ເນື່ອງໃນໂອກາດ ວັນສ້າງຕັ້ງສະຖານີວິທະຍຸ-ໂທລະພາບແຂວງຜົ້ງສາລີ ຄົບຮອບ 28 ປີ(20 ທັນວາ 1996–20 ທັນວາ 2024
ໂດຍ: ສົມຄິດ ແກ້ວນວນລາ
ສະຖານີວິທະຍຸ-ໂທລະພາບແຂວງຜົ້ງສາລີ (ວ ທ ຜ) ສ້າງຕັ້ງຂຶ້ນໃນວັນທີ 20 ທັນວາ 1996 ຊຶ່ງຕັ້ງຢູ່ ບ້ານໂພນແກ້ວເມືອງຜົ້ງສາລີ ເທດສະບານແຂວງເກົ່າ, ເປັນສະຖານີທີ່ຂຶ້ນກັບ ພະແນກ ຖວທ ແຂວງຜົ້ງສາລີ, ມີພາລະບົດບາດທຽບເທົ່າກັບບັນດາຂະແໜງໃນພະແນກ ຖວທ ແຂວງ ໄດ້ເຄື່ອນໄຫວປະກອບສ່ວນຢ່າງຕັ້ງໜ້າເຂົ້າໃນການຈັດຕັ້ງປະຕິບັດວຽກງານຕາມພາລະບົດບາດ ແລະ ໜ້າທີ່ຂອງຕົນເປັນຕົ້ນນແມ່ນອອກແຮງໂຄສະນາ, ເຜີຍແຜ່ແນວທາງແຜນນະໂຍບາຍຂອງພັກ, ລະບຽບກົດໜາຍຂອງລັດ,ໂຄສະນາສຶກສາອົບຮົມ,ປຸກລະດົມຊວນເຊື່ອພົນລະເມືອງທຸກຊັ້ນຄົນໃນສັງຄົມໃຫ້ມີຄວາມຕື່ນຕົວເປັນເຈົ້າການເຂົ້າຮ່ວມປະຕິບັດແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ແຜນພັດທະເສດຖະກິດ-ສັງຄົມຂອງລັດ, ວຽກງານປ້ອງກັນຊາດ, ປ້ອງການຄວາມສະຫງົບ ໃນແຕ່ລະໄລຍະ ຕອບໂຕ້ທຸກຖ້ອຍທຳນອງການໂຄສະນາໃສ່ຮ້າຍປ້າຍສີບິດເບືອນຄວາມຈິງຂອງພວກຄົນບໍ່ດີອັນໄດ້ສ້າງຄວາມເສື່ອມເສຍໃຫ້ແກ່ຜົນປະໂຫຍດລວມຂອງພັກ, ຂອງຊາດ ແລະ ຂອງປະຊາຊົນ, ຕຳນິຕິຊົມຕໍ່ການກະທໍາທີ່ເປັນການລະເມີດລະບຽບກົດໜາຍ ແລະ ປະກົດການຫຍໍ້ທໍ້ທີ່ເກີດຂຶ້ນໃນສັງຄົມຢ່າງຕັ້ງໜ້າ, ພ້ອມກັນນັ້ນກໍໄດ້ເຜີຍແຜ່ຂໍ້ມູນຂ່າວສານເຫດການທີ່ເກີດຂຶ້ນ, ສາລະຄວາມຮູ້, ສາລະບັນເທີງໃຫ້ແກ່ສັງຄົມຊຶ່ງໃນແຕ່ລະໄລຍະກໍໄດ້ປັບປຸງ, ຍົກລະດັບພາຫະນະຂອງສື່ມວນຊົນ(ວິທະຍຸ, ໂທລະພາບ ແລະ ໂທລະໂຄ່ງ)ໃຫ້ສາມາດກະຈາຍຮັບໃຊ້ໜ້າທີ່ການເມືອງຢ່າງຕໍ່ເນື່ອງຕິດພັນກັບການຍົກລະດັບຄວາມຮູ້, ຄວາມສາມາດຂອງພະນັກງານທີ່ເຮັດວຽກງານສື່ມວນຊົນໃຫ້ສົມຄູ່ກັບຍຸກເຕັກໂນໂລຊີທີ່ທັນສະໄໝ ແລະ ສົມຄູ່ກັບໜ້າທີ່ການເມືອງໃນໄລຍະໃໝ່ ສ້າງທຸກເງື່ອນໄຂ້ເຮັດໃຫ້ວຽກງານດັ່ງກ່າວໃຫ້ມີຄວາມເຂັ້ມແຂງ, ມີຄວາມກ້າວໜ້າ ແລະ ທັນສະໄໜຂຶ້ນເລື້ອຍໆ.
ໄລຍະສ້າງຕັ້ງທຳອິດປີ1996-2005: ໄລຍະນີ້ເອີ້ນວ່າຂະແໜງຖະແຫຼງຂ່າວ ທີ່ຮັບຜິດຊອບວຽກງານສະຖານີວິທະຍຸ-ໂທລະພາບແຂວງປີ 1996 ແມ່ນກະຈາຍລະບົບວິທະຍຸໃຊ້ເສົາອັງແຕນສູງ 65 ແມັດ, ກະຈາຍດ້ວຍລະບົບອານາລ໋ອກ ຄື້ນ FM 100.8 Mhzດ້ວຍເຄື່ອງສົ່ງ 100 w, ກະຈາຍກວມພື້ນທີ່ 10 ບ້ານເທດສະບານແຂວງເກົ່າ ເມືອງຜົ້ງສາລີ, ມີຜູ້ໄດ້ຮັບຟັງ 6,960 ຄົນ, ກະຈາຍ 4 ຊົ່ວໂມງ ຕໍ່ວັນ, ມີ 2 ລາຍການ. ພ້ອມທັງກະຈາຍໂທລະໂຄ່ງ 4 ຊົ່ວໂມງຕໍ່ວັນ.ໂທລະພາບ ນັບແຕ່ມື້ສ້າງຕັ້ງແມ່ນກະຈາຍດ້ວຍລະບົບອານາລ໋ອກ ໃຊ້ເຄື່ອງສົ່ງ 300 w ກວມພື້ນທີ່ໃນ 11 ເທດສະບານຂອງແຂວງເກົ່າ ເມືອງຜົ້ງສາລີ, ມີຜູ້ໄດ້ຮັບຟັງ 7,305 ຄົນ ມີ 1 ລາຍການຂ່າວ. ໄລຍະກ່ອນການກໍ່ສ້າງສະຖານີຈົນຮອດປີ1996 ໂດຍແມ່ນ ທ່ານ ວັນ ສົມສະກຸນ ເປັນຫົວໜ້າຂະແໜງຖະແຫຼງຂ່າວ ທີ່ແບ່ງອອກເປັນໜ່ວຍງານຄື: ໜ່ວຍວິທະຍຸ-ໂທລະພາບແຂວງ (ສະຖານີວິທະຍຸ-ໂທລະພາບແຂວງໃນປັດຈຸບັນ) ແລະ ໜ່ວຍງານໂທລະໂຄ່ງທີ່ມີສູນຄວບຄຸມການກະຈາຍໂທລະໂຄ່ງຢູເຂດສີ່ແຍກຫຼັກສູນ ເມືອງຜົ້ງສາລີ ທີ່ຮັບສັນຍານຈາກວິທະຍຸແຂວງ ແລະ ກະຈາຍອອກທາງໂທລະໂຄ່ງໃນເທດສະບານແຂວງເກົ່າຊຶ່ງສະຖານີໄລຍະນີ້ມີພະນັກງານທັງໝົດ 8 ຄົນ ຍິງ 1 ຄົນ. ໄລຍະກໍ່ສ້າງສຳເລັດ ແລະ ເປີດການກະຈາຍປີ1996-2008 ນີ້ ແມ່ນທ່ານ ບຸນຈັນ ແພງສະຫວັດ ເປັນຫົວໜ້າສະຖານີ ມີພະນັກງານທັງໝົດ 9 ຄົນ ຍິງ 3 ຄົນ.
ໄລຍະປີ2006-2015: ວັນທີ 1 ມິຖຸນາ 2008 ແມ່ນໄດ້ຮັບການຊ່ວຍເຫຼືອຈາກສປ ຈີນ ໄດ້ມາຊ່ວຍປັງປຸງມອບເຄື່ອງສົ່ງວິທະຍຸ ຕິດຕັ້ງ 3 Kw ກວມພື້ນທີ 342 ບ້ານ ໃນ 5 ເມືອງຂອງແຂວງ, ກວມ 75% ຂອງເນື້ອທີ່ທົ່ວແຂວງ, ຈັດລາຍການອອກອາກາດ 17 ຊົ່ວໂມງຕໍ່ວັນ, ມີ 15 ລາຍການ ໃນນັ້ນລາຍການສະຖານີມີ 2 ລາຍການ ແລະ ລາຍການເປົ້າໝາຍສະເພາະກົມກອງ, ພະແນກການຂອງແຂວງມາຈັດຮ່ວມ 13 ລາຍການ ແລະ ຄຽງຄູ່ກັບການກະຈາຍໂທລະໂຄ່ງໃນເທດສະບານແຂວງເກົ່າ 4 ຊົ່ວໂມງ 30 ນາທີ ຕໍ່ວັນ. ແຕ່ການດຳເນີນການກະຈາຍໄດ້ເກີດມີໄພທຳມະຊາດ ຖືກຟ້າຜ່າເຄື່ອງສົ່ງຫຼາຍຄັ້ງ ຈຶ່ງເຮັດໃຫ້ຄຸນນະພາບເຄື່ອງຫຼຸດລົງ ແລະ ພື້ນທີ່ກະຈາຍກໍຫຼຸດລົງ ມີການແປງຫຼາຍຄັ້ງ ແລະ ເປ່ເພ. ມາຮອດວັນທີ 10 ມິຖຸນາ ປີ 2012 ແຂວງເຊີນລາ ສສ ຫວຽດນາມໄດ້ນຳເອົາອຸປະກອນສະຖານີວິທະຍຸອານາລອ໋ກ ແລະ ໂທລະໂຄ່ງດີຈີຕອນມາຊ່ວຍປ່ຽນຖ່າຍຕິດຕັ້ງໃຫ້ ມູນຄ່າ 2 ຕື້ດົງ ດ້ວຍເຄື່ອງສົ່ງວິທະຍຸ 1 Kw ກວມພື້ນທີ່ຂອງບາງບ້ານໃນ 5 ເມືອງ ເທົ່າກັບ 30% ຂອງພື້ນທີ່ຂອງແຂວງ ແຕ່ຍ້ອນເຄື່ອງເກົ່າແກ່ຊຸດໂຊມ ສ້ອມແປງຫຼາຍຄັ້ງເຮັດໃຫ້ພື້ນທີ່ການກະຈາຍຄ່ອຍຫຼຸດໜ້ອຍຖອຍລົງ. ສຳລັບໂທລະພາບຮອດວັນທີ 1 ມິຖຸນາ 2008 ສປ ຈີນໄດ້ມາຊ່ວຍປັບປຸງມອບເຄື່ອງສົ່ງຕິດຕັ້ງ 500 w ກວມພື້ນທີ່ເທດສະບານແຂວງແຕ່ເພີ່ມບ້ານອ້ອມຂ້າງຕື່ມລວມເປັນ 34 ບ້ານ, ມີຜູ້ໄດ້ຮັບຊົມ 12,906 ຄົນ. ໄລຍະປີ2008-2012 ນີ້ ແມ່ນທ່ານ ນາງ ວັນນະລີ ເຈັ່ນຄຳເຫຼັກ ເປັນຫົວໜ້າສະຖານີ ມີພະນັກງານທັງໝົດ 9 ຄົນ ຍິງ 3 ຄົນ. ໄລຍະປີ 2013 - ວັນທີ20 ກັນຍາ 2019 ນີ້ ແມ່ນທ່ານ ສົມຈັນ ດວງດາບຸດ ເປັນຫົວໜ້າສະຖານີ ມີພະນັກງານທັງໝົດ 13 ຄົນ ຍິງ 5 ຄົນ.
ໄລຍະປີ2015-2025: ປີ 2018 ໄດ້ມີການແຍກອອກເປັນສອງຂະແໜງຄື: ຂະແໜງຖະແຫຼງຂ່າວ ແລະ ສະຖານີວິທະຍຸ - ໂທລະພາບແຂວງ ຕາມຂໍ້ຕົກລົງຂອງລັດຖະມົນຕີກະຊວງ ຖວທ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຜົ້ງສາລີ ເລກທີ682/ຖວທ ລົງວັນທີ 19 ມິຖຸນາ 2018 ຊຶ່ງມີ 11 ພາລະບົດບາດ ແລະ ໜ້າທີ່ສຳຄັນ. ສຳລັບການກະຈາຍອອກອາກາດໄລຍະນີ້ແມ່ນເຄື່ອງສົ່ງຖືກຟ້າຜ່າໃນວັນທີ 2 ເມສາ 2020 ເຮັດໃຫ້ເຄື່ອງເປ່ເພ ປັດຈຸບັນກະຈາຍໄດ້ກວມພື້ນທີ່ພຽງ 14 ບ້ານ ໃນເມືອງຜົ້ງສາລີ, ມີຜູ້ໄດ້ຮັບຟັງ 23,745 ຄົນ ເທົ່າກັບ 2,7%ຂອງເນື້ອທີ່ທົ່ວແຂວງ, ມີ 17 ລາຍການ ໃນນັ້ນລາຍການສະຖານີມີ 7 ລາຍການ ແລະ ລາຍການເປົ້າໝາຍສະເພາະກົມກອງ, ພະແນກການຂອງແຂວງ ແລະ ເມືອງຜົ້ງສາລີມາຈັດຮ່ວມ 10 ລາຍການ. ສ່ວນລະບົບໂທລະໂຄ່ງແມ່ນມອບໃຫ້ເມືອງຜົ້ງສາລີກະຈາຍນັບແຕ່ວັນທີ 11 ກໍລະກົດ 2023 ເປັນຕົ້ນມາ.ວຽກໂທລະພາບມາຮອດປີ 2017 ບໍລິສັດເຄເບິນທີວີຜົ້ງສາລີ ຕັ້ງຢູ່ເທດສະບານແຂວງເກົ່າ ໄດ້ເຂົ້າມາຊ່ວຍຕິດຕັ້ງເຄື່ອງສົ່ງໂທລະພາບທີ່ເຊື່ອມກັບລະບົບເຄເບິນ ໂດຍຈັດໃຫ້ໂທລະພາບແຂວງຜົ້ງສາລີອອກອາກາດ 1 ຊ່ອງ ທີ່ເປັນຊ່ອງທີ 1 ຂອງເຄເບິນ, ກະຈາຍໃນບັນດາບ້ານເທດສະບານແຂວງເກົ່າ, ມີ 2 ລາຍການ: ລາຍການຂ່າວ ແລະ ລາຍການສິລະປະບ້ານເຮົາ ແລະ ລະບົບໂທລະພາບອານາລ໋ອກໄດ້ຢຸດການກະຈາຍ. ຈົນມາຮອດ ວັນທີ 2 ເມສາ 2020 ຟ້າຜ່າສະຖານີ ແລະ ເຄື່ອງສົ່ງຂອງເຄເບິນ ເຮັດໃຫ້ການເຊື່ອມຕໍ່ຂອງຊ່ອງຜົ້ງສາລີເຂົ້າກັບເຄເບິນເປ່ເພ ເພາະເຄື່ອງດັ່ງກ່າວແມ່ນນຳເຂົ້າຈາກ ສປ ຈີນ ແຕ່ຍ້ອນພະຍາດ ໂຄວິດ-19 ລະບາດຢູ່ ສປ ຈີນ ຈຶ່ງບໍ່ສາມາດເອົາເຄື່ອງໄປສ້ອມແປງໄດ້ ແລະ ບໍລິສັດເຄເບິນກໍຢຸດໃຫ້ການບໍລິການ ຈຶ່ງໄດ້ຢຸດການກະຈາຍ. ມາຮອດປີ 2022 ປ່ຽນຊື່ເອີ້ນມາເປັນ ກອງວິຊາການວິທະຍຸ-ໂທລະພາບແຂວງ ຈົນເຖິງປັດຈຸບັນ ຕາມຂໍ້ຕົກລົງຂອງທ່ານເຈົ້າແຂວງຜົ້ງສາລີ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຜົ້ງສາລີ ເລກທີ 819/ຂຜລ ລົງວັນທີ 12 ກັນຍາ 2022 ຊຶ່ງມີ 13 ພາລະບົດບາດ ແລະ ໜ້າທີ່ສຳຄັນ. ໄລຍະແຕ່ວັນທີ 20 ກັນຍາ ປີ 2019-ປັດຈຸບັນ ແມ່ນທ່ານ ນາງ ຄຳມະລາ ຍີນດາລາຄຳ ເປັນຫົວໜ້າສະຖານີ ມີພະນັກງານທັງໝົດ 9 ຄົນ, ຍິງ 3 ຄົນ.
ການກະຈາຍສື່ອອນລາຍຂອງສະຖານີ:ສື່ອອນລາຍແມ່ນເລີ່ມສ້າງຂຶ້ນວັນທີ 24 ກັນຍາ 2018 ໄດ້ສ້າງໜ້າເຟສບຸກເພຈ facebookແລະ youtube ສະເພາະຂອງສະຖານີ ຂຶ້ນ, ມາຮອດວັນທີ 27 ສິງຫາ ປີ 2024 ໄດ້ເພີ່ມຊ່ອງທາງ ເວັບໄຊ https://dictphongsaly.gov.la ແລະ Tiktokສະເພາະເພື່ອກະຈາຍຂ່າວ, ລາຍການອອກສູ່ສັງຄົມທາງອອນລາຍ ຊຶ່ງຕະຫຼອດໄລຍະຜ່ານມາ ສະຖານີວິທະຍຸ-ໂທລະພາບແຂວງຜົ້ງສາລີ ໄດ້ປະກອບສ່ວນຕາມພາລະບົດບາດເປັນກະບອກສຽງຂອງພັກ-ລັດ ມອບໃຫ້ຢ່າງຕັ້ງໜ້າ ຊຶ່ງມັນສະແດງອອກ ແຕ່ລະປີສາມາດເຄື່ອນໄຫວເກັບກຳຂໍ້ມູນມາຂຽນເປັນຂ່າວໄດ້ 350 ກວ່າຂ່າວຕໍ່ປີ, 25 ບົດຕໍ່ປີ, ກະຈາຍວິທະຍຸໄດ້ 5 ພັນກວ່າຊົ່ວໂມງຕໍ່ປີ, ກະຈາຍໂທລະພາບ 1 ພັນກວ່າຊົ່ວໂມງຕໍ່ປີ, ກະຈາຍໂທລະໂຄ່ງຂອງສະຖານີ 2 ພັນກວ່າຊົ່ວໂມງຕໍ່ປີ; ປັດຈຸບັນມີຜູ້ຕິດຕາມສື່ອອນລາຍສະຖານີ 50 ພັນກວ່າຄົນຕໍ່ປີ, ມີຜູ້ເຂົ້າຊົມ ແລະ ອ່ານຂ່າວໜ້າສື່ອອນລາຍຂອງສະຖານີ 4 ລ້ານກວ່າເທື່ອຄົນຕໍ່ປີ.
ໂດຍ: ສົມຄິດ ແກ້ວນວນລາ
ສະຖານີວິທະຍຸ-ໂທລະພາບແຂວງຜົ້ງສາລີ (ວ ທ ຜ) ສ້າງຕັ້ງຂຶ້ນໃນວັນທີ 20 ທັນວາ 1996 ຊຶ່ງຕັ້ງຢູ່ ບ້ານໂພນແກ້ວເມືອງຜົ້ງສາລີ ເທດສະບານແຂວງເກົ່າ, ເປັນສະຖານີທີ່ຂຶ້ນກັບ ພະແນກ ຖວທ ແຂວງຜົ້ງສາລີ, ມີພາລະບົດບາດທຽບເທົ່າກັບບັນດາຂະແໜງໃນພະແນກ ຖວທ ແຂວງ ໄດ້ເຄື່ອນໄຫວປະກອບສ່ວນຢ່າງຕັ້ງໜ້າເຂົ້າໃນການຈັດຕັ້ງປະຕິບັດວຽກງານຕາມພາລະບົດບາດ ແລະ ໜ້າທີ່ຂອງຕົນເປັນຕົ້ນນແມ່ນອອກແຮງໂຄສະນາ, ເຜີຍແຜ່ແນວທາງແຜນນະໂຍບາຍຂອງພັກ, ລະບຽບກົດໜາຍຂອງລັດ,ໂຄສະນາສຶກສາອົບຮົມ,ປຸກລະດົມຊວນເຊື່ອພົນລະເມືອງທຸກຊັ້ນຄົນໃນສັງຄົມໃຫ້ມີຄວາມຕື່ນຕົວເປັນເຈົ້າການເຂົ້າຮ່ວມປະຕິບັດແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ແຜນພັດທະເສດຖະກິດ-ສັງຄົມຂອງລັດ, ວຽກງານປ້ອງກັນຊາດ, ປ້ອງການຄວາມສະຫງົບ ໃນແຕ່ລະໄລຍະ ຕອບໂຕ້ທຸກຖ້ອຍທຳນອງການໂຄສະນາໃສ່ຮ້າຍປ້າຍສີບິດເບືອນຄວາມຈິງຂອງພວກຄົນບໍ່ດີອັນໄດ້ສ້າງຄວາມເສື່ອມເສຍໃຫ້ແກ່ຜົນປະໂຫຍດລວມຂອງພັກ, ຂອງຊາດ ແລະ ຂອງປະຊາຊົນ, ຕຳນິຕິຊົມຕໍ່ການກະທໍາທີ່ເປັນການລະເມີດລະບຽບກົດໜາຍ ແລະ ປະກົດການຫຍໍ້ທໍ້ທີ່ເກີດຂຶ້ນໃນສັງຄົມຢ່າງຕັ້ງໜ້າ, ພ້ອມກັນນັ້ນກໍໄດ້ເຜີຍແຜ່ຂໍ້ມູນຂ່າວສານເຫດການທີ່ເກີດຂຶ້ນ, ສາລະຄວາມຮູ້, ສາລະບັນເທີງໃຫ້ແກ່ສັງຄົມຊຶ່ງໃນແຕ່ລະໄລຍະກໍໄດ້ປັບປຸງ, ຍົກລະດັບພາຫະນະຂອງສື່ມວນຊົນ(ວິທະຍຸ, ໂທລະພາບ ແລະ ໂທລະໂຄ່ງ)ໃຫ້ສາມາດກະຈາຍຮັບໃຊ້ໜ້າທີ່ການເມືອງຢ່າງຕໍ່ເນື່ອງຕິດພັນກັບການຍົກລະດັບຄວາມຮູ້, ຄວາມສາມາດຂອງພະນັກງານທີ່ເຮັດວຽກງານສື່ມວນຊົນໃຫ້ສົມຄູ່ກັບຍຸກເຕັກໂນໂລຊີທີ່ທັນສະໄໝ ແລະ ສົມຄູ່ກັບໜ້າທີ່ການເມືອງໃນໄລຍະໃໝ່ ສ້າງທຸກເງື່ອນໄຂ້ເຮັດໃຫ້ວຽກງານດັ່ງກ່າວໃຫ້ມີຄວາມເຂັ້ມແຂງ, ມີຄວາມກ້າວໜ້າ ແລະ ທັນສະໄໜຂຶ້ນເລື້ອຍໆ.
ໄລຍະສ້າງຕັ້ງທຳອິດປີ1996-2005: ໄລຍະນີ້ເອີ້ນວ່າຂະແໜງຖະແຫຼງຂ່າວ ທີ່ຮັບຜິດຊອບວຽກງານສະຖານີວິທະຍຸ-ໂທລະພາບແຂວງປີ 1996 ແມ່ນກະຈາຍລະບົບວິທະຍຸໃຊ້ເສົາອັງແຕນສູງ 65 ແມັດ, ກະຈາຍດ້ວຍລະບົບອານາລ໋ອກ ຄື້ນ FM 100.8 Mhzດ້ວຍເຄື່ອງສົ່ງ 100 w, ກະຈາຍກວມພື້ນທີ່ 10 ບ້ານເທດສະບານແຂວງເກົ່າ ເມືອງຜົ້ງສາລີ, ມີຜູ້ໄດ້ຮັບຟັງ 6,960 ຄົນ, ກະຈາຍ 4 ຊົ່ວໂມງ ຕໍ່ວັນ, ມີ 2 ລາຍການ. ພ້ອມທັງກະຈາຍໂທລະໂຄ່ງ 4 ຊົ່ວໂມງຕໍ່ວັນ.ໂທລະພາບ ນັບແຕ່ມື້ສ້າງຕັ້ງແມ່ນກະຈາຍດ້ວຍລະບົບອານາລ໋ອກ ໃຊ້ເຄື່ອງສົ່ງ 300 w ກວມພື້ນທີ່ໃນ 11 ເທດສະບານຂອງແຂວງເກົ່າ ເມືອງຜົ້ງສາລີ, ມີຜູ້ໄດ້ຮັບຟັງ 7,305 ຄົນ ມີ 1 ລາຍການຂ່າວ. ໄລຍະກ່ອນການກໍ່ສ້າງສະຖານີຈົນຮອດປີ1996 ໂດຍແມ່ນ ທ່ານ ວັນ ສົມສະກຸນ ເປັນຫົວໜ້າຂະແໜງຖະແຫຼງຂ່າວ ທີ່ແບ່ງອອກເປັນໜ່ວຍງານຄື: ໜ່ວຍວິທະຍຸ-ໂທລະພາບແຂວງ (ສະຖານີວິທະຍຸ-ໂທລະພາບແຂວງໃນປັດຈຸບັນ) ແລະ ໜ່ວຍງານໂທລະໂຄ່ງທີ່ມີສູນຄວບຄຸມການກະຈາຍໂທລະໂຄ່ງຢູເຂດສີ່ແຍກຫຼັກສູນ ເມືອງຜົ້ງສາລີ ທີ່ຮັບສັນຍານຈາກວິທະຍຸແຂວງ ແລະ ກະຈາຍອອກທາງໂທລະໂຄ່ງໃນເທດສະບານແຂວງເກົ່າຊຶ່ງສະຖານີໄລຍະນີ້ມີພະນັກງານທັງໝົດ 8 ຄົນ ຍິງ 1 ຄົນ. ໄລຍະກໍ່ສ້າງສຳເລັດ ແລະ ເປີດການກະຈາຍປີ1996-2008 ນີ້ ແມ່ນທ່ານ ບຸນຈັນ ແພງສະຫວັດ ເປັນຫົວໜ້າສະຖານີ ມີພະນັກງານທັງໝົດ 9 ຄົນ ຍິງ 3 ຄົນ.
ໄລຍະປີ2006-2015: ວັນທີ 1 ມິຖຸນາ 2008 ແມ່ນໄດ້ຮັບການຊ່ວຍເຫຼືອຈາກສປ ຈີນ ໄດ້ມາຊ່ວຍປັງປຸງມອບເຄື່ອງສົ່ງວິທະຍຸ ຕິດຕັ້ງ 3 Kw ກວມພື້ນທີ 342 ບ້ານ ໃນ 5 ເມືອງຂອງແຂວງ, ກວມ 75% ຂອງເນື້ອທີ່ທົ່ວແຂວງ, ຈັດລາຍການອອກອາກາດ 17 ຊົ່ວໂມງຕໍ່ວັນ, ມີ 15 ລາຍການ ໃນນັ້ນລາຍການສະຖານີມີ 2 ລາຍການ ແລະ ລາຍການເປົ້າໝາຍສະເພາະກົມກອງ, ພະແນກການຂອງແຂວງມາຈັດຮ່ວມ 13 ລາຍການ ແລະ ຄຽງຄູ່ກັບການກະຈາຍໂທລະໂຄ່ງໃນເທດສະບານແຂວງເກົ່າ 4 ຊົ່ວໂມງ 30 ນາທີ ຕໍ່ວັນ. ແຕ່ການດຳເນີນການກະຈາຍໄດ້ເກີດມີໄພທຳມະຊາດ ຖືກຟ້າຜ່າເຄື່ອງສົ່ງຫຼາຍຄັ້ງ ຈຶ່ງເຮັດໃຫ້ຄຸນນະພາບເຄື່ອງຫຼຸດລົງ ແລະ ພື້ນທີ່ກະຈາຍກໍຫຼຸດລົງ ມີການແປງຫຼາຍຄັ້ງ ແລະ ເປ່ເພ. ມາຮອດວັນທີ 10 ມິຖຸນາ ປີ 2012 ແຂວງເຊີນລາ ສສ ຫວຽດນາມໄດ້ນຳເອົາອຸປະກອນສະຖານີວິທະຍຸອານາລອ໋ກ ແລະ ໂທລະໂຄ່ງດີຈີຕອນມາຊ່ວຍປ່ຽນຖ່າຍຕິດຕັ້ງໃຫ້ ມູນຄ່າ 2 ຕື້ດົງ ດ້ວຍເຄື່ອງສົ່ງວິທະຍຸ 1 Kw ກວມພື້ນທີ່ຂອງບາງບ້ານໃນ 5 ເມືອງ ເທົ່າກັບ 30% ຂອງພື້ນທີ່ຂອງແຂວງ ແຕ່ຍ້ອນເຄື່ອງເກົ່າແກ່ຊຸດໂຊມ ສ້ອມແປງຫຼາຍຄັ້ງເຮັດໃຫ້ພື້ນທີ່ການກະຈາຍຄ່ອຍຫຼຸດໜ້ອຍຖອຍລົງ. ສຳລັບໂທລະພາບຮອດວັນທີ 1 ມິຖຸນາ 2008 ສປ ຈີນໄດ້ມາຊ່ວຍປັບປຸງມອບເຄື່ອງສົ່ງຕິດຕັ້ງ 500 w ກວມພື້ນທີ່ເທດສະບານແຂວງແຕ່ເພີ່ມບ້ານອ້ອມຂ້າງຕື່ມລວມເປັນ 34 ບ້ານ, ມີຜູ້ໄດ້ຮັບຊົມ 12,906 ຄົນ. ໄລຍະປີ2008-2012 ນີ້ ແມ່ນທ່ານ ນາງ ວັນນະລີ ເຈັ່ນຄຳເຫຼັກ ເປັນຫົວໜ້າສະຖານີ ມີພະນັກງານທັງໝົດ 9 ຄົນ ຍິງ 3 ຄົນ. ໄລຍະປີ 2013 - ວັນທີ20 ກັນຍາ 2019 ນີ້ ແມ່ນທ່ານ ສົມຈັນ ດວງດາບຸດ ເປັນຫົວໜ້າສະຖານີ ມີພະນັກງານທັງໝົດ 13 ຄົນ ຍິງ 5 ຄົນ.
ໄລຍະປີ2015-2025: ປີ 2018 ໄດ້ມີການແຍກອອກເປັນສອງຂະແໜງຄື: ຂະແໜງຖະແຫຼງຂ່າວ ແລະ ສະຖານີວິທະຍຸ - ໂທລະພາບແຂວງ ຕາມຂໍ້ຕົກລົງຂອງລັດຖະມົນຕີກະຊວງ ຖວທ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຜົ້ງສາລີ ເລກທີ682/ຖວທ ລົງວັນທີ 19 ມິຖຸນາ 2018 ຊຶ່ງມີ 11 ພາລະບົດບາດ ແລະ ໜ້າທີ່ສຳຄັນ. ສຳລັບການກະຈາຍອອກອາກາດໄລຍະນີ້ແມ່ນເຄື່ອງສົ່ງຖືກຟ້າຜ່າໃນວັນທີ 2 ເມສາ 2020 ເຮັດໃຫ້ເຄື່ອງເປ່ເພ ປັດຈຸບັນກະຈາຍໄດ້ກວມພື້ນທີ່ພຽງ 14 ບ້ານ ໃນເມືອງຜົ້ງສາລີ, ມີຜູ້ໄດ້ຮັບຟັງ 23,745 ຄົນ ເທົ່າກັບ 2,7%ຂອງເນື້ອທີ່ທົ່ວແຂວງ, ມີ 17 ລາຍການ ໃນນັ້ນລາຍການສະຖານີມີ 7 ລາຍການ ແລະ ລາຍການເປົ້າໝາຍສະເພາະກົມກອງ, ພະແນກການຂອງແຂວງ ແລະ ເມືອງຜົ້ງສາລີມາຈັດຮ່ວມ 10 ລາຍການ. ສ່ວນລະບົບໂທລະໂຄ່ງແມ່ນມອບໃຫ້ເມືອງຜົ້ງສາລີກະຈາຍນັບແຕ່ວັນທີ 11 ກໍລະກົດ 2023 ເປັນຕົ້ນມາ.ວຽກໂທລະພາບມາຮອດປີ 2017 ບໍລິສັດເຄເບິນທີວີຜົ້ງສາລີ ຕັ້ງຢູ່ເທດສະບານແຂວງເກົ່າ ໄດ້ເຂົ້າມາຊ່ວຍຕິດຕັ້ງເຄື່ອງສົ່ງໂທລະພາບທີ່ເຊື່ອມກັບລະບົບເຄເບິນ ໂດຍຈັດໃຫ້ໂທລະພາບແຂວງຜົ້ງສາລີອອກອາກາດ 1 ຊ່ອງ ທີ່ເປັນຊ່ອງທີ 1 ຂອງເຄເບິນ, ກະຈາຍໃນບັນດາບ້ານເທດສະບານແຂວງເກົ່າ, ມີ 2 ລາຍການ: ລາຍການຂ່າວ ແລະ ລາຍການສິລະປະບ້ານເຮົາ ແລະ ລະບົບໂທລະພາບອານາລ໋ອກໄດ້ຢຸດການກະຈາຍ. ຈົນມາຮອດ ວັນທີ 2 ເມສາ 2020 ຟ້າຜ່າສະຖານີ ແລະ ເຄື່ອງສົ່ງຂອງເຄເບິນ ເຮັດໃຫ້ການເຊື່ອມຕໍ່ຂອງຊ່ອງຜົ້ງສາລີເຂົ້າກັບເຄເບິນເປ່ເພ ເພາະເຄື່ອງດັ່ງກ່າວແມ່ນນຳເຂົ້າຈາກ ສປ ຈີນ ແຕ່ຍ້ອນພະຍາດ ໂຄວິດ-19 ລະບາດຢູ່ ສປ ຈີນ ຈຶ່ງບໍ່ສາມາດເອົາເຄື່ອງໄປສ້ອມແປງໄດ້ ແລະ ບໍລິສັດເຄເບິນກໍຢຸດໃຫ້ການບໍລິການ ຈຶ່ງໄດ້ຢຸດການກະຈາຍ. ມາຮອດປີ 2022 ປ່ຽນຊື່ເອີ້ນມາເປັນ ກອງວິຊາການວິທະຍຸ-ໂທລະພາບແຂວງ ຈົນເຖິງປັດຈຸບັນ ຕາມຂໍ້ຕົກລົງຂອງທ່ານເຈົ້າແຂວງຜົ້ງສາລີ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຜົ້ງສາລີ ເລກທີ 819/ຂຜລ ລົງວັນທີ 12 ກັນຍາ 2022 ຊຶ່ງມີ 13 ພາລະບົດບາດ ແລະ ໜ້າທີ່ສຳຄັນ. ໄລຍະແຕ່ວັນທີ 20 ກັນຍາ ປີ 2019-ປັດຈຸບັນ ແມ່ນທ່ານ ນາງ ຄຳມະລາ ຍີນດາລາຄຳ ເປັນຫົວໜ້າສະຖານີ ມີພະນັກງານທັງໝົດ 9 ຄົນ, ຍິງ 3 ຄົນ.
ການກະຈາຍສື່ອອນລາຍຂອງສະຖານີ:ສື່ອອນລາຍແມ່ນເລີ່ມສ້າງຂຶ້ນວັນທີ 24 ກັນຍາ 2018 ໄດ້ສ້າງໜ້າເຟສບຸກເພຈ facebookແລະ youtube ສະເພາະຂອງສະຖານີ ຂຶ້ນ, ມາຮອດວັນທີ 27 ສິງຫາ ປີ 2024 ໄດ້ເພີ່ມຊ່ອງທາງ ເວັບໄຊ https://dictphongsaly.gov.la ແລະ Tiktokສະເພາະເພື່ອກະຈາຍຂ່າວ, ລາຍການອອກສູ່ສັງຄົມທາງອອນລາຍ ຊຶ່ງຕະຫຼອດໄລຍະຜ່ານມາ ສະຖານີວິທະຍຸ-ໂທລະພາບແຂວງຜົ້ງສາລີ ໄດ້ປະກອບສ່ວນຕາມພາລະບົດບາດເປັນກະບອກສຽງຂອງພັກ-ລັດ ມອບໃຫ້ຢ່າງຕັ້ງໜ້າ ຊຶ່ງມັນສະແດງອອກ ແຕ່ລະປີສາມາດເຄື່ອນໄຫວເກັບກຳຂໍ້ມູນມາຂຽນເປັນຂ່າວໄດ້ 350 ກວ່າຂ່າວຕໍ່ປີ, 25 ບົດຕໍ່ປີ, ກະຈາຍວິທະຍຸໄດ້ 5 ພັນກວ່າຊົ່ວໂມງຕໍ່ປີ, ກະຈາຍໂທລະພາບ 1 ພັນກວ່າຊົ່ວໂມງຕໍ່ປີ, ກະຈາຍໂທລະໂຄ່ງຂອງສະຖານີ 2 ພັນກວ່າຊົ່ວໂມງຕໍ່ປີ; ປັດຈຸບັນມີຜູ້ຕິດຕາມສື່ອອນລາຍສະຖານີ 50 ພັນກວ່າຄົນຕໍ່ປີ, ມີຜູ້ເຂົ້າຊົມ ແລະ ອ່ານຂ່າວໜ້າສື່ອອນລາຍຂອງສະຖານີ 4 ລ້ານກວ່າເທື່ອຄົນຕໍ່ປີ.
