ທ່ານ ຫວຽນ ຫວຽດ ຮຶງ ຮອງຜູ້ນວຍການໃຫຍ່ ທະນາຄານ Lao viet Bank ຕາງໜ້າ ໃຫ້ຄະນະອຳນວຍການທະນາຄານ Lao viet Bank ໄດ້ນຳເອົາຄອມພິວເຕີ ໂນດບຸກ ຈຳນວນ 3 ເຄື່ອງ ລວມມູນຄ່າທັງໝົດ 42,896.700 ກີບ ມາມອບໃຫ້ແກ່ໜັງສືພິມປະຊາຊົນ ໃນວັນທີ 17 ຕຸລານີ້ ທີ່ສຳນັກງານໜັງສືພິມ ປະຊາຊົນ, ໂດຍແມ່ນ ທ່ານ ວັນໄຊ ຕະວິນຍານ ຮອງຫົວໜ້າຄະນະໂຄສະນາອົບຮົມສູນກາງພັກ ຫົວໜ້າບັນນາທິການໃຫຍj ໜັງສືືພິມປະຊາຊົນ ເປັນຜູ້ກ່າວຮັບ.

ໃນໂອກາດດັ່ງກ່າວ, ທ່ານ ວັນໄຊ ຕະວິນຍານ ໄດ້ສະແດງຄວາມຂອບໃຈ ຕໍ່ທະນາຄານ Lao viet Bank ທີ່ໄດ້ໃຫ້ການສະໜັບສະໜູນ ເຄື່ອງຄອມພິວເຕີ ໂນດບຸກ ໃຫ້ແກ່ໜັງສືພິມປະຊາຊົນ ຊຶ່ງຈະໄດ້ນຳມາໝູນໃຊ້ເຂົ້າໃນວຽກງານຂອງໜັງສືພິມປະຊາຊົນ ໃຫ້ເກີດຜົນປະໂຫຍດສູງສຸດ ແລະ ຂໍອວຍພອນໃຫ້ທະນາຄານ Lao viet Bank ຈົ່ງເຕີບໃຫຍ່ເຂັ້ມແຂງ ແລະ ພັດນາທະນາຂຶ້ນຢ່າງບໍ່ຢຸດຢັ້ງ,ອວຍພອນໃຫ້ ທ່ານ ຫວຽນ ຫວຽດ ຮຶງ ຕະຫຼອດຮອດຄະນະອຳນວຍການ ແລະ ພະນັກງານຂອງທະນາຄານ Lao viet Bank ຈົ່ງມີສຸຂະພາບທີ່ແຂງແຮງ, ມີພະລະນາໄມທີ່ສົມບູນ ແລະ ປະສົບຜົນສຳເລັດໃນໜ້າທີ່ການງານທຸກປະການ ແລະ ຫວັງຢ່າງຍິງວ່າໃນຕໍ່ໜ້າຈະໄດ້ຮັບການອຸປະຖຳຊ່ວຍເຫຼືອໜັງສືພິມປະຊາຊົນຕື່ມອີກ.

(ຂ່າວ-ພາບ: ສຳນານ)