ຂ່າວຕ່າງປະເທດລາຍງານ ໃນວັນທີ 2 ພະຈິກ ຜ່ານວ່າ: ຜົນການສຳຫຼວດຂອງລັດຖະບານຍີ່ປຸ່ນພົບວ່າມີສູນອົບພະຍົບ, ໂຮງໝໍ ແລະ ສະຖານທີ່ສຳຄັນຕ່າງໆ ໃນຍີ່ປຸ່ນພຽງ 14.6% ໄດ້ປັບປຸງທໍ່ນໍ້າດີ ແລະ ທໍ່ນ້ຳຖິ້ມໃຫ້ທົນຕໍ່ເຫດການແຜ່ນດິນໄຫວຢ່າງເຕັມຮູບແບບ.
ກະຊວງໂຄງສ້າງພື້ນຖານຂອງຍີ່ປຸ່ນໄດ້ເຮັດການສຳຫຼວດດັ່ງກ່າວ ເນື່ອງຈາກເຫດການແຜ່ນດິນໄຫວຢ່າງຮຸນແຮງເທິງຄາບສະໝຸດໂນໂຕະ ໃນແຂວງອິຊິກາວະເມື່ອວັນທີ1 ມັງກອນ 2024 ໂດຍຜົນການສຳຫຼວດນີ້ເນັ້ນໜັກເຖິງຄວາມທ້າທາຍທີ່ສຳຄັນໃນການກະກຽມຄວາມພ້ອມຮັບມືກັບໄພພິບັດໃນດ້ານການສະໜອງນໍ້າ.
ການສຳຫຼວດດັ່ງກ່າວ ໄດ້ປະເມີນໃຫ້ຜູ້ສະໜອງນໍ້າ ແລະ ປ່ອຍນໍ້າເສຍທົ່ວຍີ່ປຸ່ນ ຊຶ່ງພົບວ່າມີສະຖານທີ່ສຳຄັນພຽງ3,649 ແຫ່ງຈາກທັງໝົດ 24,974 ແຫ່ງທີ່ປັບປຸງລະບົບການສະໜອງນໍ້າ ແລະປ່ອຍນ້ໍາເສຍ ໃຫ້ທົນຕໍ່ເຫດການແຜ່ນດິນໄຫວ.
ທັງນີ້, ນະຄອນຫຼວງໂຕກຽວ ຍີ່ປຸ່ນ ມີອັດຕາການປັບປຸງລະບົບການສະໜອງນໍ້າ ແລະ ການປ່ອຍນ້ຳເສຍໃຫ້ທົນຕໍ່ເຫດການແຜ່ນດິນໄຫວແລ້ວສົມບູນທີ່ສຸດ 52.4%,ສ່ວນແຂວງກາວະມີອັດຕານີ້ເປັນສູນ.
ກະຊວງດັ່ງກ່າວ ຈຶ່ງໄດ້ວາງແຜນສົ່ງເສີມເທດສະບານຂອງເມືອງຕ່າງໆ ແລະ ໃຫ້ຄວາມສຳຄັນກັບການປັບປຸງຄວາມທົນທານຕໍ່ເຫດການແຜ່ນດິນໄຫວ ແລະ ເພີ່ມການສະໜັບສະໜູນທາງດ້ານເຕັກນິກເພື່ອຍົກລະດັບຄວາມແຂງແກ່ງໂດຍລວມໃນສະພາບໄພພິບັດ.
