ແລະ ສານປະຊາຊົນແຂວງ ກວາງຈິ ສສ ຫວຽດນາມ, ຝ່າຍແຂວງສະຫວັນນະເຂດນໍາໂດຍ ທ່ານ ວົງວິໄລ ຈິດປະເສີດ ຮັກສາການປະທານສານປະຊາຊົນແຂວງ, ຝ່າຍແຂວງ ກວາງຈິ ນໍາໂດຍ ທ່ານ ເລຮົງ ກວາງ ຄະນະປະຈຳພັກແຂວງ ຜູ້ພິພາກສາຊັ້ນສູງ ປະທານສານປະຊາຊົນແຂວງ, ມີບັນດາພະນັກງານຈາກທັງ 2 ຝ່າຍເຂົ້າຮ່ວມ.
ໃນໂອກາດນີ້, ທ່ານ ວົງວິໄລ ຈິດປະເສີດ ໄດ້ລາຍງານ ສະພາບລວມການປະຕິບັດວຽກງານໂດຍສັງເຂບ ຮູ້ວ່າ: ຕະຫຼອດໄລຍະຂອງການປະຕິບັດບົດບັນທຶກ ຊ່ວຍຈໍາທີ່ສ້າງຂຶ້ນໃນປີ 2003 ນັ້ນກໍຖືວ່າເປັນໄລຍະ 21 ປີ ທີ່ສານປະຊາຊົນທັງ 2 ແຂວງໄດ້ຜັດປ່ຽນກັນໄປມາຄື: ສານປະຊາຊົນ ແຂວງກວາງຈິມາເຄື່ອນໄຫວ 16 ຄັ້ງ ລວມທັງຄັ້ງນີ້ ແລະ ສານປະຊາຊົນແຂວງສະຫວັນນະເຂດໄດ້ໄປເຄື່ອນໄຫວຢູ່ສານແຂວງກວາງຈິ 15 ຄັ້ງ. ຕະຫຼອດໄລຍະການພົບປະແລກປ່ຽນໃນແຕ່ລະຄັ້ງນັ້ນ ລ້ວນແຕ່ແມ່ນສາຍພົວພັນມິດຕະພາບ ພິເສດລະຫວ່າງ ສອງປະເທດລາວ-ຫວຽດນາມ ເວົ້າລວມ, ເວົ້າສະເພາະລະຫວ່າງສານປະຊາຊົນ ສອງແຂວງ.
ໃນໄລຍະ 1 ປີຜ່ານມາ ສານປະຊາຊົນແຂວງສະຫວັນນະເຂດ ແລະ ສານປະຊາຊົນເຂດສາມາດພິຈາລະນາແກ້ໄຂຄະດີ ຄື: ສາມາດພິຈາລະນາແກ້ໄຂຄະດີທີ່ເຂົ້າມາຍັງສານຂັ້ນຕົ້ນໄດ້ 760 ເລື່ອງ, ເທົ່າ 75.17% ຂອງຄະດີທັງໝົດ 1,011 ເລື່ອງ. ໃນນັ້ນ, ມີການຂໍອຸທອນ 42 ເລື່ອງ, ເທົ່າກັບ 5.52% ຂອງຄະດີທີ່ແກ້ໄຂໄດ້ທັງໝົດ.
ຈາກນັ້ນ, ທ່ານ ເລຮົງກວາງ ກໍ່ໄດ້ກ່າວຂອບໃຈຕໍ່ທ່ານ ວົງວິໄລ ຈິດປະເສີດ ກໍຄືພະນັກງານ ທັງໝົດພາຍໃນສານປະຊາຊົນ ແຂວງສະຫວັນນະເຂດ ທີ່ໃຫ້ການ ຕ້ອນຮັບຢ່າງອົບອຸ່ນ ພ້ອມທັງ ກ່າວລາຍງານສະພາບຂອງການ ປະຕິບັດວຽກງານສານປະຊາຊົນ ພາຍໃນແຂວງກວາງ. ຈາກນັ້ນ, ທັງ 2 ຝ່າຍກໍໄດ້ ປຶກສາຫາລື ແລກປ່ຽນຄໍາຄິດເຫັນຮ່ວມກັນຢ່າງກົງໄປກົງມາ ເພື່ອປັບປຸງການປະສານວຽກ ງານ ຮ່ວມກັນໃຫ້ມີຄວາມສະດວກ ວ່ອງໄວ ແລະ ທັນເວລາ ພ້ອມທັງ ເປັນການປັບປຸງວຽກງານດ້ານວິຊາສະເພາະໃຫ້ມີຄວາມສອດຄ່ອງ ແລະ ເໝາະສົມກັບສະພາບຄວາມ ເປັນຈິງ.
(ແຫຼ່ງຂ່າວ: ແຂວງສະຫວັນນະເຂດ)
ຄໍາເຫັນ