ຂ່າວສານຫວຽດນາມລາຍງານວ່າ: ລາຄານໍ້າມັນເພີ່ມຂຶ້ນຫຼາຍກວ່າ 1 ໂດລາ ໃນຮອບຊື້-ຂາຍ ວັນທີ 4 ພະຈິກ ນີ້ ຢູ່ ອາຊີ, ພາຍຫຼັງອົງການບັນດາປະເທດຜູ້ສົ່ງອອກນ້ຳມັນ (OPEC) ແລະ ປະເທດຄູ່ຮ່ວມມື OPEC+ ໄດ້ຕັດສິນໃຈໃນວັນທີ 3 ພະຈິກ ຜ່ານມາ ເລື່ອນແຜນການເພີ່ມການຜະລິດອອກໄປຕື່ມອີກ 1 ເດືອນ.

ຂ່າວລະບຸວ່າ: ລາຄານໍ້າມັນເບຣນ (Brent) ໃນອະນາຄົດ ເພີ່ມຂຶ້ນ 1,14 ໂດລາ/ບາເຣນ, ເທົ່າກັບ 1,56%, ຂຶ້ນເປັນ 74,24 ໂດລາ/ຖັງ.ລາຄາ​ນ້ຳມັນ​ຫວານ WTI ຂອງ​ ອາເມຣິກາ ​ໃນ​ອະນາຄົດ ຍັງ​ເພີ່ມ​ຂຶ້ນ 1,14 ໂດລາ/ບາ​ເຣນ, ​ເທົ່າ​ກັບ 1,64%, ຂຶ້ນ​ເປັນ 70,63 ໂດລາ/ບາ​ເຣນ. ອີງ​ຕາມ​ການ​ແຈ້ງ​ການ​ໃນ​ເວັບ​ໄຊ​ຂອງ​ອົງການ OPEC+, ກຸ່ມ​ດັ່ງກ່າວ​ໄດ້​ຕົກລົງ​ທີ່​ຈະ​ຕໍ່​ເວລາ​​ຫຼຸດ​ການ​ຜະລິດ​ໂດຍ​ສະໝັກ​ໃຈ​ລົງເປັນ 2,2 ລ້ານ​ບາ​ເຣນ​ຕໍ່​ວັນ ​ອີກ​ໜຶ່ງ​ເດືອນ​ຈົນ​ຮອດ​ທ້າຍ​ເດືອນ​ທັນວາ​ປີ 2024.