ວິທະຍຸກະຈາຍສຽງຫວຽດນາມລາຍງານວ່າ: ສິງກະໂປ ຈະນຳເຂົ້າໄຟຟ້າ ກາກບອນຕ່ຳ 1,2 GW, ຊຶ່ງຕົ້ນຕໍແມ່ນພະລັງງານແຮງລົມ ຈາກ ຫວຽດນາມ, ມຸ່ງໄປເຖິງການປະຕິບັດເປົ້າໝາຍນຳເຂົ້າ ພະລັງງານທົດແທນ 4 GW ໃນປີ 2035, ກວມເອົາເຖິງ 30% ພະລັງງານນໍາໃຊ້ທັງໝົດຂອງປະເທດ.

ຂ່າວລະບຸວ່າ: ກ່າວຄຳເຫັນທີ່ສັບປະດາພະລັງງານສາກົນ ຊຶ່ງເປີດຂຶ້ນໃນວັນທີ 24 ຕຸລາ, ຢູ່ ສິງກະໂປ, ທ່ານ ທານ ສີ ເລັງ ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ ສິງກະໂປ ຢັ້ງຢືນວ່າ: ພະລັງງານສະອາດ ແມ່ນໜຶ່ງໃນບັນດາເຄື່ອງມືສຳຄັນທີ່ສຸດຂອງ ສິງກະໂປ ແນໃສ່ຕ້ານຄືນໄພນາບຂູ່ຈາກການປ່ຽນແປງຂອງດິນຟ້າອາກາດໃນປັດຈຸບັນ.

ອົງການຕະຫຼາດພະລັງງານ (EMA) ສິງກະໂປ ໄດ້ອອກໜັງສືອະນຸຍາດໃຫ້ ບໍລິສັດພະລັງງານ Sembcorb Utilities ນຳເຂົ້າພະລັງງານໄຟຟ້າຈາກ ຫວຽດນາມ.