ທ່ານນາງ ໃຈພະວັນ ສິດທິມໍລະດາ ຮອງຫົວໜ້າອົງການກາແດງນະຄອນຫຼວງວຽງຈັນ (ນວ) ພ້ອມດ້ວຍທີມງານຈຳນວນ 13 ທ່ານ ໄດ້ເຄື່ອນໄຫວບໍລິການປະຖົມພະຍາບານສຸກເສີນເບື້ອງຕົ້ນໃຫ້ປະຊາຊົນທີ່ມາທ່ຽວງານບຸນນະມັດສະການພະທາດຫຼວງວຽງຈັນປະຈຳປີ 2024 ໃນວັນທີ 11 ພະຈິກ ຜ່ານມາ ທີ່ເດີ່ນພະທາດຫຼວງ.

ທ່ານນາງ ໃຈພະວັນ ສິດທິມໍລະດາ ກ່າວໃຫ້ຮູ້ອີກວ່າ: ອົງການກາແດງ ນວ ແມ່ນໜ່ວຍບໍລິການສຸກເສີນປະຖົມພະຍາບານເບື້ອງຕົ້ນໃຫ້ພໍ່ແມ່ປະຊາຊົນທີ່ມາທ່ຽວໃນງານບຸນພະທາດຫຼວງເຊັ່ນ:ເຈັບກະເພາະ, ເຈັບຫົວ, ເປັນວິນ, ເປັນໄຂ້, ເຈັບທ້ອງ ແລະ ອື່ນໆຊຶ່ງປະຈຳການຢູ່ຈຸດເດີ່ນສະໜາມຫຼວງນັບແຕ່ວັນທີ 11-15 ພະຈິກນີ້ ເພື່ອບໍລິການຮັບໃຊ້ປະຊາຊົນທີ່ມາທ່ຽວງານບຸນໃຫ້ມີສຸຂະພາບແຂງແຮງເບີກບານມ່ວນຊື່ນ.

ຂ່າວ: ພູວັນ