ຂ່າວສານຊີອາໄອລາຍງານເມື່ອມໍ່ໆມານີ້ວ່າ: 6 ພາກສ່ວນລັດຖະບານຈີນລວມທັງຄະນະກຳມະການພັດທະນາແລະປະຕິຮູບແຫ່ງຊາດຈີນໄດ້ເຜີຍແຜ່ຄຳເຫັນຊີ້ນຳກ່ຽວກັບການອອກແຮງປະຕິບັດການເຄື່ອນໄຫວໃຊ້ພະລັງງານໝູນວຽນ, ເພື່ອສົ່ງເສີມການສ້າງລະບົບເສດຖະກິດພັດທະນາແບບໝູນວຽນ, ສີຂຽວ ແລະ ກາກບອນຕ່ຳ, ຊຸກຍູ້ການສ້າງໃຫ້ມີຮູບການຜະລິດ ແລະ ວິຖີຊີວິດແບບສີຂຽວແລະກາກບອນຕ່ຳ.

ຂ່າວລະບຸວ່າ, ຄຳເຫັນຊີ້ນຳສະບັບນີ້ໄດ້ກຳນົດວ່າ: ການໃຊ້ພະລັງງານໝູນວຽນໃນຂົງເຂດສຳຄັນຕາມແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 14ຂອງຈີນໄດ້ຮັບຄວາມຄືບໜ້າທີ່ດີ, ເມື່ອຮອດປີ2025, ການບໍລິໂພກພະລັງງານໝູນວຽນໃນທົ່ວປະເທດຈີນຈະບັນລຸເທົ່າກັບຖ່ານຫີນມາດຕະຖານ1,1ຕື້ໂຕນຂຶ້ນໄປ. ຮູບການຜະລິດແລະການດຳລົງຊີວິດທີ່ນຳໃຊ້ພະລັງງານໝູນວຽນເປັນບຸລິມະສິດໃນບັນດາຂົງເຂດຕາມແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ15ຂອງຈີນໄດ້ຈໍ່ຕົວຂຶ້ນໂດຍພື້ນຖານ, ເມື່ອຮອດປີ2030,ການບໍລິໂພກພະລັງງານໝູນວຽນໃນທົ່ວປະເທດຈີນຈະບັນລຸເທົ່າກັບຖ່ານຫີນມາດຕະຖານ1,5ຕື້ໂຕນຂຶ້ນໄປ.