ໂດຍ: ຕະວິນຍານ

ທ່ານ ດຣ. ບຸນເລື່ອນ ດວງເດືອນ ຫົວໜ້າສະຖາບັນການແພດ ແລະ ການຢາພື້ນເມືອງ ກະຊວງສາທາລະນະສຸກ ສະແດງຄວາມຮູ້ສຶກຕໍ່ວັນຊາດທີ 2 ທັນວາ ຄົບຮອບ 49 ປີ ວ່າ:

ຂ້າພະເຈົ້າຮູ້ສຶກພາກພູມໃຈເປັນຢ່າງຍິ່ງທີ່ໄດ້ເກີດເປັນຄົນລາວ ຮ່ວມກັບປວງຊົນລາວທັງຊາດ ປະກອບສ່ວນໃນການສ້າງສາພັດທະນາປະເທດຊາດໃນໄລຍະຜ່ານມາ; ວັນທີ 2 ທັນວາ ເປັນໄຊຊະນະຢ່າງສົມບູນ ເຮັດໃຫ້ຊາວໂລກໄດ້ຮັບຮູ້ ສປປ ລາວໂດຍພາຍໃຕ້ຮົ່ມທຸງວົງເດືອນເປັນຂອງຊາດລາວ ມີຄໍາຂວັນ ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນາຖາວອນ.ພາຍໃຕ້ການນໍາຂອງພັກປະຊາຊົນປະຕິວັດລາວ, ມີບັນພະບູລຸດລາວເຮົາທີ່ຮັກຊາດອັນດູດດື່ມທີ່ທຸ່ມເທເລືອດເນື້ອເຫື່ອແຮງເພື່ອພວກເຮົາຈຶ່ງມີວັນນີ້, ເປັນວັນປົດອອກຈາກແອກຄອບຄອງຂອງພວກຈັກກະພັດລ່າເມືອງຂຶ້ນແບບເກົ່າ ແລະ ແບບໃໝ່.49 ປີວັນຊາດຂອງສປປ ລາວປະຊາຊົນລາວມີຄວາມຮັກຊາດ,ຄວາມສາມັກຄີກັນ,ປະເທດຊາດມີຄວາມໝັ້ນຄົງເຂັ້ມແຂງ ມີຄວາມຈະເລີນຜາສຸກ ເປັນກ້າວໆ.

ຂໍສະແດງຄວາມຮູ້ບຸນຄຸນຕໍ່ການນໍາພັກ-ລັດທຸກຮຸ່ນ,ທຸກສະໄໝ ທີ່ໄດ້ທຸ່ມເທ ຄວາມຮູ້,ຄວາມສາມາດໃນການປົກປັກຮັກສາ ແລະ ສ້າງສາພັດທະນາປະເທດຊາດຈົນມາເຖິງທຸກວັນນີ້.

ໃນຖານະເປັນຄົນລາວຜູ້ໜຶ່ງ ຈະຕັ້ງໜ້າສືບຕໍ່ເດີນຕາມແນວທາງຂອງພັກ,ປະຕິບັດໜ້າທີ່ການເມືອງກໍຄືວຽກວິຊາສະເພາະທີ່ຕົນຮັບຜິດຊອບໃຫ້ສໍາເລັດຜົນ, ປະກອບສ່ວນໃນການພັດທະນາເສດຖະກິດ-ສັງຄົມໃຫ້ມີຄວາມກ້າວໜ້າຢ່າງບໍ່ຢຸດຢັ້ງ.

ຂໍອວຍພອນໃຫ້ການນໍາພັກ-ລັດ ຈົ່ງມີແຕ່ສຸຂະພາບເຂັ້ມແຂງ,ສືບຕໍ່ນໍາພາປະເທດຊາດເດີນຕາມເສັ້ນທາງສັງຄົມນິຍົມໃຫ້ສໍາເລັດຜົນຢ່າງມີໄຊ.