ຂ່າວຕ່າງປະເທດລາຍງານ, ທ່ານ ຊຸນກິຟລີ ຮາຊັນ ລັດຖະມົນຕີປະສານງານດ້ານອາຫານ ຂອງອິນໂດເນເຊຍ ເປີດເຜີຍໃນວັນທີ 29 ຕຸລາ ຜ່ານມາວ່າ: ລັດຖະບານອິນໂດເນເຊຍກຳລັງພິຈາລະນານຳເຂົ້າເຂົ້າ 1 ລ້ານໂຕນ ຈາກປະເທດອິນເດຍໃນປີໜ້າ.

ຂ່າວລະບຸວ່າ: ສຳນັກງານສະຖິຕິແຫ່ງຊາດຂອງອິນໂດເນເຊຍ ຄາດຄະເນໃນຕົ້ນເດືອນນີ້ວ່າ ຜົນຜະລິດເຂົ້າຂອງອິນໂດເນເຊຍຈະຫຼຸດລົງ 2.43% ໃນປີນີ້ ສູ່ລະດັບ 30.34 ລ້ານໂຕນເນື່ອງຈາກຄວາມຊັກຊ້າຂອງລະດູການປູກ, ການເກັບກ່ຽວ ແລະ ເນື່ອງຈາກສະພາບດິນຟ້າອາກາດແຫ້ງແລ້ງທີ່ແກ່ຍາວໃນປີ 2023.ສ່ວນການນຳເຂົ້າເຂົ້າຂອງອິນໂດເນເຊຍ ເພີ່ມຂຶ້ນໃນໄລຍະ 2 ປີທີ່ຜ່ານມາ ໂດຍສູງກວ່າ 3 ລ້ານໂຕນຕໍ່ປີ.

ທັງນີ້, ອິນໂດເນເຊຍ ຕັ້ງເປົ້າໝາຍນໍາເຂົ້າເຂົ້າ ເຖິງ 3.6 ລ້ານໂຕນໃນປີນີ້ ແລະ ມີແຜນທີ່ຈະຈັດສັນເນື້ອທີ່ປູກເຂົ້າປະມານ 750,000 ເຮັກຕາ – 1 ລ້ານເຮັກຕາ ໃນປີ 2028 ເພື່ອບັນລຸເປົ້າໝາຍການເພິ່ງພາຕົນເອງດ້ານອາຫານ ຂອງທ່ານປະທານາທິບໍດີອິນໂດເນເຊຍ.