ວິທະຍຸກະຈາຍສຽງຫວຽດນາມລາຍງານວ່າ: ຕາມຂໍ້ມູນຈາກສະມາຄົມປຸງແຕ່ງ ແລະ ສົ່ງອອກສິນໃນນ້ຳ ຫວຽດນາມ (Vasep) ໃຫ້ຮູ້ວ່າ: ການສົ່ງອອກສິນໃນນ້ຳໃນທົ່ວປະເທດໃນເດືອນຕຸລາຄາດວ່າບັນລຸຫຼາຍກວ່າ 1 ຕື້ໂດລາ, ເພີ່ມຂຶ້ນ 28% ເມື່ອທຽບໃສ່ກັບໄລຍະດຽວກັນຂອງປີ 2023.

ຂ່າວລະບຸວ່າ: ນີ້ແມ່ນຄັ້ງທຳອິດພາຍຫຼັງ 2 ປີ (ແຕ່ເດືອນມິຖຸນາ 2022), ມູນຄ່າການສົ່ງອອກສິນໃນນ້ຳໄດ້ກັບຄືນສູ່ລະດັບ 1 ຕື້ໂດລາ/ເດືອນ. ຕາມການສະສົມໃນເດືອນຕຸລາປີ 2024, ການສົ່ງອອກສິນໃນນ້ຳບັນລຸ8,27 ຕື້ໂດລາ, ເພີ່ມຂຶ້ນ 11,4% ເມື່ອທຽບໃສ່ໄລຍະດຽວກັນຂອງປີ 2023. ທ່ານນາງ ເລຮັ່ງ ຜູ້ອຳນວຍການຝ່າຍໂຄສະນາສື່ສານ Vasepໃຫ້ຮູ້ວ່າ: ໃນສະພາບການບັນດາຕະຫຼາດຫຼັກແຫຼ່ງພວມເພີ່ມທະວີຄວາມຕ້ອງການໃນການນຳເຂົ້າສິນໃນນ້ຳຢ່າງແຂງແຮງ, ການສົ່ງອອກຂອງ ຫວຽດນາມ ໄດ້ບັນລຸລະດັບການເຕີບໂຕທີ່ໜ້າປະທັບໃຈໃນເດືອນຕຸລາ. ພິເສດ, ການສົ່ງອອກໄປ ຈີນ (ນັບທັງຮົງກົງ) ກໍມີການພັດທະນາຢ່າງແຮງດ້ວຍລະດັບເພີ່ມຂຶ້ນ 37% ໂດຍຢັ້ງຢືນຖານະບົດບາດແມ່ນຕະຫຼາດໃຫຍ່ທີ່ສຸດ ແລະ ມີອັດຕາເຕີບໂຕໄວທີ່ສຸດໃນເດືອນ. ບັນດາຕະຫຼາດອື່ນກໍມີການເຕີບໂຕເປັນຢ່າງດີ ຄື: ການສົ່ງອອກໄປ ອາເມຣິກາ ເພີ່ມຂຶ້ນ 31%, ຍີ່ປຸ່ນ ເພີ່ມຂຶ້ນ 22%, ສະຫະພາບເອີຣົບ (EU) ເພີ່ມຂຶ້ນ 27%, ສ ເກົາຫຼີ ເພີ່ມຂຶ້ນ 13%.