ໂດຍ: ຕະວິນຍານ
ການຈັດຕັ້ງແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VII ແຂວງໄຊຍະບູລີ ສາມາດຜະລິດພືດກະສິກໍາເພີ່ມຂຶ້ນຢ່າງຕໍ່ເນື່ອງ ສອງປີເຄິ່ງຜ່ານມາ,ຜະລິດເຂົ້າໄດ້ 194.893 ໂຕນ ເທົ່າກັບ 103,66% ຂອງແຜນ, ໃນນີ້: ເຂົ້ານາປີ ປະຕິບັດໄດ້ 161.803 ໂຕນ ເທົ່າກັບ 104%, ນາແຊງ ປະຕິບັດໄດ 9.086 ໂຕນ ເທົ່າກັບ 86,5%, ເຂົ້າໄຮ່ ປະຕິບັດໄດ້ 24.461 ໂຕນ ເທົ່າກັບ 110%, ໃນນີ້ມີເຂົ້າເຫຼືອກິນ ສາມາດຂາຍເປັນສິນຄ້າໄດ້ 45.000 ໂຕນ ເທົ່າກັບ 64%.
ຜົນຜະລິດພືດເປັນສິນຄ້າ: ປະຕິບັດໄດ້ 1.951.786 ໂຕນ ເທົ່າກັບ 139,41%;  ໃນນີ້ ພືດທີ່ພົ້ນເດັ່ນແມ່ນ ມັນຕົ້ນ, ໝາກເດືອຍ ແລະ ສາລີແຂງ.ຜົນຜະລິດພືດສະບຽງອາຫານ: ປະຕິບັດໄດ້ 131.126 ໂຕນ ເທົ່າກັບ 72,84%, ໃນນີ້ ຜະລິດເຂົ້າຕາມມາດຖານກະສິກໍາທີ່ດີ (GAP) ປະຕິບັດໄດ້ 37.515 ໂຕນ ເທົ່າກັບ 19,24%, ຜະລິດພືດສະບຽງ ຕາມມາດຖານກະສິກໍາທີ່ດີ (GAP) ປະຕິບັດໄດ້ 1.662 ໂຕນ ເທົ່າກັບ 4,61% (ພືດຜັກເຮືອນຮົ່ມ) ແລະ ຜະລິດພືດເປັນສິນຄ້າ ຕາມມາດຖານກະສິກໍາທີ່ດີ (GAP) ປະຕິບັດໄດ້ 190.044 ໂຕນ (ໝາກກ້ວຍຫອມ, ໝາກໂມ,ຖົ່ວເຫຼືອງຝັກສົດ) ເທົ່າກັບ 9,73%;ສ້າງບ້ານແບບຢ່າງດ້ານກະສິກຳ ແລະ ປ່າໄມ້ ສາມາດຮັບຮອງໄດ້ 1 ບ້ານຄື: ບ້ານນາໂສມ ເມືອງພຽງ;ຜະລິດຊີ້ນ, ປາ ແລະ ໄຂ່ ປະຕິບັດໄດ້ 22.953 ໂຕນ ເທົ່າກັບ 80,82% ສະເລ່ຍໄດ້ 54,81 ກິໂລ/ຄົນ/ປີ; ການຂະຫຍາຍຕົວຂອງຝູງສັດໃຫຍ່ໄດ້ 13,5% ທຽບໃສ່ຄາດໝາຍເຫັນໄດ້ວ່າປະຕິບັດໄດ້ລື່ນແຜນ(ຄາດໝາຍ 6%), ໃນນີ້ ງົວຂະຫຍາຍຕົວໄດ້ 12%, ຄວາຍຂະຫຍາຍຕົວ 15%.