ວັນທີ 30 ຕຸລາຜ່າມາຈັດເຂຶ້ນຢູ່ໂຮງແຮມເອຣາວັນ ຣີເວີຊາຍ ນະຄອນປາກເຊ ໄດ້ມີພິທີເຊັນບົດບັນທຶກຄວາມເຂົ້າໃຈ (MOU) ວ່າດ້ວຍການສຶກສາສໍາຫຼວດຄວາມເປັນໄປໄດ້ ໃນການລົງທຶນພັດທະນາ ເນື້ອທີ່ດິນ ເພື່ອຮັບໃຊ້ໂຄງການປູກພືດຜັກ, ກ້າເບ້ຍໄມ້ ແລະ ໄມ້ໃຫ້ໝາກ ເສດຖະກິດແບບປະສົມປະສານ ຢູ່ຄຸ້ມຫ້ວຍຕ້ອງ ບ້ານຫ້ວຍພື້ນ ເມືອງບາຈຽງຈະເລີນສຸກ ແຂວງຈໍາປາສັກ ລະຫວ່າງ ອົງການປົກຄອງແຂວງຈຳປາສັກ ແລະ ບໍລິສັດ ລາວເດລົ້ຟາມ ຈຳກັດຜູ້ດຽວ ໂດຍການເຂົ້າຮ່ວມຂອງ ທ່ານ ສົມບູນ ເຮືອງວົງສາ ຮອງເຈົ້າແຂວງຈຳປາສັກ, ມີແຂດຖືກເຊີນ ແລະ ພາກສ່ວນກ່ຽວຂ້ອງຈາກແຂວງ, ເມືອງ ຕະຫຼອດຮອດ ພະນັກງານວິຊາການທັງສອງຝ່າຍເຂົ້າຮ່ວມ. ຕາງໜ້າອົງການປົກຄອງແຂວງຈຳປາສັກ ຮ່ວມລົງນາມໂດຍ ທ່ານ ສຸກສະຫວັນ ວິໄລວົງ ຫົວໜ້າພະແນກແຜນການ ແລະ ການລົງທຶນແຂວງ. ຝ່ານບໍລິສັດ ລົງນາມໂດຍ ທ່ານ ຄໍາຜາດ ສຸລິນພູມີ ອໍານວຍການບໍລິສັດ ລາວເດລີ້ຟາມ ຈໍາກັດຜູ້ດຽວ.
ການເຊັນບົດບັນທຶກຄວາມເຂົ້າໃຈຄັ້ງນີ້, ມີເນື້ອທີ່ສຶກສາສໍາຫຼວດ 18.59 ເຮັກຕາ, ຮູບແບບການລົງທຶນພາຍໃນ 100%, ກິດຈະການຂອງໂຄງການແມ່ນ ປູກພືດຜັກ, ກ້າເບ້ຍໄມ້ ແລະ ໄມ້ໃຫ້ໝາກ ເສດຖະກິດແບບປະສົມປະສານ. ການດໍາເນີນການສຶກສາສໍາຫຼສດ ຕ້ອງໄດ້ມີການສຶກສາຄວາມເປັນໄປໄດ້ທາງດ້ານເສດຖະກິດ - ເຕັກນິກ, ຕ້ອງໄດ້ສຶກສາເບື້ອງຕົ້ນກ່ຽວກັບຜົນກະທົບຕໍ່ສິ່ງແວດລ້ອມ - ສັງຄົມ ແລະ ທໍາມະຊາດ ເພື່ອເຮັດໃຫ້ການສຶກສາສໍາຫຼວດ ດໍາເນີນໄປຖືກຕ້ອງຕາມລະບຽບກົດໝາຍ ແລະ ມີຜົນສໍາເລັດ.
(ຂ່າວ-ພາບ: ທູນທອງໃຈ)
