ບໍລິສັດທາງລົດໄຟລາວ-ຈີນ ຈໍາກັດ ອອກແຈ້ງການເພີ່ມຖ້ຽວລົດໄຟຜູ້ໂດຍສານຜ່ານແດນໄປກັບຈາກສິບສອງພັນນາ ສປ ຈີນ ຫານະຄອນ-ຫຼວງພະບາງ ສປປ ລາວ ເພື່ອສົ່ງເສີມການທ່ອງທ່ຽວ.

ເຖິງຜູ້ໂດຍສານທີ່ຮັກແພງທຸກທ່ານ:ເພື່ອເປັນການຕອບສະໜອງ ແລະ ອໍານວຍຄວາມສະດວກໃນການເດີນທາງໃຫ້ແກ່ຜູ້ໂດຍສານທັງພາຍໃນ ແລະ ຕ່າງປະເທດນັບແຕ່ວັນທີ 29 ຕຸລາ 2024 ເປັນຕົ້ນໄປ ຂະບວນລົດໄຟຖ້ຽວ D85/D86 ທີ່ແລ່ນໄປກັບຈາກສິບສອງພັນນາ ສປ ຈີນ ຫານະຄອນ-ຫຼວງພະບາງ ສປປ ລາວ ຈາກປົກກະຕິທີ່ແລ່ນລົດແຕ່ທຸກວັນສຸກ,ວັນເສົາ, ວັນອາທິດ ແລະ ວັນຈັນ ປ່ຽນມາເປັນແລ່ນທຸກວັນຈັນ,ວັນອັງຄານ,ວັນພະຫັດ,ວັນສຸກ,ວັນເສົາ ແລະ ວັນອາທິດລາຍລະອຽດເວລາເດີນລົດທ່ານສາມາດກວດເບິ່ງຢູ່ແອັບພິເຄຊັນຊື້ປີ້ລົດໄຟ LCR Ticket ຂອງພວກເຮົາ.

ບໍລິສັດທາງລົດໄຟລາວ-ຈີນ ຈໍາກັດ ຂໍຂອບໃຈມາຍັງຜູ້ໂດຍສານທຸກທ່ານທີ່ໃຫ້ການສະໜັບສະໜູນພວກເຮົາມາໂດຍຕະຫຼອດ.