ຂ່າວສານຊີອາໄອ ລາຍງານ ໃນວັນທີ 7 ພະຈິກ ຜ່ານມາວ່າ: ດ່ານພາສີຂອງນະຄອນຄຸນໝິງເປີດເຜີຍຂໍ້ມູນໃຫ້ເຫັນວ່າ: ໃນສາມໄຕມາດປີ 2024 ນີ້, ແຂວງຢຸນນານມີຍອດມູນຄ່າການຄ້າຂາເຂົ້າ-ຂາອອກກັບ 5 ປະເທດລຽບຕາມແມ່ນ້ຳຂອງ ຄື: ລາວ, ກຳປູເຈຍ, ມຽນມາ, ໄທແລະຫວຽດນາມເຖິງ 78.92ຕື້ຢວນ, ໄດ້ກວມຍອດມູນຄ່າການຄ້າຂາເຂົ້າ-ຂາອອກກັບ 10 ປະເທດອາຊຽນ 93.7%. ໃນນັ້ນ, ມີຍອດມູນຄ່າຂາອອກ 28.89 ຕື້ຢວນ, ຂາເຂົ້າ 50.03 ຕື້ຢວນ.

ຜະລິດຕະພັນກະສິກຳ, ຜະລິດຕະພັນກົນຈັກເອເລັກໂຕຣນິກຂອງແຂວງຢຸນນານໄດ້ຮັບຄວາມນິຍົມຈາກ 5 ປະເທດລຽບຕາມແມ່ນ້ຳຂອງ, ພ້ອມກັນນັ້ນ, ຜະລິດຕະພັນກະສິກຳແລະຜະລິດຕະພັນບໍ່ແຮ່ທີ່ຜະລິດຢູ່ 5 ປະເທດລຽບຕາມແມ່ນ້ຳຂອງກໍໄດ້ຕອບສະໜອງຄວາມຕ້ອງການດ້ານຊີວິດການເປັນຢູ່ຂອງຜູ້ບໍລິໂພກຈີນແລະຄວາມຕ້ອງການດ້ານການຜະລິດຂອງວິສາຫະກິດຈີນເປັນຢ່າງດີ.