອສ” ເພື່ອປ້ອງກັນພະຍາດໝາກສຸກລີງ ກັບຜູ້ທີ່ມີອາຍຸ 12-17 ປີ.

ອົງການອະນາໄມໂລກ (WHO) ອອກຖະແຫຼງການເລື່ອງການອະນຸມັດຄຸນສົມບັດເບື້ອງຕົ້ນຂອງວັັນຊີນ “ຈີນນີໂອສ”ທີ່ຜະລິດໂດຍບໍລິສັດບາຣວາຣຽນ ນໍດິກເພື່ອສ້າງພູມຄຸ້ມກັນໃຫ້ກັບຜູ້ທີ່ມີອາຍຸ 12-17 ປີຈາກພະຍາດໝາກສຸກລີງ.

ປັດຈຸບັນ, ວັັນຊີນຈີນນີໂອສ ຫຼື Imvanexຊຶ່ງມີຄຸນສົມບັດສາມາດສ້າງພູມຕ້ານທານຕໍ່ພະຍາດໝາກສຸກລີງ ຫຼື Mpox ໄດ້ໃນລະດັບໜຶ່ງ ແລະ ເປັນວັກຊິນພຽງໂຕດຽວໃນເວລານີ້ ທີ່ WHOຮັບຮອງໃຫ້ໃຊ້ງານ ເພື່ອປ້ອງກັນພະຍາດໝາກສຸກລີງ ທີ່ອາຟຣິກກາກຳລັງປະເຊີນກັບການແຜ່ລະບາດຮອບໃໝ່ໂດຍສະເພາະໃນ ສາທາລະນະລັດ ປະຊາທິປະໄຕ ກົງໂກຫຼືDR Congo ແລະ WHOປະກາດພາວະສຸກເສີນດ້ານສາທາລະນະສຸກລະຫວ່າງປະເທດ ໃນເດືອນສິງຫາຜ່ານມາ ຊຶ່ງເປັນຄັ້ງທີສອງ ພາຍໃນໄລຍະເວລາພຽງ 2 ປີ ຕໍ່ຈາກການປະກາດລະຫວ່າງປີ 2022-2023.