ໃນວັນທີ 12ພະຈິກ ນີ້ ທີ່ອົງການກວດສອບແຫ່ງລັດ,ທ່ານ ວຽງທະວີສອນເທບພະຈັນປະທານອົງການກວດສອບແຫ່ງລັດ ສປປ ລາວ ໄດ້ໃຫ້ກຽດຕອນຮັບທ່ານL’ubomir Andrassyປະທານອົງການກວດສອບແຫ່ງລັດ ສສະໂລວັກພ້ອມດ້ວຍຄະນະ ໃນໂອກາດເດີນທາງມາເຄື່ອນໄຫວຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງ ວັນທີ 11-14ພະຈິກນີ້

ໃນໂອກາດດັ່ງກ່າວ, ສະຫາຍ ວຽງທະວີສອນ ເທບພະຈັນໄດ້ສະແດງຄວາມຍິນດີຕ້ອນຮັບອັນອົບອຸ່ນຕໍ່ການຢ້ຽມຢາມລາວໃນຄັ້ງນີ້ ຊຶ່ງເປັນການປະກອບສ່ວນເສີມສ້າງສາຍພົວພັນມິດຕະພາບ ແລະ ການຮ່ວມມື ລະຫວ່າງ ສອງປະເທດ ກໍຄືສອງອົງການກວດສອບແຫ່ງລັດ, ພ້ອມດຽວກັນນັ້ນ, ທ່ານ ວຽງທະວີສອນ ເທບພະຈັນ ໄດ້ຍ້ອງຍໍຊົມເຊີຍ ແລະ ຕີລາຄາສູງ ຕໍ່ໝາກຜົນຂອງການຮ່ວມມືລະຫວ່າງສອງອົງການກວດສອບແຫ່ງລັດ ໃນໄລຍະປີຜ່ານມາເປັນຕົ້ນໄດ້ມີການແລກປ່ຽນພົບປະຢ້ຽມຢາມການນຳຂັ້ນສູງ ລະຫວ່າງ ສອງອົງການກວດສອບແຫ່ງລັດ ທີ່ອົງການກວດສອບແຫ່ງລັດ ສສະໂລວັກ ໃນປິ 2023.ເພື່ອສືບຕໍ່ການພົວພັນຮ່ວມມືໃນຕໍ່ໜ້າ ພ້ອມນີ້ຍັງໄດ້ສະເໜີທິດທາງການຮ່ວມມືໃນຕໍ່ໜ້າຄື: 1. ສະເໜີໃຫ້ມີການຜັດປ່ຽນ ພົບປະ-ຢ້ຽມຢາມ ຂອງການນຳຂັ້ນສູງສອງຝ່າຍຢ່າງເປັນປົກກະຕິ ເພື່ອແລກປ່ຽນບົດຮຽນຊຶ່ງກັນ ແລະ ກັນ, 2.ສະເໜີໃຫ້ມີໂຄງການ ຫຼື ກິດຈະກຳເປັນອັນສະເພາະ ໃນການສ້າງຄວາມເຂັ້ມແຂງໃຫ້ວຽກງານກວດສອບໃຫ້ແກ່ອົງການກວດສອບແຫ່ງລັດ ໃນຫົວຂໍ້ທີ່ສອງຝ່າຍມີຄວາມສົນໃຈຮ່ວມກັນເປັນຕົ້ນ: ການເຂົ້າຮ່ວມພິຈາລະນາ ແຜນງົບປະມານແຫ່ງລັດ ປະຈໍາປີ, ການກວດສອບການເກັບລາຍຮັບໂດຍຜ່ານລະບົບທັນສະໄໝ.ຫຼັງຈາກພົບປະສອງຝ່າຍ ຍັງມີກອງປະຊຸມແລກປ່ຽນບົດຮຽນໃນ 2 ຫົວຂໍ້: ການພັດທະນາດ້ານບຸກຄະລາກອນ ແລະ ການຈັດຕັ້ງປະຕິບັດຄຳແນະນຳການກວດສອບ ຊຶ່ງມີຜູ້ເຂົ້າຮ່ວມແລກປ່ຽນບົດຮຽນທັງໝົດ ຈຳນວນ 10 ທ່ານ.ໃນວັນທີ13ພະຈິກນີ້ປະທານອົງການກວດສອບແຫ່ງລັດ ສະໂລວັກ ພ້ອມດ້ວຍຄະນະໄດ້ສືບຕໍ່ໄປເຄື່ອນໄຫວຢ້ຽມຢາມ ແລະ ເຮັດວຽກ ຢູ່ອົງການກວດສອບແຫ່ງລັດ ປະຈໍາພາກເໜືອ 1 ທີ່ແຂວງ ຫຼວງພະບາງ.

ຂ່າວ:ອົງການກວດສອບແຫ່ງລັດ