ເມື່ອບໍ່ດົນມານີ້ ຢູ່ທີ່ຜາມໄຊ ບ້ານໃໝ່ໜອງຊາງ ເມືອງຊຽງຮ່ອນ ແຂວງໄຊຍະບູລີ ໄດ້ຈັດງານແຂ່ງຂັນກິລາຊ່ວງເຮືອປະຈຳປີ 2024, ພາຍໃຕ້ການເປັນປະທານຂອງທ່ານ ແສງອາທິດ ລາວເບຼຍຢາທໍ່ ວ່າການເຈົ້າເມືອງຊຽງຮ່ອນ, ມີທ່ານ ດວງຕາ ໄຊວຸດ ຮອງເລຂາຄະນະບໍລິຫານງານພັກແຂວງໄຊຍະບູລີ, ບັນດາແຂກຖືກເຊີນ, ນັກທ່ອງທ່ຽວທັງພາຍໃນ ແລະ ຕ່າງປະເທດ ເຂົ້າຮ່ວມຊົມຢ່າງຫຼວງຫຼາຍ.

ງານແຂ່ງຂັນຊ່ວງເຮືອປະຈຳປີ 2024 ນີ້, ປະກອບມີກິດຈະກຳຕະຫຼາດນັດວາງສະແດງສິນຄ້າ, ປະກວດອາຫານພື້ນບ້ານ, ງານສະແດງສິລະປະວັນນະຄະດີ, ປະກວດເຮືອງາມ ແລະ ການແຂ່ງຂັນເຮືອໄວຍິງ-ຊາຍ. ຊຶ່ງມີເຮືອໄວເພດຊາຍ 18 ລໍາ, ເຮືອໄວເພດຍິງ 18 ລໍາ. ຜ່ານການແຂ່ງຂັນມີຜົນດັ່ງນີ້: ເຮືອໄວຊາຍ ອັນດັບທີ 1 ບ້ານດອນເຟືອງໄດ້ຮັບຂັນເງິນ 1 ໜ່ວຍ, ນໍ້າໜັກ 1 ກິໂລ, ເງິນສົດ 6 ລ້ານກີບ, ທີ 2 ບ້ານ ນໍ້າລ້ອມ ໄດ້ຮັບເງິນສົດ 5 ລ້ານກີບ, ທີ 3 ບ້ານທາດໄດ້ຮັບເງິນສົດ 4.5 ລ້ານກີບ. ເຮືອໄວຍິງ ທີ 1 ບ້ານນໍ້າລ້ອມ ໄດ້ຮັບຂັນເງິນ 1 ໜ່ວຍ, ນໍ້າໜັກ 1 ກິໂລ, ເງິນສົດ 6 ລ້ານກີບ, ທີ 2 ບ້ານ ດອນເຟືອງ ໄດ້ຮັບເງິນສົດ 5 ລ້ານກີບ, ທີ 3 ບ້ານຊ້າງ ໄດ້ຮັບເງິນສົດ 4.5 ລ້ານກີບ.

(ພາບ-ຂ່າວ: ຖວທ ເມືອງຊຽງຮ່ອນ)