ຂ່າວສານຫວຽດນາມລາຍງານວ່າ: ໃນໄຕ​ມາດ​ທີ 3 ຂອງ​ປີ 2024 ໄດ້​ບັນ​ທຶກ​​ພື້ນຖານເສດ​ຖະ​ກິດ ເອີໂຣໂຊນ​ ​ຂະຫຍາຍຕົວ​ໄວ​ກວ່າ​ທີ່​ຄາດ​ຄະເນໄວ້ແຕ່ທ່າອ່ຽງຍັງ​ອ່ອນ​ແອ​ ຈາກ​ຄວາມ​ສ່ຽງ​ກ່ຽວກັບ​ການ​ພົວ​ພັນ​ການ​ຄ້າກັບ ​​ອາ​ເມ​ຣິກາ ແລະ ຈີນ, ລວມ​ທັງ​ຄວາມ​ໝັ້ນ​ໃຈ​ຂອງ​ຜູ້​ບໍ​ລິ​ໂພກ​ຫຼຸດ​ລົງ.

ຂ່າວລະບຸວ່າ: ອີງຕາມຂໍ້ມູນຂອງ Eurostat ທີ່ປະກາດເມື່ອບໍ່ດົນມານີ້ໃຫ້ຮູ້ວ່າ: GDP ທັງໝົດໃນ 20 ປະເທດທີ່ນຳໃຊ້ເງິນເອີໂຣ (ເອີໂຣໂຊນ) ໄດ້ເພີ່ມຂຶ້ນ 0,4% ໃນໄຕມາດທີ 3, ເກີນຄວາມຄາດຫວັງທີ່ລະດັບ 0,2% ແຕ່ຍັງສະແດງໃຫ້ເຫັນເຖິງຄວາມອ່ອນແອເນື່ອງຈາກຂະແໜງອຸດສາຫະກໍາຍັງຄົງຢູ່ໃນສະພາບຖົດຖອຍ ແລະ ການບໍລິໂພກຂອງຄົວເຮືອນເພີ່ມຂຶ້ນພຽງເລັກໜ້ອຍ.

ເມື່ອປຽບທຽບກັບໄລຍະດຽວກັນຂອງປີກາຍນີ້, ອັດຕາການຂະຫຍາຍຕົວທາງດ້ານເສດຖະກິດຂອງກຸ່ມບັນລຸໄດ້ 0,9%, ຮັກສາອັດຕາການຂະຫຍາຍຕົວປະຈໍາປີປະມານ 1%, ຕ່ຳກວ່າເກນທີ່ນັກເສດຖະສາດພິຈາລະນາຄື “ທ່າແຮງ”ຫຼື ອັດຕາການຂະຫຍາຍຕົວໂດຍທໍາມະຊາດ ຈະມີການກະຕຸ້ນ ຫຼື ບໍ່ກະຕຸ້ນ.ສິ່ງທີ່ໜ້າແປກໃຈທີ່ສຸດແມ່ນມາຈາກເຢຍລະມັນ, ເສດຖະກິດທີ່ໃຫຍ່ທີ່ສຸດຂອງກຸ່ມໄດ້ຂະຫຍາຍຕົວ0,2% ຈາກການບໍລິໂພກຂອງພາກລັດ ແລະ ເອກະຊົນທີ່ສູງຂຶ້ນ.