ຂ່າວສານຊີອາໄອລາຍງານວ່າ: ໃນຕອນເຊົ້າວັນທີ 16 ພະຈິກ ຜ່ານມາ, ກອງປະຊຸມຜູ້ນຳເສດຖະກິດອົງການຮ່ວມມືເສດຖະກິດອາຊີປາຊີຟິກຫຼື APEC ຄັ້ງທີ31 ໄດ້ຈັດຂຶ້ນຢູ່ສູນປະຊຸມລີມາ ປະເທດເປຣູ. ທ່ານສີຈິ້ນຜິງ ປະທານປະເທດຈີນໄດ້ເຂົ້າຮ່ວມກອງປະຊຸມ ແລະ ກ່າວຄຳປາໄສໃນຫົວຂໍ້:ຮ່ວມກັນແບກຫາບໜ້າທີ່ຮັບຜິດຊອບທາງຍຸກສະໄໝ ຮ່ວມກັນສົ່ງເສີມການພັດທະນາອາຊີປາຊີຟິກ.

ໃນໂອກາດກ່າວຄຳປາໄສ, ທ່ານສີຈິ້ນຜິງໄດ້ມີຂໍ້ສະເໜີ 3 ຂໍ້ຄື: ໜຶ່ງ, ສ້າງສະພາບການຮ່ວມມືອາຊີປາຊີຟິກທີ່ເປີດກວ້າງແລະເຊື່ອມໂຍງເຊື່ອມຈອດກັນ. ສອງ, ບົ່ມເພາະແຮງຂັບເຄື່ອນການເຕີບໂຕຂອງອາຊີປາຊີຟິກຕາມທິດສີຂຽວແລະປະດິດສ້າງ. ສາມ, ສ້າງແນວຄິດການພັດທະນາອາຊີປາຊີຟິກທີ່ໃຫ້ຜົນປະໂຫຍດຢ່າງທົ່ວເຖິງແລະກວມລວມຢ່າງໜັກແໜ້ນ.

ກອງປະຊຸມຄັ້ງນີ້ແມ່ນຈັດຂຶ້ນພາຍໃຕ້ການເປັນປະທານຂອງທ່ານນາງ ດີນາ ໂບລູອາເຕ ປະທານາທິບໍດີເປຣູ ໂດຍມີຫົວຂໍ້ຫຼັກວ່າ: ສ້າງຄວາມເຂັ້ມແຂງ, ກວມລວມ ແລະ ການເຕີບໂຕ.

ກອງປະຊຸມໄດ້ເຜີຍແຜ່ເອກະສານຜົນງານສາມສະບັບຄື: ຖະແຫຼງການມາຊູປີຊູຂອງຜູ້ນຳອົງການຮ່ວມມືເສດຖະກິດອາຊີປາຊີຟິກ2024, ຖະແຫຼງການວ່າດ້ວຍວິໄສທັດໃໝ່ແຫ່ງວາລະເຂດການຄ້າເສລີອາຊີປາຊີຟິກ ແລະ ແຜນການລີມາວ່າດ້ວຍການຊຸກຍູ້ການຫັນປ່ຽນສູ່ຄວາມເປັນລະບຽບແບບແຜນ ແລະ ເສດຖະກິດໂລກ.