ຂ່າວສານຊີອາໄອລາຍງານ, ອີງຕາມໂຕເລກຂໍ້ມູນການຈໍລະຈອນສິນຄ້າໃນ 3 ໄຕມາດຂອງປີນີ້ທີ່ສະຫະພັນການຈໍລະຈອນສິນຄ້າ ແລະ ການຈັດຊື້ຂອງຈີນເປີດເຜີຍຫວ່າງມໍ່ໆມານີ້ສະແດງໃຫ້ເຫັນວ່າ: ນັບແຕ່ຕົ້ນປີນີ້ມາ, ສະພາບການເຄື່ອນໄຫວດ້ານເສດຖະກິດແຫ່ງຊາດແມ່ນມີຄວາມໝັ້ນທ່ຽງໂດຍລວມ ແລະ ມີຄວາມຄືບໜ້າບົນພື້ນຖານແຫ່ງຄວາມໝັ້ນທ່ຽງ, ພາຍໃຕ້ການປະສານສົມທົບກັນລະຫວ່າງນະໂຍບາຍທີ່ມີຢູ່ແລ້ວ ແລະ ນະໂຍບາຍເພີ່ມຕື່ມ, ການຈໍລະຈອນສິນຄ້າໄດ້ຮັກສາທ່ວງທ່າຟື້ນຟູດີຂຶ້ນ.

ໃນ 3 ໄຕມາດຂອງປີນີ້, ມູນຄ່າການຈໍລະຈອນສິນຄ້າໃນທົ່ວປະເທດຈີນໄດ້ບັນລຸເຖິງ 258,200 ຕື້ຢວນ, ເພີ່ມຂຶ້ນ 5.6% ເມື່ອທຽບໃສ່ໄລຍະດຽວກັນຂອງປີ 2023. ເມື່ອເບິ່ງຈາກແຕ່ລະໄຕມາດແລ້ວລ້ວນແຕ່ມີຈັງຫວະການເຕີບໂຕສູງກວ່າ 5%. ເວົ້າສະເພາະໃນເດືອນກັນຍາຜ່ານມາ, ພາຍໃຕ້ປະສິດທິຜົນສັງລວມຂອງນະໂຍບາຍຊຸກຍູ້ເສດຖະກິດຢ່າງເປັນລະບົບເລັ່ງສະເໜີອອກມາ, ຄວາມຕ້ອງການດ້ານການຈໍລະຈອນສິນຄ້າໄດ້ປະກົດມີການປ່ຽນແປງຢ່າງຕັ້ງໜ້າ.