ຂ່າວສານຊີອາໄອລາຍງານ ຫວ່າງບໍ່ດົນມານີ້, ອີງຕາມແຫຼ່ງຂ່າວຈາກອົງການການບິນພົນລະເຮືອນຈີນແຈ້ງໃຫ້ຮູ້ວ່າ: ໃນໄຕມາດທີ 3 ຂອງປີນີ້, ປະລິມານການຂົນສົ່ງໃນທົ່ວຂະແໜງການບິນພົນລະເຮືອນຂອງຈີນບັນລຸເຖິງ 40,35 ຕື້ໂຕນກິໂລແມັດ, ເພີ່ມຂຶ້ນ 19,8% ເມື່ອທຽບໃສ່ໄລຍະດຽວກັນຂອງປີ 2023. ຍອດປະລິມານການຂົນສົ່ງຜູ້ໂດຍສານ ແລະ ຂົນສົ່ງສິນຄ້າຂອງການບິນພົນລະເຮືອນສູງທີ່ສຸດໃນປະຫວັດສາດ.

ດ້ານການຂົນສົ່ງຜູ້ໂດຍສານ, ໃນໄຕມາດທີ 3 ຂອງປີນີ້ປະລິມານການຂົນສົ່ງຜູ້ໂດຍສານຜ່ານທາງການບິນພົນລະເຮືອນບັນລຸເຖິງ 200 ລ້ານເທື່ອຄົນ, ເພີ່ມຂຶ້ນ 12,3% ເມື່ອທຽບໃສ່ໄລຍະດຽວກັນຂອງປີ 2023, ໃນນັ້ນ, ເສັ້ນທາງການບິນພາຍໃນປະເທດບັນລຸເຖິງ 180 ລ້ານເທື່ອຄົນ, ເພີ່ມຂຶ້ນ 8,3% ເມື່ອທຽບໃສ່ໄລຍະດຽວກັນຂອງປີ 2023. ເສັ້ນທາງການບິນຕ່າງປະເທດບັນລຸເຖິງ 18.226.000 ເທື່ອຄົນ, ເພີ່ມຂຶ້ນ 78% ເມື່ອທຽບໃສ່ໄລຍະດຽວກັນຂອງປີ 2023. ນັບມາຮອດທ້າຍເດືອນກັນຍາປີນີ້, ຍອດປະລິມານການຂົນສົ່ງຜູ້ໂດຍສານສາກົນຂອງສາຍການບິນຈີນໄດ້ຟື້ນຟູຄືນຮອດລະດັບ 90% ຂຶ້ນໄປເມື່ອທຽບໃສ່ໄລຍະດຽວກັນຂອງປີ 2019 ເປັນ 3 ເດືອນລຽນຕິດ.

ດ້ານການຂົນສົ່ງສິນຄ້າ, ໃນໄຕມາດທີ 3 ຂອງປີນີ້ປະລິມານການຂົນສົ່ງສິນຄ້າຜ່ານທາງໄປສະນີຂອງຂະແໜງການທັງໝົດບັນລຸເຖິງ 2.315.000 ໂຕນ, ເພີ່ມຂຶ້ນ 19,4% ເມື່ອທຽບໃສ່ໄລຍະດຽວກັນຂອງປີ 2023