ຂ່າວສານຊີອາໄອລາຍງານ: ໃນກອງປະຊຸມຖະແຫຼງຂ່າວທີ່ຈັດຂຶ້ນເມື່ອບໍ່ດົນມານີ້, ທ່ານຫຼິນຈ້ຽນ ໂຄສົກກະຊວງການຕ່າງປະເທດຈີນໄດ້ຕອບຄຳຖາມນັກຂ່າວກ່ຽວກັບຈີນຈະປະຕິບັດນະໂຍບາຍຍົກເວັ້ນວີຊາເພີ່ມອີກໃຫ້ຫຼາຍປະເທດ.

ທ່ານຫຼິນຈ້ຽນຢືນຢັນວ່າ: ເພື່ອສ້າງຄວາມສະດວກໃຫ້ແກ່ການໄປມາຫາສູ່ກັນລະຫວ່າງປະຊາຊົນຈີນກັບປະຊາຊົນຕ່າງປະເທດ, ຈີນຈຶ່ງຕົກລົງເປີດກວ້າງຂອບເຂດປະເທດທີ່ຍົກເວັ້ນວີຊາ ຊຶ່ງນັບແຕ່ວັນທີ 8 ພະຈິກ2024ເປັນຕົ້ນໄປຈົນຮອດວັນທີ 31 ທັນວາ2025, ຈີນຈະປະຕິບັດນະໂຍບາຍຍົກເວັ້ນວີຊາໃຫ້ຜູ້ຖືພາສປອດທຳມະດາຂອງ 9 ປະເທດ ຄື: ສະໂລວັກ, ນອກແວ, ແຟງລັງ, ດານມາກ, ອຽກລັງ, ອັງໂດລາ, ໂມນາໂກ, ເລັກເຕນສະເຕນ ແລະ ສເກົາຫຼີ. ຜູ້ຖືພາສປອດທຳມະດາຂອງ 9 ປະເທດດັ່ງກ່າວທີ່ເດີນທາງມາຈີນເພື່ອເຮັດທຸລະກິດ, ທ່ອງທ່ຽວ ແລະ ຢ້ຽມຢາມໝູ່ເພື່ອນຍາດຕິພີ່ນ້ອງບໍ່ກາຍ 15 ວັນ, ຈະສາມາດຍົກເວັ້ນວີຊາເຂົ້າເມືອງໄດ້.