ຂ່າວຕ່າງປະເທດລາຍງານ ໃນວັນທີ 30 ມັງກອນ ຜ່ານມາ, ຫ້ອງການສະຖິຕິຟີລິບປີນລາຍງານວ່າ:ລວມຍອດຜະລິດຕະພັນພາຍໃນປະເທດ (GDP) ຂອງຟີລິບປິນ ຂະຫຍາຍຕົວ 5,6% ໃນປີ 2024ຊຶ່ງຕ່ຳກວ່າເປົ້າໝາຍທີ່ລັດຖະບານວາງໄວ້6-6,5%.
ທ່ານ ໂຣສແມຣີ ເອດິລລອນ ຮອງເລຂາທິການໃຫຍ່ອົງການເສດຖະກິດແລະການພັດທະນາແຫ່ງຊາດຟີລິບປິນ ກ່າວວ່າ: ຟີລິບປິນເປັນປະເທດທີ່ມີເສດຖະກິດຂະຫຍາຍຕົວທີ່ສຸດອັນດັບສາມໃນພາກພື້ນ, ເຖິງວ່າຈະປະສົບກັບອຸປະສັກຫຼາຍຢ່າງໃນປີ 2024, ລວມທັງອາກາດຮ້າຍແຮງ, ຄວາມເຄັ່ງຕຶງທາງດ້ານພູມສາດ ແລະຄວາມຕ້ອງການຂອງທົ່ວໂລກຊ້າລົງ ຊຶ່ງຄ້າຍຄືກັນກັບປີ 2023, ໂດຍຂະແໜງກະສິກຳໄດ້ຮັບຜົນກະທົບຢ່າງໜັກໜ່ວງໃນທ້າຍເດືອນຕຸລາຫາກາງເດືອນພະຈິກ 2024 ເນື່ອງຈາກມີພາຍຸໄຕ້ຝຸ່ນພັດເຂົ້າຟີລິບປິນຕິດຕໍ່ກັນ 6 ຄັ້ງ.
ສໍາລັບ ປີ 2025, ທ່ານ ເອດິລລອນ ກ່າວເຖິງຄວາມຈຳເປັນໃນການສ້າງຄວາມເຂັ້ມແຂງທາງເສດຖະກິດທີ່ດີຍິ່ງຂຶ້ນ ດ້ວຍແຫຼ່ງການຂະຫຍາຍຕົວທີ່ມີຄວາມຫຼາກຫຼາຍແລະຄວາມສະຖຽນລະພາບຂອງລາຄາ. ໂດຍຟີລິບປິນຈະຮັກສາສະຖຽນລະພາບການສະໜອງສະບຽງອາຫານ ແລະ ສະກັດກັ້ນການຂຶ້ນລາຄາທີ່ບໍ່ສົມເຫດສົມຜົນຜ່ານນະໂຍບາຍການຄ້າຍຸດທະສາດ. ປ່ອຍແລະແຈກຢາຍການຜະລິດແລະການສະໜັບສະໜູນຫຼັງການຜະລິດຢ່າງທັນການ ແລະໃຊ້ມາດຕະການຢ່າງຕັ້ງໜ້າເພື່ອສະກັດກັ້ນການກັກຕຸນ.
