ຂ່າວຕ່າງປະເທດລາຍງານ ໃນວັນທີ 15 ຕຸລາຜ່ານມາ, ສະຫະພັນເຂົ້າແຫ່ງກຳປູເຈຍ ລາຍງານວ່າ: ກຳປູເຈຍສົ່ງອອກເຂົ້າສານ 445,913 ໂຕນ ໃນໄລຍະເດືອນກໍລະກົດ ຫາ ເດືອນກັນຍາ ຂອງປີ 2024 ຊຶ່ງສ້າງລາຍຮັບໄດ້ທັງໝົດ 335.4 ລ້ານໂດລາ.

ບົດລາຍງານລະບຸວ່າ: ບໍລິສັດຜູ້ປະກອບການຂອງກຳປູເຈຍ 54 ແຫ່ງ ໄດ້ຈັດສົ່ງເຂົ້າສານສູ່ 65 ປະເທດ ແລະ ພາກພື້ນ ໃນໄລຍະ 9 ເດືອນທຳອິດຂອງປີ 2024, ໂດຍຈີນຍັງແມ່ນໜຶ່ງໃນຜູ້ຊື້ເຂົ້າທີ່ສຳຄັນຂອງກຳປູເຈຍ.ປະລິມານການສົ່ງອອກເຂົ້າສານຈາກກຳປູເຈຍສູ່ຈີນ ໃນໄລຍະ 9 ເດືອນທຳອິດຂອງປີນີ້ ຢູ່ທີ່ 81,423 ໂຕນ ຊຶ່ງສ້າງລາຍຮັບໄດ້ທັງໝົດ 52,63 ລ້ານໂດລາ.ກຳປູເຈຍ ສົ່ງອອກເຂົ້າສານຫຼາຍສາຍພັນຄື: ເຂົ້າຫອມ, ເຂົ້າຂາວ, ເຂົ້າໜື້ງ ແລະ ເຂົ້າອິນຊີ.

ທ່ານ ອິມ ຣາຊນາ ໂຄສົກກະຊວງກະສິກຳ, ປ່າໄມ້ ແລະ ການປະມົງຂອງກຳປູເຈຍ ເປີດເຜີຍວ່າ: ຈີນແມ່ນໜຶ່ງໃນຕະຫຼາດຫຼັກຂອງສິນຄ້າກະສິກຳກຳປູເຈຍ, ໂດຍການສັ່ງຊື້ສິນຄ້າກະສິກຳຂອງຈີນ ແລະ ປະເທດອື່ນໆ ມີສ່ວນສົ່ງເສີມການພັດທະນາກະສິກຳຂອງກຳປູເຈຍ ລວມເຖິງເປັນປະໂຫຍດກັບປະຊາຊົນ ໂດຍສະເພາະຊາວກະສິກອນ.

ນອກຈາກເຂົ້າສານແລ້ວ, ຈີນ ຍັງສັ່ງຊື້ສິນຄ້າກະສິກຳອື່ນໆຈາກກຳປູເຈຍເຊັ່ນ: ກ້ວຍ, ໝາກ ມ່ວງ, ມັນຕົ້ນ, ລຳໄຍ ແລະ ໝາກເຜັດ.