ຂ່າວສານຊີອາໄອ ລາຍງານໃນວັນທີ 30 ມັງກອນ ຜ່ານມາວ່າ: ໃນປີ 2024, ຈີນໄດ້ສືບຕໍ່ຊຸກຍູ້ການປະຕິຮູບລະບຽບການສິດປ່າໄມ້ລວມໝູ່ ແລະ ການພັດທະນາອຸດສາຫະກໍາປ່າໄມ້ທີ່ມີຄຸນນະພາບສູງ, ຍອດມູນຄ່າຜົນຜະລິດອຸດສາຫະກໍາປ່າໄມ້ແຫ່ງຊາດໄດ້ບັນລຸເຖິງ 10.17ຕື້ຢວນ, ເພີ່ມຂຶ້ນ 9.6% ເມື່ອທຽບໃສ່ປີ 2023.

ຂ່າວລະບຸວ່າ: ເຈົ້າໜ້າທີ່ກ່ຽວຂ້ອງຂອງອົງການປ່າໄມ້ ແລະ ທົ່ງຫຍ້າແຫ່ງຊາດຈີນກ່າວວ່າ: ໃນປີ 2024, ອົງການປ່າໄມ້ ແລະ ທົ່ງຫຍ້າແຫ່ງຊາດ ໄດ້ຕັ້ງໜ້າຊຸກຍູ້ການປະດິດສ້າງໃໝ່ໃນດ້ານລະບຽບການສິດປ່າໄມ້ລວມໝູ່ຢ່າງໝັ້ນທ່ຽງ, ມາຮອດປັດຈຸບັນ, ເນື້ອທີ່ປ່າໄມ້ລວມໝູ່ໃນທົ່ວປະເທດໄດ້ເພີ່ມຂຶ້ນ 34% ເມື່ອທຽບໃສ່ໄລຍະກ່ອນການປະຕິຮູບ, ປະລິມານການສະສົມປ່າໄມ້ໄດ້ເພີ່ມຂຶ້ນເກືອບໜຶ່ງເທົ່າ. ຂະແໜງການປ່າໄມ້ລວມໝູ່ໄດ້ສ້າງຕຳແໜ່ງງານໃຫ້ຊາວກະສິກອນຫຼາຍກວ່າ 47 ລ້ານຄົນ, ສະເລ່ຍແລ້ວ ສະມັດຖະພາບການຜະລິດຂອງທີ່ດິນປ່າໄມ້ລວມໝູ່ແມ່ນ4,500 ຢວນຕໍ່ເຮັກຕາ, ເພີ່ມຂຶ້ນຫຼາຍກວ່າ 3 ເທົ່າເມື່ອທຽບໃສ່ໄລຍະກ່ອນການປະຕິຮູບ.

ປັດຈຸບັນ, ຜົນຜະລິດອາຫານຈາກປ່າໄມ້ຂອງຈີນໄດ້ບັນລຸຫຼາຍກວ່າ 200 ລ້ານໂຕນຕໍ່ປີ, ກາຍເປັນຜະລິດຕະພັນກະສິກໍາທີ່ສໍາຄັນອັນດັບທີສາມຖັດຈາກພືດພັນທັນຍາຫານ ແລະ ຜັກ.