ຂ່າວຕ່າງປະເທດລາຍງາຍ ເມື່ອທ້າຍອາທິດຜ່ານມາ, ກົມຢາງພາລາຂອງກຳປູເຈຍໄດ້ເປີດເຜີຍບົດລາຍງານໂດຍລະບຸວ່າ: ກຳປູເຈຍສົ່ງອອກຢາງພາລາແຫ້ງ 242.304 ໂຕນ ໃນໄລຍະເດືອນມັງກອນ-ກັນຍາ 2023 ເພີ່ມຂຶ້ນ 3,5% ຈາກ 234.100 ໂຕນ ໃນໄລຍະເວລາດຽວກັນຂອງປີຜ່ານມາ.

ບົດລາຍງານລະບຸວ່າ: ກຳປູເຈຍສາດມາດສ້າງລາຍໄດ້ຈາກການສົ່ງອອກສິນຄ້າສຳຄັນດັ່ງກ່າວ320,5 ລ້ານໂດລາ ໃນໄລຍະ 9 ເດືອນທຳອິດຂອງປີ 2023 ຫຼຸດລົງ 9,8% ຈາກ 355,6 ລ້ານໂດລາ ໃນໄລຍະເວລາດຽວກັນຂອງປີຜ່ານມາ. ທ່ານ ຮິມ ອູນ ອະທິບໍດີກົມຢາງພາລາກ່າວວ່າ: ຢາງພາລາແຫ້ງ 1 ໂຕນ ມີລາຄາສະເລ່ຍ 1.323 ໂດລາ ໃນໄລຍະ 9 ເດືອນທຳອິດຂອງປີນີ້ ຊຶ່ງຕ່ຳກວ່າໄລຍະເວລາດຽວກັນຂອງປີຜ່ານມາປະມານ 196 ໂດລາ.

ອີກຢ່າງໜຶ່ງ, ກຳປູເຈຍສົ່ງອອກສິນຄ້າຊະນິດນີ້ໄປຍັງມາເລເຊຍ, ຫວຽດນາມ, ສິງກະໂປ ແລະ ຈີນເປັນຫຼັກ ໂດຍປັດຈຸບັນມີພື້ນທີ່ປູກຕົ້ນຢາງພາລາ 404.578 ແຮັກຕາ ຊຶ່ງຕົ້ນຢາງພາລາໃນເນື້ອທີ່ 315.332 ເຮັກຕາ ຫຼື ຄິດເປັນ 78% ແກ່ພໍທີ່ຈະກີດເອົານ້ຳຢາງໄດ້ແລ້ວ.