ຂ່າວສານຫວຽດນາມລາຍງານວ່າ: ທະນາຄານ HSBC Holding (ທະນາຄານໃຫຍ່ທີ່ສຸດຂອງເອີຣົບ) ໄດ້ປະກາດການເພີ່ມຂຶ້ນຂອງກໍາໄລ 10% ສໍາລັບໄຕມາດທີ 3 ຂອງປີ 2024ເກີນຄວາມຄາດຫວັງຂອງນັກວິເຄາະຍ້ອນວ່າບັນດາພາກສ່ວນອະສັງຫາລິມະຊັບ ແລະ ການດໍາເນີນງານຂອງທະນາຄານ ໄດ້ຮັບຜົນປະໂຫຍດຈາກການປັບຫຼຸດອັດຕາດອກເບ້ຍຊ້າກວ່າທີ່ຄາດໄວ້.

ຂ່າວລະບຸວ່າ: ທະນາຄານ HSBC ໄດ້ປະກາດຜົນກໍາໄລກ່ອນຫັກພາສີບັນລຸ 8,5 ຕື້ໂດລາ ໃນໄລຍະເດືອນກໍລະກົດຫາເດືອນກັນຍາ 2024, ເພີ່ມຂຶ້ນ 7,7 ຕື້ໂດລາ ເມື່ອທຽບໃສ່ກັບໄລຍະດຽວກັນຂອງປີກາຍ. ກ່ອນ​ໜ້າ​ນີ້, ນັກ​ຊ່ຽວຊານ​ຄາດ​ຄະ​ເນ​ວ່າ, ກຳ​ໄລ​ກ່ອນ​ເສຍ​ພາສີ​ຂອງ​ທະນາຄານ​ນີ້​ຈະ​ບັນລຸ​ພຽງ 7,6 ຕື້ໂດລາ.

ທະນາຄານ HSBCໃນລອນດອນ (ອັງກິດ) ຍັງໄດ້ປະກາດການຊື້ຮຸ້ນຄືນຕື່ມອີກມູນຄ່າເຖິງ 3 ຕື້ໂດລາ ນອກເໜືອຈາກໂຄງການຊື້ຮຸ້ນຄືນ 6 ພັນລ້ານໂດລາ ທີ່ໄດ້ປະກາດໃນຕົ້ນປີນີ້. ລາຄາຮຸ້ນຂອງ HSBC ໃນ ຮົງກົງ ເພີ່ມຂຶ້ນຫຼາຍກວ່າ 2% ຫຼັງຈາກການປະກາດຜົນ.

ລາຍຮັບຂອງ HSBC ໃນໄຕມາດ 3 ປີ 2024 ເພີ່ມຂຶ້ນ 5% ເມື່ອທຽບໃສ່ໄລຍະດຽວກັນຂອງປີກາຍ ເປັນ 17 ຕື້ໂດລາ.