ສູນວັດທະນະທຳຈີນ ປະຈຳລາວ ຈັດກິດຈະກໍາ “ສະເຫຼີມສະຫຼອງບຸນກຸດຈີນ” ປີ 2025 ​ຮອບມວນ​ຊົນເຂົ້າ​ຊົມຂຶ້ນໃນວັນທີ18-19 ມັງກອນ ຜ່ານມາ ທີ່ສູນວັດທະນະທຳຈີນປະຈຳລາວ ໂດຍ​ມີ​ມວນ​ຊົນ​ເຂົ້າ​ຮ່ວມ​ຢ່າງຫຼວງຫຼາຍ.

ບຸນກຸດຈີນ (ບຸນ​ປີ​ໃໝ່​ຈີນ) ແມ່ນສັນຍາລັກແຫ່ງການເລິ່ມຕົ້ນປີໃໝ່ ຊຶ່ງຈະເລີ່ມຕົ້ນໃນວັນທີ 1 ເດືອນ 1 ຕາມປະຕິທິນຈີນ. ໄລຍະກ່ອນ ແລະ ຫຼັງບຸນກຸດຈີນ ຜູ້ຄົນຈະປະຕິບັດກິດຈະກຳທາງສັງຄົມຕ່າງໆ, ເພື່ອເປັນການບອກລາປີເກົ່າ ແລະ ຕ້ອນຮັບປີໃໝ່ ພ້ອມທັງອະທິຖານຂໍພອນຕາມຈຸດປະສົງຂອງແຕ່ລະຄົນ, ໃນໂອກາດ​ສະຫຼອງສົ່ງທ້າຍປີເກົ່າ ແລະ ຕ້ອນຮັບປີໃໝ່ ທຸກຄົນໃນຄອບຄົວໄດ້ມາເຕົ້າໂຮມກັນສະເຫຼີມສະຫຼອງ, ​ເພື່ອເສີມຂະຫຍາຍຄວາມສາມັກຄີກັນຂອງສັງຄົມ, ຂະບວນການດັ່ງກ່າວນີ້ຖືກເອີ້ນວ່າ “ການສະເຫຼີມສະຫຼອງປີໃໝ່” ບຸນກຸດຈີນ ກາຍເປັນສັນຍາລັກແຫ່ງວັດທະນະທໍາຈີນ ທີ່ທົ່ວໂລກໃຫ້ການຍອມຮັບ, ເຫັນພ້ອມ ແລະ ຊື່ນຊົມ.“ບຸນກຸດຈີນ-ການສະເຫຼີມສະຫຼອງບຸນປີໃໝ່ອັນເປັນມູນເຊື້ອທີ່ປະຕິບັດກັນໃນສັງຄົມຂອງປະຊາຊົນຊາວຈີນ” ໄດ້ຖືກບັນທຶກເຂົ້າໃນລາຍຊື່ມໍລະດົກວັດທະນະທໍານາມມະທໍາຂອງອົງການອຸຍເນັສໂກ.

ພາຍໃນກິດຈະກຳຄັ້ງນີ້ຈະໄດ້ຮັບຊົມການສະແດງສິລະປະພາຍໃຕ້ຫົວຂໍ້:ສະເຫຼີມສະຫຼອງບຸນກຸດຈີນ ແລະ ສຳຜັດວັດທະນະທຳຫູເປີຍທີ່ປະເທດລາວຫູເປີຍ ເປັນແຫຼ່ງກໍາເນີດຂອງວັດທະນະທໍາສູ, ຜູ້ຄົນໃນທີ່ນີ້ ມີແຮງປາຖະໜາອັນແຮງກ້າຕໍ່ກັບການສະແຫວງຫາການດໍາລົງຊີວິດທີ່ດີຂຶ້ນ. ກ່ອນບຸນກຸດຈີນ ພວກເຂົາພາກັນຕິດກອນຄູ່, ເຈ້ຍຕັດ, ຮູບພາບບຸນປີໃໝ່ຈີນທີ່ປະຕູ ແລະ ປ່ອງຢ້ຽມ, ກະກຽມເຄື່ອງທູບໃນການສັກກາລະບູຊາບັນພະບູລຸດ ແລະ ກະກຽມຊາເພື່ອຕ້ອນຮັບແຂກ, ໃນມື້ບຸນ ຜູ້ຄົນຈະໄປຢ້ຽມຢາມ ແລະ ມອບຂອງຂວັນໃຫ້ກັນ, ພ້ອມທັງອວຍພອນໃຫ້ກັນ ແລະ ກັນ.

ກິດຈະກໍາ“ສະເຫຼີມສະຫຼອງບຸນກຸດຈີນ-ສໍາຜັດວັດທະນະທໍາຫູເປີຍທີ່ປະເທດລາວ”ການວາງສະແດງມໍລະດົກວັດທະນະທໍານາມມະທໍາຄັ້ງນີ້ປະກອບມີການວາງສະແດງ ແລະ ກິດຈະກໍາແບບໂຕ້ຕອບທັງໝົດ 8 ລາຍການທີ່ຕາງໜ້າໃຫ້ກັບມໍລະດົກວັດທະນະທໍານາມມະທໍາຂອງແຂວງຫູເປີຍທີ່ກ່ຽວຂ້ອງຢ່າງໃກ້ຊິດກັບປະເພນີບຸນກຸດຈີນຄື: ການຕັດເຈ້ຍລາຍດອກໄມ້ ເມືອງສ້ຽວການ, ສິລະປະການເຮັດຊາຢູ້ລູ້ເອິ່ນສື, ສິລະປະການເຮັດຊາດິນຈີ່ ຈ້າວຫຼີສຽວ, ການປັກແສ່ວຕ້າແຢ, ສິລະປະການເຮັດທູບສູຊ່ຽງ, ການປັ້ນແປ້ງເອີ້ໂຈ່ວ, ການຂຽນຕົວອັກສອນຈີນ, ສິລະປະພາບພິມບຸນກຸດຈີນ.

ຂ່າວ-ພາບ: ບຸນ​ອູ້ມ