ໃນວັນທີ 19 ພະຈິກ ຜ່ານມານີ້, ຄະນະຊາວໜຸ່ມ ປປລາວ ແຂວງຫຼວງນ້ຳທາ ໄດ້ຈັດກອງປະຊຸມເຜີຍແຜ່ນິຕິກຳຊາວໜຸ່ມ-ເຍົາວະຊົນ ແລະ ການຜັນຂະຫຍາຍແນວທາງນະໂຍບາຍຂອງລັດຖະບານໃນການຫັນເປັນດີຈີຕອນໃຫ້ຊາວໜຸ່ມບັນດາພະແນກອ້ອມຂ້າງແຂວງ ໂດຍການເປັນປະທານຂອງ ສະຫາຍ ນວນທອງ ສຸວັນວິໄຊ ຮອງເລຂາຄະນະບໍລິຫານງານສູນກາງຊາວໜຸ່ມ ປປລາວ, ມີຄະນະປະຈຳ, ສອງກອງບັນຊາການ ປກສ - ປກຊ, ຄະນະບໍລິຫານງານຊາວໜຸ່ມແຂວງ ແລະ ຊາວໜຸ່ມອ້ອມຂ້າງແຂວງເຂົ້າຮ່ວມກ

ສະຫາຍ ນວນທອງ ສຸວັນວິໄຊ ໄດ້ເຜີຍແຜເອກະສານ, ນິຕິກຳທີສຳຄັນຕ່າງໆ ຂອງ ສຊປລ, ບົດນຳສະເໜີສະຕິຕໍ່ການບໍ່ຖືກຫຼອກລວງຜ່ານຊ່ອງທາງອອນລາຍ ເຊັ້່ນ: ອີເມວ, ເຟຊບຸກ, ເວັບໄຊ, ຫຼື ໂຊຊຽວມີເດຍຕ່າງໆ, ດຳລັດວ່າດ້ວຍ ການບໍລິຫານລັດ ແລະ ບໍລິການລັດແບບດີຈີຕອນ ໂດຍການນໍາໃຊ້ເຕັກໂນໂລຊີ ດີຈີຕອນເຂົ້າໃນການບໍລິຫານລັດ ເພື່ອເພີ່ມປະສິດທິພາບຂອງວຽກງານໃຫ້ມີຄວາມສະດວກ, ທັນສະໄໝ, ວ່ອງໄວ, ປະຢັດ ແລະ ຮັບປະກັນຄວາມປອດໄພ, ເຮັດໃຫ້ການບໍລິການລັດ ສູ່ປະຊາຊົນໄດ້ຢ່າງທົ່ວເຖິງ ແລະ ມີປະສິດທິພາບ.

ໃນໂອກາດດຽວກັນນີ້, ທາງທີມງານສູນກາງຊາວໜຸ່ມ ປປລາວ ຮ່ວມ ກັບ ຄະນະຊາວໜຸ່ມ ປປລາວແຂວງ ຍັງໄດ້ສືບຕໍ່ລົງເຜີຍແຜນິຕິກຳຊາວໜຸ່ມ-ເຍົາວະຊົນ ແລະ ການຜັນຂະຫຍາຍແນວທາງນະໂຍບາຍຂອງລັດຖະບານໃນການຫັນເປັນດີຈີຕອນ ໃຫ້ກັບຄູ-ອາຈານ ແລະ ຊາວໜຸ່ມ-ເຍົາວະຊົນ ຈາກວິທະຍາໄລຄູຫຼວງນໍ້າທາ, ໂຮງຮຽນສາທິດ, ໂຮງຮຽນເຕັກນິກ-ວິຊາຊິບ ແບບປະສົມ, ໂຮງຮຽນສາມັນກິນນອນຊົນເຜົ່າແຂວງ ຢູ່ທີ່ສະໂມສອນວິທະຍາໄລຄູຫຼວງນໍ້າທາ, ມີຜູ້ເຂົ້າຮວມທັງໝົດ 212 ສະຫາຍ ໂດຍການເຂົ້າຮ່ວມເປັນປະທານຂອງ ສະຫາຍ ນາງ ແກ້ວອຸດອນ ແສງມະນີວົງ ຫົວໜ້າຫ້ອງການ ສູນກາງຊາວໜຸ່ມ ປປລາວ