ຫວ່າງບໍ່ດົນມານີ້ທີ່ແຂວງອຸດົມໄຊ, ໃນໂອກາດເດີນທາງເຂົ້າຮ່ວມພິທີເປີດໂຄງການແລະກອງປະຊຸມປຶກສາຫາລືເພື່ອລະດົມແນວຄວາມຄິດເຂົ້າໃນການຈັດຕັ້ງປະຕິບັດໂຄງການເວທີນັກການທູດໜຸ່ມ, 3 ອົງການຈັດຕັ້ງມະຫາຊົນກະຊວງການຕ່າງປະເທດໄດ້ເດີນທາງໄປມອບເຄື່ອງຊ່ວຍເຫຼືອໃຫ້ແກ່ໂຮງຮຽນສາມັນກິນນອນຊົນເຜົ່າແຂວງອຸດົມໄຊນໍາພາໂດຍທ່ານສົມບູນສີຫານາດກໍາມະການຄະນະບໍລິຫານງານພັກກະຊວງການຕ່າງປະເທດເລຂາໜ່ວຍພັກກົມເສດຖະກິດຫົວໜ້າກົມເສດຖະກິດກະຊວງການຕ່າງປະເທດພ້ອມດ້ວຍບັນດາຄະນະກົມ, ຜູ້ຕາງໜ້າຈາກຄະນະບໍລິຫານງານກໍາມະບານ, ຊາວໜຸ່ມແລະສະຫະພັນແມ່ຍິງກະຊວງການຕ່າງປະເທດແລະພະນັກງານກົມເສດຖະກິດເຂົ້າຮ່ວມປະມານ 30 ຄົນ. ໃຫ້ກຽດຕ້ອນຮັບຄະນະໃນຄັ້ງນີ້ໂດຍທ່ານຄໍາສະຫວ່າງຈັນທອງພິລຸນຮອງຫົວໜ້າພະແນກສຶກສາທິການແລະກິລາ, ທ່ານໄຊຊະຫວ່າງແກ້ວບູນຫວນຮອງຫົວໜ້າພະແນກການຕ່າງປະເທດແລະທ່ານບຸນຜົງຈັນທະລາວົງຜູ້ອໍານວຍການໂຮງຮຽນສາມັນກິນນອນຊົນເຜົ່າແຂວງອຸດົມໄຊພ້ອມດ້ວຍຄູ-ອາຈານແລະນັກຮຽນທີ່ກໍາລັງສຶກສາຮໍ່າຮຽນທີ່ໂຮງຮຽນດັ່ງກ່າວ.
ຈຸດປະສົງການມອບເຄື່ອງຊ່ວຍເຫຼືອໃນຄັ້ງນີ້ແມ່ນເພື່ອເປັນກໍາລັງຈິດກໍາລັງໃຈ ແລະປະກອບສ່ວນຊ່ວຍເຫຼືອບັນດາຄູ-ອາຈານ ແລະ ລູກຫຼານນັກຮຽນ ທີ່ໂຮງຮຽນມັດທະຍົມສາມັນກິນນອນຊົນເຜົ່າແຂວງອຸດົມໄຊ ໃຫ້ສາມາດສືບຕໍ່ຈັດຕັ້ງການສິດສອນ-ຮໍ່າຮຽນ ໄດ້ຢ່າງມີຄຸນະພາບດີຍິ່ງຂຶ້ນ. ພ້ອມດຽວກັນນັ້ນ, ກໍເປັນການສ້າງຂະບວນການເພື່ອສະເຫຼີມສະຫຼອງວັນສໍາຄັນຕ່າງໆຂອງພັກ-ລັດ ໂດຍສະເພາະ ວັນການທູດຂອງ ສປປ ລາວ ຄົບຮອບ 79 ປີ (12ຕຸລາ1945), ວັນສະຖາປະນາ ສປປ ລາວ ຄົບຮອບ 49 ປີ (2 ທັນວາ 1975) ແລະ ເປັນການສ້າງຂະບວນການຂໍ່ານັບຮັບຕ້ອນ ກອງປະຊຸມໃຫ່ຍ 3 ຂັ້ນ ຂອງອົງຄະນະພັກກະຊວງການຕ່າງປະເທດ ທີ່ກໍາລັງດໍາເນີນໄປ ຢ່າງເປັນຂະບວນຟົດຟື້ນ.
ເຄື່ອງທີ່ນໍາມາຊ່ວຍເຫຼືອໃນຄັ້ງນີ້ປະກອບດ້ວຍເຄື່ອງອຸປະໂພກ-ບໍລິໂພກແລະເຄື່ອງນຸ່ງຮົ່ມຈໍານວນໜຶ່ງທີ່ 3 ອົງການຈັດຕັ້ງມະຫາຊົນກະຊວງການຕ່າງປະເທດ ຮ່ວມກັບບັນດາສໍານັກງານສະຖານທູດ ແຫ່ງ ສປປ ລາວ ປະຈໍາຢູ່ ຕ່າງປະເທດ ທີ່ສາມາດຂົນຂວາຍຂໍການຊ່ວຍເຫຼືອຈາກ ອົງການຈັດຕັ້ງສາກົນ ແລະ ປະເທດເພື່ອນມິດຕ່າງໆ ໄດ້ຊ່ວຍເຫຼືອໃຫ້ແກ່ປະຊາຊົນລາວບັນດາເຜົ່າ.
ໂຮງຮຽນມັດທະຍົມສາມັນກິນນອນຊົນເຜົ່າແຂວງອຸດົມໄຊ ແມ່ນສະຖາບັນການສຶກສາຮໍ່າຮຽນໜຶ່ງທີ່ປະກອບສ່ວນເຂົ້າໃນການພັດທະນາຊັບພະຍາກອນມະນຸດ ກໍຄືລູກຫຼານທີ່ເປັນອະນາຄົດຂອງຊາດທີ່ມາຈາກບັນດາຊົນເຜົ່າຕ່າງໆ ພາຍໃນແຂວງອຸດົມໄຊ ແລະ ແຂວງໃກ້ຄຽງທາງພາກເໜືອຂອງສປປລາວ. ໃນສົກປີ 2024-2025: ແມ່ນມີນັກຮຽນທີ່ກໍາລັງສຶກສາຮໍ່າຮຽນທີ່ໂຮງຮຽນດັ່ງກ່າວຈໍານວນທັງໝົດ 559 ຄົນຍິງ 249 ຄົນ, ເປັນນັກຮຽນໃນແຜນ 482 ຄົນຍິງ 200 ຄົນແລະເປັນນັກຮຽນນອກແຜນຈໍານວນ 77 ຄົນຍິງ 49 ຄົນທີ່ມາຈາກ 11 ຊົນເຜົ່າແລະ 4 ໝວດພາສາ.
ຂ່າວ: ກະຊວງການຕ່າງປະເທດ
ຈຸດປະສົງການມອບເຄື່ອງຊ່ວຍເຫຼືອໃນຄັ້ງນີ້ແມ່ນເພື່ອເປັນກໍາລັງຈິດກໍາລັງໃຈ ແລະປະກອບສ່ວນຊ່ວຍເຫຼືອບັນດາຄູ-ອາຈານ ແລະ ລູກຫຼານນັກຮຽນ ທີ່ໂຮງຮຽນມັດທະຍົມສາມັນກິນນອນຊົນເຜົ່າແຂວງອຸດົມໄຊ ໃຫ້ສາມາດສືບຕໍ່ຈັດຕັ້ງການສິດສອນ-ຮໍ່າຮຽນ ໄດ້ຢ່າງມີຄຸນະພາບດີຍິ່ງຂຶ້ນ. ພ້ອມດຽວກັນນັ້ນ, ກໍເປັນການສ້າງຂະບວນການເພື່ອສະເຫຼີມສະຫຼອງວັນສໍາຄັນຕ່າງໆຂອງພັກ-ລັດ ໂດຍສະເພາະ ວັນການທູດຂອງ ສປປ ລາວ ຄົບຮອບ 79 ປີ (12ຕຸລາ1945), ວັນສະຖາປະນາ ສປປ ລາວ ຄົບຮອບ 49 ປີ (2 ທັນວາ 1975) ແລະ ເປັນການສ້າງຂະບວນການຂໍ່ານັບຮັບຕ້ອນ ກອງປະຊຸມໃຫ່ຍ 3 ຂັ້ນ ຂອງອົງຄະນະພັກກະຊວງການຕ່າງປະເທດ ທີ່ກໍາລັງດໍາເນີນໄປ ຢ່າງເປັນຂະບວນຟົດຟື້ນ.
ເຄື່ອງທີ່ນໍາມາຊ່ວຍເຫຼືອໃນຄັ້ງນີ້ປະກອບດ້ວຍເຄື່ອງອຸປະໂພກ-ບໍລິໂພກແລະເຄື່ອງນຸ່ງຮົ່ມຈໍານວນໜຶ່ງທີ່ 3 ອົງການຈັດຕັ້ງມະຫາຊົນກະຊວງການຕ່າງປະເທດ ຮ່ວມກັບບັນດາສໍານັກງານສະຖານທູດ ແຫ່ງ ສປປ ລາວ ປະຈໍາຢູ່ ຕ່າງປະເທດ ທີ່ສາມາດຂົນຂວາຍຂໍການຊ່ວຍເຫຼືອຈາກ ອົງການຈັດຕັ້ງສາກົນ ແລະ ປະເທດເພື່ອນມິດຕ່າງໆ ໄດ້ຊ່ວຍເຫຼືອໃຫ້ແກ່ປະຊາຊົນລາວບັນດາເຜົ່າ.
ໂຮງຮຽນມັດທະຍົມສາມັນກິນນອນຊົນເຜົ່າແຂວງອຸດົມໄຊ ແມ່ນສະຖາບັນການສຶກສາຮໍ່າຮຽນໜຶ່ງທີ່ປະກອບສ່ວນເຂົ້າໃນການພັດທະນາຊັບພະຍາກອນມະນຸດ ກໍຄືລູກຫຼານທີ່ເປັນອະນາຄົດຂອງຊາດທີ່ມາຈາກບັນດາຊົນເຜົ່າຕ່າງໆ ພາຍໃນແຂວງອຸດົມໄຊ ແລະ ແຂວງໃກ້ຄຽງທາງພາກເໜືອຂອງສປປລາວ. ໃນສົກປີ 2024-2025: ແມ່ນມີນັກຮຽນທີ່ກໍາລັງສຶກສາຮໍ່າຮຽນທີ່ໂຮງຮຽນດັ່ງກ່າວຈໍານວນທັງໝົດ 559 ຄົນຍິງ 249 ຄົນ, ເປັນນັກຮຽນໃນແຜນ 482 ຄົນຍິງ 200 ຄົນແລະເປັນນັກຮຽນນອກແຜນຈໍານວນ 77 ຄົນຍິງ 49 ຄົນທີ່ມາຈາກ 11 ຊົນເຜົ່າແລະ 4 ໝວດພາສາ.
ຂ່າວ: ກະຊວງການຕ່າງປະເທດ
