ກອງປະຊຸມຄົບຄະນະກຳມາທິການ ເສດຖະກິດ, ເຕັກໂນໂລຊີ ແລະ ສິງແວດລ້ອມ (ສຕສ) ປະຈໍາປີ 2023 ໄດ້ຈັດຂຶ້ນໃນລະຫວ່າງວັນທີ 27-28 ຕຸລານີ້, ທີ່ນະຄອນຫຼວງວຽງຈັນ ໂດຍການເປັນປະທານຂອງ ທ່ານ ລິນຄໍາ ດວງສະຫວັນ ປະທານກຳມາທິການ ສຕສ ຊຶ່ງໃນມື້ປິດກອງປະຊຸມ ທ່ານ ສົມມາດ ພົນເສນາ ຮອງປະທານສະພາແຫ່ງຊາດ ຜູ້ຊີ້ນໍາວຽກງານເສດຖະກິດ ໄດ້ເຂົ້າຮ່ວມມີຄໍາເຫັນໂອ້ລົມ ແລະ ໄດ້ເນັ້ນບາງຈຸດສໍາຄັນ ຕໍ່ກັບວຽກງານກຳມາທິການ ສຕສ ໃນຕໍ່ໜ້າ.
ພາຍຫຼັງກອງປະຊຸມດັ່ງກ່າວ, ໄດ້ດຳເນີນຄົ້ນຄວ້າສົນທະນາ, ປຶກສາຫາລື, ແລກປ່ຽນທັດສະນະ ຕໍ່ບັນດາບັນຫາທີ່ພົ້ນເດັ່ນທາງດ້ານເສດຖະກິດ ກ່ຽວກັບເນື້ອໃນຕ່າງໆ ທີ່ໄດ້ຍົກຂຶ້ນໃນກອງປະຊຸມຢ່າງຕັ້ງໜ້າ, ລົງເລິກໃນຫຼາຍບັນຫາ ເປັນຕົ້ນ ຄໍາເຫັນຕໍ່ການສະຫຼຸບຕີລາຄາການຈັດຕັ້ງປະຕິບັດການເຄື່ອນໄຫວ ປະຈໍາປີ 2023 ແລະ ທິດທາງແຜນການເຄື່ອນໄຫວ ປະຈໍາປີ 2024 ໃຫ້ມີຄວາມຮັດກຸມ ແລະ ສ່ອງແສງເຖິງສະພາບເປັນຈິງຂຶ້ນຕື່ມ. ພ້ອມທັງ ບັນດາຄໍາເຫັນຕໍ່ການລາຍງານຜົນການຕິດຕາມກວດກາຂອງກຳມາທິການ ແລະ ການລາຍງານບັນດາວຽກທີ່ສຳຄັນຂອງກະຊວງກ່ຽວຂ້ອງ ຊຶ່ງລ້ວນແຕ່ເປັນຄໍາເຫັນ ແລະ ຫົວຂໍ້ທີ່ສຳຄັນ ປິ່ນອ້ອມ ຕິດພັນກັບບັນຫາສຳຄັນຂອງຊາດ ໂດຍສະເພາະ ການຜັນຂະຫຍາຍ ແລະ ຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖິດ-ການເງິນ. ທັງໝົດນັ້ນ, ແມ່ນຈະໄດ້ນໍາເຂົ້າປັບປຸງໃສ່ບົດສະຫຼຸບຕີລາຄາການເຄື່ອນໄຫວ ປີ 2023 ແລະ ທິດທາງແຜນການຂອງກຳມາທິການ ສຕສ ປີ 2024 ໃຫ້ມີເນື້ອໃນອຸດົມສົມບູນດີຂຶ້ນ.
ໃນປະຊຸມ, ຍັງໄດ້ຮັບຮອງຮ່າງມະຕິ ກອງປະຊຸມຄົບຄະນະກຳມາທິການ ສຕສ ປະຈໍາປີ 2023, ໄດ້ຮັບຮ່າງເອົາທິດທາງແຜນວຽກຈຸດສຸມ ປະຈໍາປີ 2024 ໂດຍປະກອບມີດ້ານນິຕິກໍາ ເປັນຕົ້ນແຜນວຽກຈຸດສຸມໃນການເຂົ້າຮ່ວມຮຽບຮຽງຄືນກົດໝາຍ 1 ສະບັບ (ຮ່າງກົດໝາຍ ວ່າດ້ວຍຊັບສິນທາງປັນຍາ ສະບັບປັບປຸງ) ພາຍຫຼັງທີ່ກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ທີ່ກຳລັງຈະດຳເນີນ ແລະ ພິຈາລະນາຮັບຮອງ...; ດ້ານການພິຈາລະນາຕົກລົງບັນຫາສຳຄັນພື້ນຖານຂອງຊາດ ກໍຈະປະສານສົມທົບກັບພາກສ່ວນກ່ຽວຂ້ອງ ເພື່ອຄົ້ນຄວ້າ, ວິເຄາະໂຕເລກຄາດໝາຍຕ່າງໆ ທີ່ກຳນົດໃນແຜນພັດທະນາເສດຖະກິດ-ສັງຄົມ ແຫ່ງຊາດ, ແຜນງົບປະມານແຫ່ງລັດ ປະຈໍາປີ 2023 ແລະ ທິດທາງແຜນການປີ 2024... ນອກນີ້, ຍັງມີວຽກງານຈຸດສຸມໃນດ້ານການຕິດຕາມກວດກາ ເປັນຕົ້ນ ແມ່ນຕິດຕາມກວດກາບັນຫາພົ້ນເດັ່ນທີ່ສັງຄົມສົນໃຈຫຼາຍ ໃຫ້ໄດ້ຢ່າງນ້ອຍ 3 ຄັ້ງ ແລະ ດ້ານການຄົ້ນຄວ້າ, ພິຈາລະນາຄໍາຂໍຄວາມເປັນທໍາຂອງປະຊາຊົນເຊັ່ນ: ຈະສູ້ຊົນຄົ້ນຄວ້າຄໍາຮ້ອງໃຫ້ຖືກຕ້ອງຕາມກົດໝາຍ ແລະ ລະບຽບການທີ່ກ່ຽວຂ້ອງ ໃຫ້ໄດ້ຢ່າງໜ້ອຍ 80%.
ທ່ານ ສົມມາດ ພົນເສນາ ໄດ້ມີຄໍາເຫັນໂອ້ລົມ ແລະ ເນັ້ນບາງຈຸດສຳຄັນ ຕໍ່ກຳມາທິການ ສຕສ ໃນນາມທີ່ເປັນເສນາທິການໃຫ້ແກ່ສະພາແຫ່ງຊາດ ແລະ ລັດຖະບານ ເອົາໃຈໃສ່ຄົ້ນຄວ້າບັນດາບັນຫາສຳຄັນພື້ນຖານຂອງຊາດ ໃຫ້ມີທິດທາງໃນການແກ້ໄຂທີ່ເໝາະສົມເຊັ່ນ: ໃນຮ່າງມະຕິ, ກໍເນັ້ນໃຫ້ຂຽນເປັນລາຍລັກອັກສອນຄັກແນ່ ກ່ຽວກັບຄວາມເຫັນ ທີ່ເປັນຂໍ້ຊັກຖາມ ຕໍ່ກະຊວງ/ອົງການ ແລ້ວສົ່ງໃຫ້ເພື່ອໃຫ້ມີຄໍາຕອບ ຫຼີກລ້ຽງບໍ່ໃຫ້ມີກໍລະນີເວົ້າໄປແລ້ວ ກໍແລ້ວໄປ; ຂັ້ນກະຊວງຕ້ອງມີການມອບສິດໃຫ້ພະແນກຂອງຕົນຢູ່ຂັ້ນແຂວງ ມີສິດຕັດສິນແກ້ໄຂທັນທີໃນກໍລະນີ ຫາກມີໂຄງການຂຸດຄົ້ນ ທີ່ເປັນຜົນກະທົບຕໍ່ສິ່ງແວດລ້ອມ ທີ່ສ່ຽງຕໍ່ກັບການມີສະພາບປ່າປ່ຽນສີ ຢູ່ແຂວງນັ້ນ ບໍ່ຈໍາເປັນຕ້ອງລາຍງານຂຶ້ນມາກະຊວງ ເນື່ອງຈາກກວ່າຈະລາຍງານມາເຖິງ ແລະ ມີຄໍາຕັດສິນ ກໍຕ້ອງໃຊ້ເວລາ. ສະນັ້ນ ຂໍໃຫ້ປະຕິບັດຕາມຫຼັກການກວດກາ ແມ່ນບັນຫາເກີດຂຶ້ນຢູ່ບ່ອນໃດ ບ່ອນນັ້ນຕ້ອງໄດ້ແກ້. ນອກນີ້, ຍັງສະເໜີຮັບປະກັນດ້ານແຜນງົບປະມານ ໂດຍສະເພາະ 10% ຂອງງົບປະມານ ຕ້ອງແກ້ໄຂບັນກາຕາຝັງເຈື່ອນ. ຂະນະທີ່ໂຄງການລົງທຶນປີ 2024 ກ່ອນອື່ນໝົດ ຕ້ອງແກ້ໄຂບັນຫາໄພພິບັດ ທີ່ເກີດຂຶ້ນ ຊຶ່ງສົ່ງຜົນກະທົບຕໍ່ເສັ້ນທາງຄົມມະນາຄົມ.
(ຂ່າວ-ພາບ: ສຸກສະຫວັນ)
ພາຍຫຼັງກອງປະຊຸມດັ່ງກ່າວ, ໄດ້ດຳເນີນຄົ້ນຄວ້າສົນທະນາ, ປຶກສາຫາລື, ແລກປ່ຽນທັດສະນະ ຕໍ່ບັນດາບັນຫາທີ່ພົ້ນເດັ່ນທາງດ້ານເສດຖະກິດ ກ່ຽວກັບເນື້ອໃນຕ່າງໆ ທີ່ໄດ້ຍົກຂຶ້ນໃນກອງປະຊຸມຢ່າງຕັ້ງໜ້າ, ລົງເລິກໃນຫຼາຍບັນຫາ ເປັນຕົ້ນ ຄໍາເຫັນຕໍ່ການສະຫຼຸບຕີລາຄາການຈັດຕັ້ງປະຕິບັດການເຄື່ອນໄຫວ ປະຈໍາປີ 2023 ແລະ ທິດທາງແຜນການເຄື່ອນໄຫວ ປະຈໍາປີ 2024 ໃຫ້ມີຄວາມຮັດກຸມ ແລະ ສ່ອງແສງເຖິງສະພາບເປັນຈິງຂຶ້ນຕື່ມ. ພ້ອມທັງ ບັນດາຄໍາເຫັນຕໍ່ການລາຍງານຜົນການຕິດຕາມກວດກາຂອງກຳມາທິການ ແລະ ການລາຍງານບັນດາວຽກທີ່ສຳຄັນຂອງກະຊວງກ່ຽວຂ້ອງ ຊຶ່ງລ້ວນແຕ່ເປັນຄໍາເຫັນ ແລະ ຫົວຂໍ້ທີ່ສຳຄັນ ປິ່ນອ້ອມ ຕິດພັນກັບບັນຫາສຳຄັນຂອງຊາດ ໂດຍສະເພາະ ການຜັນຂະຫຍາຍ ແລະ ຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖິດ-ການເງິນ. ທັງໝົດນັ້ນ, ແມ່ນຈະໄດ້ນໍາເຂົ້າປັບປຸງໃສ່ບົດສະຫຼຸບຕີລາຄາການເຄື່ອນໄຫວ ປີ 2023 ແລະ ທິດທາງແຜນການຂອງກຳມາທິການ ສຕສ ປີ 2024 ໃຫ້ມີເນື້ອໃນອຸດົມສົມບູນດີຂຶ້ນ.
ໃນປະຊຸມ, ຍັງໄດ້ຮັບຮອງຮ່າງມະຕິ ກອງປະຊຸມຄົບຄະນະກຳມາທິການ ສຕສ ປະຈໍາປີ 2023, ໄດ້ຮັບຮ່າງເອົາທິດທາງແຜນວຽກຈຸດສຸມ ປະຈໍາປີ 2024 ໂດຍປະກອບມີດ້ານນິຕິກໍາ ເປັນຕົ້ນແຜນວຽກຈຸດສຸມໃນການເຂົ້າຮ່ວມຮຽບຮຽງຄືນກົດໝາຍ 1 ສະບັບ (ຮ່າງກົດໝາຍ ວ່າດ້ວຍຊັບສິນທາງປັນຍາ ສະບັບປັບປຸງ) ພາຍຫຼັງທີ່ກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ທີ່ກຳລັງຈະດຳເນີນ ແລະ ພິຈາລະນາຮັບຮອງ...; ດ້ານການພິຈາລະນາຕົກລົງບັນຫາສຳຄັນພື້ນຖານຂອງຊາດ ກໍຈະປະສານສົມທົບກັບພາກສ່ວນກ່ຽວຂ້ອງ ເພື່ອຄົ້ນຄວ້າ, ວິເຄາະໂຕເລກຄາດໝາຍຕ່າງໆ ທີ່ກຳນົດໃນແຜນພັດທະນາເສດຖະກິດ-ສັງຄົມ ແຫ່ງຊາດ, ແຜນງົບປະມານແຫ່ງລັດ ປະຈໍາປີ 2023 ແລະ ທິດທາງແຜນການປີ 2024... ນອກນີ້, ຍັງມີວຽກງານຈຸດສຸມໃນດ້ານການຕິດຕາມກວດກາ ເປັນຕົ້ນ ແມ່ນຕິດຕາມກວດກາບັນຫາພົ້ນເດັ່ນທີ່ສັງຄົມສົນໃຈຫຼາຍ ໃຫ້ໄດ້ຢ່າງນ້ອຍ 3 ຄັ້ງ ແລະ ດ້ານການຄົ້ນຄວ້າ, ພິຈາລະນາຄໍາຂໍຄວາມເປັນທໍາຂອງປະຊາຊົນເຊັ່ນ: ຈະສູ້ຊົນຄົ້ນຄວ້າຄໍາຮ້ອງໃຫ້ຖືກຕ້ອງຕາມກົດໝາຍ ແລະ ລະບຽບການທີ່ກ່ຽວຂ້ອງ ໃຫ້ໄດ້ຢ່າງໜ້ອຍ 80%.
ທ່ານ ສົມມາດ ພົນເສນາ ໄດ້ມີຄໍາເຫັນໂອ້ລົມ ແລະ ເນັ້ນບາງຈຸດສຳຄັນ ຕໍ່ກຳມາທິການ ສຕສ ໃນນາມທີ່ເປັນເສນາທິການໃຫ້ແກ່ສະພາແຫ່ງຊາດ ແລະ ລັດຖະບານ ເອົາໃຈໃສ່ຄົ້ນຄວ້າບັນດາບັນຫາສຳຄັນພື້ນຖານຂອງຊາດ ໃຫ້ມີທິດທາງໃນການແກ້ໄຂທີ່ເໝາະສົມເຊັ່ນ: ໃນຮ່າງມະຕິ, ກໍເນັ້ນໃຫ້ຂຽນເປັນລາຍລັກອັກສອນຄັກແນ່ ກ່ຽວກັບຄວາມເຫັນ ທີ່ເປັນຂໍ້ຊັກຖາມ ຕໍ່ກະຊວງ/ອົງການ ແລ້ວສົ່ງໃຫ້ເພື່ອໃຫ້ມີຄໍາຕອບ ຫຼີກລ້ຽງບໍ່ໃຫ້ມີກໍລະນີເວົ້າໄປແລ້ວ ກໍແລ້ວໄປ; ຂັ້ນກະຊວງຕ້ອງມີການມອບສິດໃຫ້ພະແນກຂອງຕົນຢູ່ຂັ້ນແຂວງ ມີສິດຕັດສິນແກ້ໄຂທັນທີໃນກໍລະນີ ຫາກມີໂຄງການຂຸດຄົ້ນ ທີ່ເປັນຜົນກະທົບຕໍ່ສິ່ງແວດລ້ອມ ທີ່ສ່ຽງຕໍ່ກັບການມີສະພາບປ່າປ່ຽນສີ ຢູ່ແຂວງນັ້ນ ບໍ່ຈໍາເປັນຕ້ອງລາຍງານຂຶ້ນມາກະຊວງ ເນື່ອງຈາກກວ່າຈະລາຍງານມາເຖິງ ແລະ ມີຄໍາຕັດສິນ ກໍຕ້ອງໃຊ້ເວລາ. ສະນັ້ນ ຂໍໃຫ້ປະຕິບັດຕາມຫຼັກການກວດກາ ແມ່ນບັນຫາເກີດຂຶ້ນຢູ່ບ່ອນໃດ ບ່ອນນັ້ນຕ້ອງໄດ້ແກ້. ນອກນີ້, ຍັງສະເໜີຮັບປະກັນດ້ານແຜນງົບປະມານ ໂດຍສະເພາະ 10% ຂອງງົບປະມານ ຕ້ອງແກ້ໄຂບັນກາຕາຝັງເຈື່ອນ. ຂະນະທີ່ໂຄງການລົງທຶນປີ 2024 ກ່ອນອື່ນໝົດ ຕ້ອງແກ້ໄຂບັນຫາໄພພິບັດ ທີ່ເກີດຂຶ້ນ ຊຶ່ງສົ່ງຜົນກະທົບຕໍ່ເສັ້ນທາງຄົມມະນາຄົມ.
(ຂ່າວ-ພາບ: ສຸກສະຫວັນ)
