ວິທະຍຸກະຈາຍສຽງຫວຽດນາມ ລາຍງານວ່າ: ໂດຍສືບຕໍ່ກອງປະຊຸມຄັ້ງທີ 38 ຂອງ ຄະນະປະຈຳສະພາແຫ່ງຊາດ, ໃນຕອນເຊົ້າວັນທີ 14 ຕຸລາ ຜ່ານມາ ທີ່ນະຄອນຫຼວງຢູ່ຮ່າໂນ້ຍ, ພາຍໃຕ້ການເປັນປະທານຂອງທ່ານ ເຈິ່ນແທັງເໝິນປະທານ ສະພາແຫ່ງຊາດ ຫວຽດນາມ, ບັນດາສະມາຊິກໃນຄະນະປະຈຳສະພາແຫ່ງຊາດ ແລະ ບັນດາກະຊວງ, ຂະແໜງການທີ່ກ່ຽວຂ້ອງໄດ້ປະກອບຄຳເຫັນກ່ຽວກັບການກະກຽມໃຫ້ແກ່ກອງປະຊຸມສະໄໝສາມັນຄັ້ງທີ 8 ສະພາແຫ່ງຊາດຊຸດທີ XV.

ທ່ານ ເຈິ່ນແທັງເໝິນກ່າວຄຳເຫັນໃນວາລະປະຊຸມວ່າ: ໃນກອງປະຊຸມສະໄໝສາມັນຄັ້ງທີ 8, ສະພາແຫ່ງຊາດຈະພິຈາລະນາ, ຕັດສິນ ຫຼາຍບັນຫາສຳຄັນຄື: ແຜນນະໂຍບາຍປັບປຸງການວາງແຜນຜັງນຳໃຊ້ທີ່ດິນໄລຍະ 2021 – 2030 ແລະ ວິໄສທັດຮອດປີ 2050; ແຜນນະໂຍບາຍລົງທຶນໂຄງການກໍ່ສ້າງເສັ້ນທາງຄວາມໄວສູງ ເໜືອ - ໃຕ້. ເພາະສະນັ້ນ, ລັກສະນະເປັນມືອາຊີບ, ຄວາມຮັບຜິດຊອບໃນວຽກງານສ້າງກົດໝາຍແມ່ນສຳຄັນທີ່ສຸດ.

ທ່ານກ່າວຕື່ມວ່າ: ພວກເຮົາ ຕ້ອງຄ່ອຍໆຍົກສູງລັກສະນະເປັນມືອາຊີບ ແລະ ລັກສະນະມີຄຸນນະພາບ ໃນວຽກງານສ້າງກົດໝາຍ, ຕ້ອງປະຕິບັດຢ່າງລະອຽດນັບແຕ່ຂັ້ນຕອນຮຽບຮຽງເອກະສານ.