ຂ່າວສານຊີອາໄອ ລາຍງານໃນວັນທີ 28 ຕຸລາ ຜ່ານມາ, ອີງຕາມໂຕເລກຂໍ້ມູນທີ່ອົງການສະຖິຕິແຫ່ງຊາດຈີນເປີດເຜີຍໃນວັນທີ 27 ຕຸລາ ຜ່ານມາໃຫ້ຮູ້ວ່າ: ນັບແຕ່ເດືອນມັງກອນຫາເດືອນກັນຍາປີນີ້, ວິສາຫະກິດອຸດສາຫະກໍາຂະໜາດໃຫຍ່ຂອງຈີນທີ່ມີລາຍຮັບຫຼາຍກວ່າ 20 ລ້ານຢວນຕໍ່ປີໄດ້ມີຜົນກໍາໄລບັນລຸເຖິງ 5,228 ຕື້ 160 ລ້ານຢວນ, ຫຼຸດລົງ 3,5% ເມື່ອທຽບໃສ່ໄລຍະດຽວກັນຂອງປີ 2023.

ທ່ານ ຢວີເວີ້ຍໜິງ ນັກສະຖິຕິກົມອຸດສາຫະກໍາອົງການສະຖິຕິແຫ່ງຊາດຈີນແຈ້ງໃຫ້ຮູ້ວ່າ: ເນື່ອງຈາກໄດ້ຮັບຜົນກະທົບຈາກປັດໄຈຫຼາຍຢ່າງ, ນັບແຕ່ເດືອນມັງກອນຫາເດືອນກັນຍາປີນີ້, ຜົນກໍາໄລຂອງວິສາຫະກິດອຸດສາຫະກໍາຂະໜາດໃຫຍ່ໄດ້ຫຼຸດລົງເມື່ອທຽບໃສ່ໄລຍະດຽວກັນຂອງປີ 2023, ແຕ່ຍອດມູນຄ່າຜົນກໍາໄລແມ່ນໄດ້ລື່ນກາຍ 5,000 ຕື້ຢວນ, ພິເສດ ຜົນກໍາໄລຂອງຂະແໜງການທີ່ເປັນແຮງຂັບເຄື່ອນໃໝ່ທີ່ມີອຸດສາຫະກໍາການຜະລິດເຕັກໂນໂລຊີສູງເປັນຕົວແທນນັ້ນໄດ້ມີຈັງຫວະການເຕີບໂຕອ່າວໄວ, ໂດຍໄດ້ສ່ອງແສງໃຫ້ເຫັນເຖິງຄວາມໜຽວແໜ້ນດ້ານການພັດທະນາເສດຖະກິດອຸດສາຫະກໍາຂອງຈີນ.