ພົບປະສອງຝ່າຍ ກະຊວງ ອຄ ສປປ ລາວ ແລະ ອົງການຊັບສິນທາງປັນຍາໂລກ

ພ້ອມດ້ວຍຄະນະ ໃນວັນທີ 17 ກັນຍາ ນີ້ ໃນໂອກາດທີ່ເດີນທາງມາປະຕິບັດໜ້າທີ່ ໃນ ສປປ ລາວ ແລະ ເຂົ້າຮ່ວມກອງປະຊຸມລັດຖະມົນຕີເສດຖະກິດອາຊຽນ-ອົງການຊັບສິນທາງປັນຍາໂລກ (AEM – WIPO) ທີ່ຈັດຂຶ້ນຢູ່ໃນວະລະຂອງກອງປະຊຸມລັດຖະມົນຕີເສດຖະກິດອາຊຽນ ຄັ້ງທີ 56 ທີ່ ສປປ ລາວ ເປັນເຈົ້າພາບ ລະຫວ່າງວັນທີ 15-22 ກັນຍານີ້ ທີ່ນະຄອນຫຼວງວຽງຈັນ,
ທ່ານ ມະໄລທອງ ກົມມະສິດ ໄດ້ສະແດງຄວາມຊົມເຊີຍ ແລະຍິນດີຕ້ອນຮັບທ່ານ ດາເຣັນຕັງພ້ອມດ້ວຍຄະນະ ທີ່ເດີນທາງມາ ສປປ ລາວ ເປັນຄັ້ງທີ 2 ໃນຮອບຫຼາຍປີ ເພື່ອພົບປະສອງຝ່າຍ ແລະ ເຂົ້າຮ່ວມກອງປະຊຸມລັດຖະມົນຕີເສດຖະກິດອາຊຽນ-ອົງການຊັບສິນທາງປັນຍາໂລກ (AEM – WIPO) ໃນຄັ້ງນີ້,ພ້ອມສະແດງຄວາມຂອບໃຈມາຍັງ ອົງການຊັບສິນທາງປັນຍາໂລກ ທີ່ໃຫ້ການສະໜັບສະໜູນ ແລະ ຊ່ວຍເຫຼືອດ້ານເຕັກນິກ ແລະ ວິຊາການ ເປັນຕົ້ນການພັດທະນາລະບົບຖານຂໍ້ມູນຊັບສິນທາງປັນຍາ ເພື່ອຊ່ວຍໃນການຄຸ້ມຄອງ ແລະ ປົກປ້ອງຊັບສິນທາງປັນຍາ, ການພັດທະນາລະບົບການຈົດທະບຽນຊັບສິນທາງປັນຍາແບບອອນລາຍ, ການກະກຽມເຂົ້າເປັນພາຄີຂອງສົນທິສັນຍາສາກົນຕ່າງໆ ເຊັ່ນ: Madrid Protocol,Geneva Act on Lisbon agreement, PCT ລວມທັງການສ້າງຂີດຄວາມສາມາດບຸກຄະລາກອນເຊັ່ນ: ການຝຶກງານ, ຝຶກອົບຮົມ, ສໍາມະນາ, ທັດສະນະສຶກສາ ແລະ ອື່ນໆ; ການຊ່ວຍເຫຼືອໂຄງການປະເທດດ້ອຍພັດທະນາ ເພື່ອກຽມຄວາມພ້ອມໃຫ້ແກ່ ສປປ ລາວ ຫຼຸດພົ້ນອອກຈາກປະເທດດ້ອຍພັດທະນາເຊັ່ນ: ການປັບປຸງລະບົບຖານຂໍ້ມູນຊັບສິນທາງປັນຍາໃຫ້ທັນສະໄໝ ແລະ ວ່ອງໄວ, ການສ້າງວິດີໂອສາທິດຂັ້ນຕອນ ແລະ ລະບຽບການຈົດທະບຽນເຄື່ອງໝາຍການຄ້າ, ສິດທິບັດ, ແບບອຸດສາຫະກໍາ, ຊ່ວຍຜະລິດຕະພັນຖິ່ນກໍາເນີດ, ນອກຈາກນີ້ ຍັງຊ່ວຍເຫຼືອໃນການສ້າງຍີ່ຫໍ້, ອອກແບບສິ່ງຫຸ້ມຫໍ່ ໃຫ້ 10 ບໍລິສັດວິສາຫະກິດຂະໜາດນ້ອຍ ແລະ ກາງ ຢູ່ນະຄອນຫຼວງວຽງຈັນ, 22 ບໍລິສັດ ຢູ່ແຂວງຫຼວງພະບາງ ແລະ ກໍາລັງດໍາເນີນໂຄງການນັກປະດິດສ້າງໄວໜຸ່ມ ແລະ ໂຄງການແຂ່ງຂັນຕິກຕ໋ອກຕື່ມອີກ.
ທ່ານ ມະໄລທອງ ກົມມະສິດ ຍັງໄດ້ສະເໜີແລກປ່ຽນຫຼາຍບັນຫາທີ່ສຳຄັນເຊັ່ນ: ເພີ່ມທະວີການສ້າງນັກກວດສອບລາວສ້າງຂີດຄວາມສາມາດໃຫ້ແກ່ບຸກຄະລາກອນຂອງລາວ ໃຫ້ກາຍເປັນຜູ້ຊ່ຽວຊານທີ່ມີຄວາມຮູ້ ຄວາມສາມາດດ້ານການກວດສອບເຄື່ອງໝາຍການຄ້າ, ສິດທິບັດ, ອະນຸສິດທິບັດ, ແບບອຸດສາຫະກໍາ, ຖິ່ນກໍາເນີດ, ປົກປ້ອງພັນພືດ, ລິຂະສິດ, ແກ້ໄຂຂໍ້ຂັດແຍ່ງ, ອົງການລິຂະສິດແບບລວມໝູ່ ແລະ ສົ່ງເສີມອຸດສາຫະກໍາສ້າງສັນ ຊຶ່ງໃນໄລຍະທີ່ຜ່ານມາ ສ້າງໄດ້ 3 ຄົນ, ນອກຈາກນີ້ ສະເໜີໃຫ້ຊ່ວຍເຫຼືອໃນການກະກຽມຄວາມພ້ອມ ເພື່ອເຂົ້າເປັນພາຄີຂອງສົນທິສັນຍາສາກົນບັນດາຂົງເຂດຕ່າງໆ; ສືບຕໍ່ສະໜັບສະໜູນການສ້າງສູນສົ່ງເສີມເຕັກໂນໂລຊີ ແລະ ນະວັດຕະກໍາ ຊຶ່ງມີແຜນສ້າງໃນປີນີ້ 2 ແຫ່ງຄື: ຢູ່ມະຫາວິທະຍາໄລແຫ່ງຊາດ ແລະ ສະຖາບັນ ອຸດສາຫະກຳ ແລະ ການຄ້າ ແລະ ວຽກງານອື່ນທີ່ກ່ຽວຂ້ອງ.
(ຂ່າວ: ຍຸພິນທອງ-ພາບ: ແສງຈັນ)