ຂ່າວຕ່າງປະເທດລາຍງານໃນວັນທີ 21 ມັງກອນ ຜ່ານມາວ່າ: ກົມພາສີແລະ ອາກອນ ຂອງກຳປູເຈຍລາຍງານວ່າ:ມູນຄ່າການສົ່ງອອກຢາງລົດຂອງກຳປູເຈຍໃນປີ 2024 ມີເຖິງ 874.6 ລ້ານໂດ ລາ,ເພີ່ມຂຶ້ນ 129.7% ເມື່ອທຽບປີຕໍ່ປີ.
ບົດລາຍງານລະບຸວ່າ: ການເຕີບໂຕຢ່າງວ່ອງໄວນີ້ແມ່ນເປັນຜົນຈາກຄວາມພະຍາຍາມເພື່ອສົ່ງເສີມການສົ່ງອອກ. ພາຍໃຕ້ສັນຍາຄູ່ຮ່ວມມືເສດຖະກິດຮອບດ້ານໃນພາກພື້ນ (RCEP) ແລະສັນຍາການຄ້າເສລີທະວິພາຄີ ລະຫວ່າງກຳປູເຈຍກັບຈີນ, ສເກົາຫຼີ, ສະຫະລັດອາຣັບເອມີເຣດ ແລະ ຊ່ວຍເພີ່ມໂອກາດທາງການຕະຫຼາດໃຫ້ກັບສິນຄ້າທີ່ຜະລິດໃນກຳປູເຈຍ.
ປັດຈຸບັນ, ກຳປູເຈຍຍັງມີໂຄງການຜະລິດຢາງລົດ 6 ໂຄງການທີ່ດຳເນີນງານຢູ່ເຂດເສດຖະກິດພິເສດຕ່າງໆຂອງປະເທດ.
ກົມພາສີ ແລະ ອາກອນ ລະບຸຕື່ມວ່າ: ມູນຄ່າການສົ່ງອອກລົດຖີບ (ລວມທັງລົດຖີບໄຟຟ້າ) ຂອງກຳປູເຈຍ ໃນປີ 2024 ຢູ່ທີ່ 426,9 ລ້ານໂດລາ, ຫຼຸດລົງ 12.8% ເມື່ອທຽບປີຕໍ່ປີ.
