ວິທະຍຸກະຈາຍສຽງຫວຽດນາມ ລາຍງານວ່າ: ໃນວັນທີ 20 ມັງກອນ ຜ່ານມາ ພິທີມອບລາງວັນການທ່ອງທ່ຽວ ອາຊຽນ ທີ່ດຳເນີນຢູ່ປະເທດມາເລເຊຍ, ກຸ່ມໂຮມສະເຕບ້ານທາຕາແສງເຟືອງໂດ້ນະຄອນ ຮ່າຢາງແຂວງຮ່າຢາງແມ່ນ 1 ໃນ 5 ຫົວໜ່ວຍຕາງໜ້າໃຫ້ແກ່ ຫວຽດນາມ ຮັບລາງວັນໂຮມສະເຕ ອາຊຽນ 2025ນີ້ແມ່ນລາງວັນອັນສູງສົ່ງຂອງອາຊຽນ, ປະກອບສ່ວນສົ່ງເສີມ ແລະ ພັດທະນາການທ່ອງທ່ຽວ, ແມ່ນໂອກາດເພື່ອໂຄສະນາເຄື່ອງໝາຍການຄ້າການທ່ອງທ່ຽວຊຸມຊົນ ຮ່າຢາງ ອອກສູ່ໂລກ. ພ້ອມທັງ, ຍົກສູງປະສິດທິຜົນການສົ່ງເສີມການທ່ອງທ່ຽວ ແລະ ພັດທະນາເຄື່ອງໝາຍການຄ້າການທ່ອງທ່ຽວ ຮ່າຢາງ ສະຖານທີ່ວັດທະນະທຳ ແຖວໜ້າອາຊີ.

ທ່ານນາງ ຫງວຽນທິຮວ່າຍຮັກສາການຫົວໜ້າພະແນກວັດທະນະທຳ, ກິລາ ແລະ ທ່ອງທ່ຽວ ຮ່າຢາງ ໃຫ້ຮູ້ວ່າ: ຮ່າຢາງ ມີໂຮມສະເຕ 561 ແຫ່ງ; 16 ໝູ່ບ້ານທ່ອງທ່ຽວຊຸມຊົນ ໄດ້ຮັບການຮັບຮອງວ່າເປັນໝູ່ບ້ານວັດທະນະທຳທ່ອງທ່ຽວພົ້ນເດັ່ນ.

ປັດຈຸບັນ, ຮ່າຢາງ ໄດ້ຜັນຂະຫຍາຍການລົງທຶນຍົກລະດັບ, ສ້ອມແປງພື້ນຖານໂຄງລ່າງ, ອະນຸລັກຮັກສາບັນດາຄຸນຄ່າວັດທະນະທຳທີ່ເປັນມູນເຊື້ອ, ສະຖາປັດຕະຍາກຳເຮືອນ, ຖ່າຍທອດອາຊີບຫັດຖະກຳ ແລະ ບັນດາມໍລະດົກວັດທະນະທຳບໍ່ເປັນວັດຖຸ, ສ້າງຮູບແບບຢ້ຽມຊົມທັດສະນະສຶກສາ, ບຳລຸງສ້າງແຫຼ່ງຊັບພະຍາກອນມະນຸດໃຫ້ບຸລິມະສິດໃນການລະດົມທຸກແຫຼ່ງກຳລັງ ແລະ ໂຄງການອະນຸລັກຮັກສາວັດທະນະທຳທີ່ເປັນມູນເຊື້ອ ແລະ ຍົກສູງຄຸນນະພາບການບໍລິການບັນດາໝູ່ບ້ານວັດທະນະທຳທ່ອງທ່ຽວຊຸມຊົນ ໃນບໍລິເວນແຂວງຮ່າຢາງ ຮອດປີ 2025 ແລະ ແຫຼ່ງກຳລັງຈາກສັງຄົມ. ປີ 2023, ບ້ານນ້ຳດຳ (ຕາແສງ ກວານບະເມືອງກວານບະ) ໄດ້ຮັບລາງວັນອາຊຽນກ່ຽວກັບຂົງເຂດການທ່ອງທ່ຽວຊຸມຊົນ.