ຂ່າວສານຊີອາໄອລາຍງານ ໃນວັນທີ 4 ພະຈິກ ຜ່ານມາວ່າ: ລັດຖະບານແອັດສະປາຍໄດ້ເປີດເຜີຍໂຕເລກຫຼ້າສຸດໂດຍສະແດງໃຫ້ເຫັນວ່າ: ໄພນ້ຳຖ້ວມທີ່ເກີດຂຶ້ນຢູ່ພາກຕາເວັນອອກສ່ຽງໃຕ້ຂອງປະເທດຕົນໄດ້ເຮັດໃຫ້ປະຊາຊົນເສຍຊີວິດຢ່າງໜ້ອຍ 214 ຄົນ.

ທ່ານ ເປໂດຣ ຊານເຊັສ ນາຍົກລັດຖະມົນຕີແອັດສະປາຍໄດ້ປະກາດໃນວັນທີ 2 ພະຈິກ ຜ່ານມາວ່າ: ໄດ້ສົ່ງທະຫານ5,000 ຄົນ,ຕຳຫຼວດແລະກອງຕຳຫຼວດປ້ອງກັນຄວາມສະຫງົບປະຊາຊົນອີກ 5,000 ຄົນໄປເຂດປະສົບໄພ ແລະກ່າວວ່າ: ນີ້ແມ່ນ “ການເຄື່ອນໄຫວຄັ້ງໜຶ່ງທີ່ມີຂະໜາດໃຫຍ່ທີ່ສຸດຂອງກຳລັງປະກອບອາວຸດແອັດສະປາຍໃນໄລຍະສັນຕິພາບ”. ນອກນີ້, ຍັງມີອາສາສະໝັກຫຼາຍພັນຄົນໄດ້ເຂົ້າຮ່ວມການກູ້ໄພແລະຊ່ວຍເກັບມ້ຽນຊາກຫັກພັງຢູ່ເຂດປະສົບໄພແລະແຈກຢາຍເຄື່ອງຊ່ວຍເຫຼືອ.