ວິທະຍຸກະຈາຍສຽງຫວຽດນາມລາຍງານວ່າ: ໃນບົດລາຍງານ “ຄວາມຫວັງພະລັງງານໂລກ 2023” ປະກາດເມື່ອບໍ່ດົນມານີ້, ອົງການພະລັງງານສາກົນ (IEA) ຄາດຄະເນວ່າ: ຄວາມຕ້ອງການ ຖ່ານຫີນ, ນ້ຳມັນ ແລະ ເຊື້ອໄຟທຳມະຊາດ ທົ່ວໂລກ ຈະບັນລຸລະດັບສູງສຸດໃນທົດສະວັດນີ້.

ຂ່າວລະບຸວ່າ: ການຄາດຄະເນດັ່ງກ່າວ ໄດ້ຍົກອອກມາ ໂດຍອີງໃສ່ບັນດານະໂຍບາຍໃນປັດ ຈຸບັນຂອງບັນດາປະເທດໃນໂລກ ກ່ຽວກັບຄວາມຕ້ອງການພັດທະນາເຕັກໂນໂລຊີພະລັງງານສະອາດ, ກໍຄືການປ່ຽນແປງໂຄງປະກອບເສດຖະກິດໃນຂອບເຂດທົ່ວໂລກ. ຕາມ IEA ແລ້ວ, ອັດຕາສ່ວນເຊື້ອ ໄຟຟອດຊິວໃນຍອດພະລັງງານທັງໝົດທີ່ສະໜອງໃນທົ່ວໂລກ ຈະຫຼຸດລົງ 73% ໃນປີ 2030. ປະລິມານການປ່ອຍ CO2 ທີ່ກ່ຽວຂ້ອງເຖິງພະລັງງານທົ່ວໂລກ ຈະບັນລຸລະດັບສູງສຸດໃນປີ 2025.

ບົດລາຍງານໄດ້ເຜີຍໃຫ້ຮູ້ວ່າ: ຄວາມຕ້ອງການທົ່ວໂລກກ່ຽວກັບເຊື້ອໄຟຟອດຊິວ ຍັງຄົງຢູ່ໃນລະ ດັບສູງ. ດັ່ງນັ້ນ, IEA ຍາກທີ່ຈະບັນລຸໄດ້ເປົ້າໝາຍຂອງ ສັນຍາ ປາຣີ ປີ 2015 ກ່ຽວກັບການຈຳກັດອຸນ ຫະພູມທົ່ວໂລກເພີ່ມຂຶ້ນສະເລ່ຍຢູ່ໃນລະດັບ 1,5 ອົງສາ C.