ຂ່າວຕ່າງປະເທດລາຍງານເມື່ອບໍ່ດົນມານີ້, ກະຊວງການພັດທະນາສັງຄົມແລະຄອບຄົວສິງກະໂປ ໄດ້ເຜີຍແຜ່ບົດລາຍງານທ່າອ່ຽງການສະໜັບສະໜູນຊາວໜຸ່ມໃນສິງກະໂປ ໂດຍລະບຸວ່າ: ໃນປີ 2023 ມີຊາວໜຸ່ມ422 ກໍລະນີ ກະທຳຜິດຖານສໍ້ໂກງ ຊຶ່ງເພີ່ມຂຶ້ນຈາກ 260 ກໍລະນີໃນປີ 2019.
ບົດລາຍງານລະບຸວ່າ: ໃນປີ 2023, ອັດຕາການກະທຳຜິດຂອງຊາວໜຸ່ມທີ່ມີອາຍຸຕ່ຳກວ່າ 21 ປີຢູ່ສິງກະໂປແມ່ນ 4.9 ກໍລະນີຕໍ່ປະຊາກອນ 1,000 ຄົນ, ໃນຂະນະທີ່ອັດຕາດັ່ງກ່າວຂອງປີ 2022 ມີ 4.6 ກໍລະນີ. ໂດຍຄວາມຜິດທາງອາຍາ 3 ອັນດັບທຳອິດທີ່ຊາວໜຸ່ມໄດ້ກະທຳອັນດັບໜຶ່ງຄື: ການລັກຊັບໃນຮ້ານຄ້າ, ການສໍ້ໂກງ, ການກະທຳຜິດທີ່ກ່ຽວຂ້ອງ ແລະການກໍ່ຄວາມຜິດທາງເພດ.
ຂະນະດຽວກັນ, ບົດລາຍງານລະບຸວ່າ:ອັດຕາການສຳເລັດໂຄງການແກ້ໄຂຟື້ນຟູຜູ້ກະທຳຜິດຈະຍັງຄົງຢູ່ປະມານ 90% ໃນປີ 2023, ໃນຂະນະທີ່ອັດຕາການກະທຳຜິດຊໍ້າໃນຮອບສອງປີຂອງຊາວໜຸ່ມຜູ້ກະທຳຜິດທີ່ຜ່ານການແກ້ໄຂຟື້ນຟູ ລະຫວ່າງປີ 2019-2021 ໂດຍລວມແມ່ນຍັງຕໍ່າກວ່າ 90%.
ທັງນີ້, ລັດຖະບານໄດ້ໃຫ້ຄຳໝັ້ນສັນຍາຈະເພີ່ມທະວີສະໜັບສະໜູນດ້ານການແກ້ໄຂຟື້ນຟູຊາວໜຸ່ມຜູ້ກະທຳຜິດທີ່ມີອາຍຸສູງຂຶ້ນ ແລະຈະເຮັດວຽກຮ່ວມກັບຄອບຄົວຂອງຊາວໜຸ່ມ ແລະ ຄູ່ຮ່ວມງານຂອງຊຸມຊົນເພື່ອຮັບປະກັນວ່າຜູ້ກະທຳຜິດທີ່ເປັນຊາວໜຸ່ມໄດ້ຮັບການເບິ່ງແຍງເພື່ອແກ້ໄຂຟື້ນຟູ.
