ຂ່າວຕ່າງປະເທດລາຍງານ ໃນວັນທີ 29 ຕຸລາ ຜ່ານມາ, ອົງ​ການພັດທະນາ​ສື່​ມວນຊົນ ແລະການສື່ສານ ​ຂອງ​ສິງ​ກະ​ໂປ​ລາຍງານວ່າ: ເສດຖະກິດດີຈີຕອນຂອງສິງກະໂປ ມີສ່ວນ​ຊ່ວຍສະ​ໜັບ​ສະ​ໜູນລວມຍອດ​ຜະ​ລິດ​ຕະ​ພັນ​​ພາຍ​ໃນ​ປະ​ເທດ (GDP) ປະມານ 17.7% ໃນປີ2023 ຊຶ່ງ​ເພີ່ມຂຶ້ນຈາກ17.3%ໃນປີ 2022

ບົດລາຍງານຈາກອົງການດັ່ງກ່າວ ນິຍາມເສດຖະກິດດີຈີຕອນຂອງສິງກະໂປດ້ວຍມູນຄ່າເພີ່ມໃນຂະແໜງທຸລະກິດສື່ມວນຊົນ ແລະ ການສື່ສານ ປະກອບກັບມູນຄ່າເພີ່ມຈາກການສ້າງຄວາມເປັນດີຈີຕອນໃນພາກສ່ວນທີ່ເຫຼືອຂອງເສດຖະກິດ.

ເສດຖະກິດຂອງສິງກະໂປຂະຫຍາຍຕົວໃນອັດຕາການຂະຫຍາຍຕົວຕໍ່ປີໂດຍສະເລ່ຍຢູ່ທີ່ 11.2%ໃນສົກປີ 2018-2023ຊຶ່ງຄິດເປັນເກືອບສອງເທົ່າຂອງອັດຕາການຂະຫຍາຍຕົວຂອງລວມຍອດຜະລິດຕະພັນພາຍໃນປະເທດທີ່ເປັນເງິນໃນໄລຍະດຽວກັນ.

ຄວາມຕ້ອງການຊ່ຽວຊານທາງດ້ານເຕັກໂນໂລຊີໃນສິງກະໂປ ຍັງຄົງເພີ່ມຂຶ້ນໃນປີ 2023, ໂດຍຕໍາແໜ່ງວຽກທາງດ້ານເຕັກໂນໂລຊີ ໃນປີ 2023ເພີ່ມຂຶ້ນ 3.4% ເມື່ອທຽບໃສ່ປີຕໍ່ປີຢູ່ທີ່ 208,300 ຕຳ ແໜ່ງ ຄິດເປັນ 5.2% ຂອງການຈ້າງງານທັງໝົດໃນສິງກະໂປ.

ໃນຂະນະດຽວກັນ, ຄ່າຈ້າງລາຍເດືອນໂດຍສະເລ່ຍຂອງພະນັກງານວິຊາການດ້ານເຕັກໂນໂລຊີໃນທ້ອງຖິ່ນຫຼຸດລົງ ຈາກ 7,380 ໂດລາສິງກະໂປ ໃນປີ 2022 ເຫຼືອ 7,000 ໂດລາສິງກະໂປ ໃນປີ 2023.