ຂ່າວສານຫວຽດນາມລາຍງານວ່າ: ໃນຖານະເປັນປະເທດປະທານສະມາຄົມປະຊາຊາດອາຊີຕາເວັນອອກສ່ຽງໃຕ້ (ອາຊຽນ) ໃນປີ 2025, ມາເລເຊຍມຸ່ງເນັ້ນການຊຸກຍູ້ການຮ່ວມມືດ້ານເສດຖະກິດ, ການຄ້າເສລີດ້ານການຄ້າ, ການບໍລິການ ແລະ ການລົງທຶນ.
ຂ່າວລະບຸວ່າ: ທ່ານ ອຸທາມາ ຊາຟຣຸ ເທງກູ ອັບດຸລ (Utama Zafrul Tengku Abdul) ລັດຖະມົນຕີກະຊວງການລົງທຶນ, ການຄ້າ ແລະ ອຸດສາຫະກຳຂອງມາເລເຊຍ (MITI)ຢືນຢັນກ່ຽວກັບແຜນການດັ່ງກ່າວໃນກອງປະຊຸມປະກາດບາງທິດທາງເສດຖະກິດຂອງພາກພື້ນໃນປີການເປັນປະທານອາຊຽນ 2025. ທ່ານເນັ້ນໜັກວ່າ: ການຮ່ວມມືຢ່າງແໜ້ນແຟ້ນລະຫວ່າງບັນດາປະເທດສະມາຊິກອາຊຽນ ຈະຊ່ວຍຮັບປະກັນສະຖຽນລະພາບໃນພາກພື້ນ ແລະ ສ້າງລະບົບຕ່ອງໂສ້ການສະໜອງໃຫ້ເຂັ້ມແຂງ. ມາເລເຊຍ ຫວັງຈະເຂົ້າຮ່ວມກັບບັນດາປະເທດສະມາຊິກຊຸກຍູ້ອາຊຽນກາຍເປັນໃຈກາງຂອງເສດຖະກິດດີຈີຕອນ ແລະ ຢືນຢັນວ່ານີ້ແມ່ນໜຶ່ງໃນບັນດາເນື້ອໃນສຳຄັນ ແລະ ບຸລິມະສິດໃນຊຸມປີຕໍ່ໜ້າ.
ນອກຈາກນີ້, ມາເລເຊຍ ຍັງຈະຊຸກຍູ້ການພົວພັນລະຫວ່າງ ອາຊຽນ ກັບຄູ່ຮ່ວມມືການຄ້າຕົ້ນຕໍຄື: ອາເມຣິກາ, ຈີນແລະ ອິນເດຍ ໂດຍຜ່ານການຍົກລະດັບສັນຍາການຄ້າ.
