ຂ່າວສານຊີອາໄອ ລາຍງານ ໃນວັນທີ 29 ຕຸລາ ຜ່ານມາ, ອີງຕາມໂຕເລກຂໍ້ມູນຈາກຫ້ອງທົດລອງວິເຄາະຂໍ້ມູນການເລືອກຕັ້ງຂອງມະຫາວິທະຍາໄລຟລໍຣິດາແຈ້ງໃຫ້ຮູ້ວ່າ: ນັບມາຮອດຕອນບ່າຍຂອງວັນທີ 27 ຕຸລາ ຜ່ານມານີ້, ທົ່ວປະເທດອາເມຣິກາຜູ້ມີສິດເລືອກຕັ້ງຫຼາຍກວ່າ 41 ລ້ານຄົນໄດ້ປ່ອນບັດລ່ວງໜ້າເພື່ອເລືອກຕັ້ງປະທານາທິບໍດີ ຊຶ່ງໂຕເລກຂໍ້ມູນດັ່ງກ່າວສະແດງໃຫ້ເຫັນວ່າ: ຈຳນວນການປ່ອນບັດຜ່ານທາງໄປສະນີ ກັບ ການປ່ອນບັດດ້ວຍຕົນເອງ ໄດ້ກວມເອົາ 50%, ປັດຈຸບັນ, ໃນທົ່ວປະເທດອາເມຣິກາໄດ້ສົ່ງບັດເລືອກຕັ້ງເກືອບ 21 ລ້ານບັດຜ່ານທາງໄປສະນີ ແລະ ຢູ່ໜ່ວຍປ່ອນບັດມີປະມານ 20 ລ້ານ 5 ແສນບັດແມ່ນຜູ້ມີສິດປ່ອນບັດດ້ວຍຕົນເອງ.

ນອກຈາກນີ້, ທຳນຽບປະທານາທິບໍດີອາເມຣິກາໄດ້ຢືນຢັນວ່າ: ໃນວັນທີ 28 ຕຸລາ ຜ່ານມາ, ທ່ານໂຈ ໄບເດັນ ປະທານາທິບໍດີອາເມຣິກາໄດ້ປ່ອນບັດລ່ວງໜ້າເພື່ອເລືອກຕັ້ງປະທານາທິບໍດີຄົນໃໝ່.